Angangen Emirit​—Ina Esissillen án Jiowa Tong

Ewe angangen emirit a kon weneiti angangen káit me asukul, nge a pwal kapachelong án emén áwena féfférún emén are apwúngú. Jiowa a emiritikich pwe sipwe tongeni fel ngeni lón ewe napanap mi ketiw me ren. (Ro 12:1; Ip 12:10, 11) Fán ekkóch, ewe angangen emirit a tongeni ámmetek, nge a tongeni emmwenikich ngeni pwúng me feiéch. (SF 10:7) Met a lamot chókkewe mi awora ewe kapwúng me chókkewe mi angei ewe kapwúng repwe chechchemeni?

Chón awora. Ekkewe mwán mi ásimaw, sam me in, me ekkewe pwal ekkóch ra angang weires le awora apwúng fán kirekiréch me tong usun chék met Jiowa a féri. (Jer 46:28) Pwal mwo nge angangen apwúng mi chou repwe kawor fán úkúkéch me epwe fis fán tong.​—Tit 1:13.

Chón angei. Ese lifilifil met sókkun angangen apwúng a kawor ngenikich, sisap tunaló nge sipwe fen mwittir apwénúetá. (SF 3:11, 12) Pokiten kich aramas tipis, a lamot ngenikich meinisin emirit. A sókkopat alen ach angei emirit. Sia tongeni angei seni minne sia álleani lón Paipel are seni met sia rongorong lón ach kewe mwich. Are fán ekkóch a lamot ngeni ekkewe ekkóch ar repwe angei emirit seni ewe kúmiin chón apwúng lón ewe mwichefel. Ika sia etiwa ewe angangen emirit me apwénúetá, epwe múrinné manawach iei me kúna manaw tori feilfeiló.​—SF 10:17.

KATOL EI VIDEO “THOSE WHOM JEHOVAH LOVES HE DISCIPLINES,” MWIRIN PÉLÚWENI EKKEEI KAPAS EIS:

• 

  Ifa usun manawen Canon me lepoputáán, me ifa usun a siwil?

• 

  Ifa ewe emirit mi fis fán tong a angei me ren Jiowa?

• 

  Ikkefa ekkewe lesen sia káé seni minne a fis ngeni?