Áeá Ekkeei Afalafal

EWE LEENIEN MAS

Kapas eis: Me reom, ifa ewe liffang mi fókkun múrinné seni meinisin Kot a ngenikich?

Anéúnéú: Ei Leenien Mas a menlapei ewe popun Kot a tiinaato Jesus wóón fénúfan pwe epwe máló fán itach me ifa usun sia tongeni pwáraatá ach kilisou ren ena liffang.

ÁITIIR EWE ENLET

Kapas eis: Epwe ifa ekiekich usun ewe liffang manaw?

Wokisin: Pwä 4:11

Enlet: Pokiten manaw eú liffang seni Kot, sia aúcheani. Sia kan ekieki ifa usun sipwe túmúnú manawach pwe sisap feiengaw, me sisap fókkun angei manawen emén. Sia súféliti liffangach we manaw.

MET EPWE EFISI PWAPWAAN FAMILI? (T-32)

Kapas eis: Nengeni ewe kapas eis mi nóm wóón ei tract pwal fiti ekkóch pélúwan kewe. Met meefiom?

Wokisin: Luk 11:28

Anéúnéú: Ei tract a áweweei ifa usun ei wokisin epwe álisi óm famili me pwata sia tongeni lúkú met Paipel a apasa.

MAKKEEI PWISIN ÓM AFALAFAL

Áppirú chék napanapen ena asan le féri pwisin óm afalafal.