Pwilitawu ewe Manawen Lóóm me Pwilitalong ewe Manaw mi Fé

3:5-14

Ka fen féri watteen siwil lón manawom atun ka etiwa ewe enlet? Kopwe fókkun lúkúlúk pwe Jiowa a pwapwa ren ekkewe ekkesiwil ka féri. (Is 33:11) Iwe nge, a lamot óm kopwe akkachocho ren óm kopwe pwáppwári ewe manaw mi fé me an esap ppiitá sefál ekkewe napanap ka piin eáni me lóóm. Pélúweni ekkeei kapas eis pwe kopwe silei met a lamot kopwe angang wóón:

• Ua chúen amwéchú ai song ren emén mi mwáál ngeniei?

• Ua kan mosonottam atun ua atapwal are mélúlú?

• Ika a ppiitá och ekiek mi limengaw, ua mwittir péénaaló?

• Ua eáni ekiek ese pwúng ren ekkewe aramas mi sókkóló ar lewo are fénúer?

• Ua kerán eáni fós mi ámmetek ngeni emén are arochongaw?