Ámúrinnééló Tufichich Lón Ewe Angangen Afalafal​—Afalafal Ngeni Ekkewe mi Chun

PWATA A LAMOT: Chómmóng aramas mi chun rese meefi kinamwe le fós ngeni chókkewe rese sissileer. Ina minne, a lamot ach sipwe fókkun silei ifa usun sipwe tongeni afalafal ngeniir. Jiowa a chúngú ekkewe mi chun. (Lif 19:14) Sia tongeni áppirú i ren ach pwisin mwékút le álisi ekkewe mi chun ar repwe wiliti chiechien Jiowa.

MINNE KOPWE FÉRI:

• Kútta iir kewe mi chun. (Mat 10:11) Mi wor emén ka sissilei mi wor mi chun lón an famili? Lón óm we territory, mi wor ekkewe sukul, ekkewe leenien túmún chinnap, are pwal ekkóch leeni repwe mochen angei néúch kewe puk mi ffér fán iten ekkewe mi chun?

• Kopwe áfánniir. Óm wesewesen chiechiéch me áfánni ekkewe mi chun epwe álisiir ar repwe meefi kinamwe le nómwe ngonuk. Ka tongeni poputá le pwóróus ngeniir wóón och mettóch chón leenier we ra kan fóffósun

• Awora álillis lón pekin lúkú. Ren ach sipwe álisi ekkewe mi chun are chókkewe rese kon kúnaéchúúr, ach we mwicheich a féri ekkewe puk lón sókkopaten napanap. Eisini ewe emén menni napanapen káé a tipeni an epwe káé lón. Ewe chónemmweni ewe angangen afalafal epwe ppiiéchú ika ewe chón túmúnú puk a chumong ewe mettóch ewe mi chun a tipeni