PWÓRÓUS AÚCHEA SENI KAPASEN KOT

Jiowa A Akkótaéchú Néún Kewe Aramas

[Fichi ei video Menlapen Puken Numperis.]

Atun ekkewe chón Israel ra nóm lón eú leeni, iir ra onómu eú me eú kúmi lón leenian nge ákká úlúngát einang lón eú me eú (Num 1:52, 53; w95 6/1 9 ¶4)

Kapachelapen ekkewe chón Israel, neman 3,000,000 are lap seni (Num 2:32, 33; it-1-E 397 ¶4)

Jiowa a mochen néún kewe aramas repwe fel ngeni lón kókkótéch. Ina met aramasen Israel ra féri, me a pwal ina usun ren kich lón ei fansoun.—1Ko 14:33, 40.

Iei sasingin akkóten imwen chón Israel kewe tento. Ewe imwenfel mangaku a nóm lukanapan. Ekkewe mi nóm kkan ngeni ena imwenfel mangaku, ikkena iir ekkewe famili seni ewe einangen Lefi: Aaron a nóm éétiwan, chón Kohat ra nóm éérún, chón Kerson ra nóm notoun, me ekkewe chón Merari ra nóm efengin. Ekkewe 12 einangen Israel ra nóm pwelin únúkkúr. Ekkewe chón Isakar, Juta, me Sepulon ra nóm éétiwan. Ekkewe chón Kat, Rupen, me Simeon ra nóm éérún. Ekkewe chón Peniamin, Efraim, me Manasa ra nóm notoun. Ekkewe chón Naftali, Tan, me Aser ra nóm efengin.

PWISIN EISINUK, ‘Ifa usun upwe tongeni pwári pwe ua unusen álisatá án Jiowa we mwicheich?’