Kosap Eti Eú Mwichemmóngun Aramas

23:1-3

Jiowa a éúréúra ngeni ekkewe soukapwúng me ekkewe chón pwáraatá ar resap tipetipeló ren án eú mwichemmóngun aramas etipetiper le eáni kapwúng ese pwúng are kapasen pwáraatá mi mwáál. Ena a pwal weneiti ekkóch kinikinin manawach. Iteiten rán ei fénúfan a kan etipetipa Chón Kraist ar repwe eáni an ekiek me féffér ese pwúng.​—Ro 12:2.

Pwata esap eú alen tipachem ach sipwe etaló eú mwichemmóngun aramas

• atun sia rongorong och pwóróus ese ffat ika mi pwúng?

• atun sia filatá foutach, ffichin mékúrach, are ach minen apwapwa are kunou?

• lón ach ekiek me féffér usun chókkewe mi sókkóló ar lewo, eérenier, me nónnómun manawer?