PWÓRÓUS AÚCHEA SENI KAPASEN KOT

Upwe Áfánniéchú

Jiowa a pwisin filatá ewe imwenfel fán itan (2Kr 7:11, 12)

Jiowa a apasa pwe epwe fókkun áfánniéchú met a fiffis lón ewe imwenfel pún a epini ena leeni fán itan (2Kr 7:16; w02 11/15 5 ¶1)

Ika ekkewe aramas repwe úkútiw le angang ngeni Jiowa “ren unusen leluker,” iwe i epwe mutatá án ewe imwenfel epwe taló (2Kr 6:14; 7:19-21; it-2 1077-1078)

Fitu sasing: Minne sia féri lón ach fel. 1. Emén Chón Kraist mwán a iótek. 2. Emén Chón Kraist fefin a uwawu meefian atun mwich. 3. Eú pean pwúpwúlú ra angangfengen lón ewe angangen afalafal. 4. Emén Chón Kraist mwán a elimelim lón ewe Leenien Mwich. 5. Emén Chón Kraist mwán a emmweni ewe famili fel fengen me pwúlúwan we me néúr kewe rúúemén semirit. 6. Emén Chón Kraist fefin a álleani néún we Paipel. 7. Emén Chón Kraist fefin a waalong an asor lón ewe pwórun asor.

Atun efinúnún ewe imwenfel, ese mwáál ekkewe aramas ra ekieki pwe repwe fókkun akkomwa ar fel ngeni Jiowa lón manawer iteitan. Nge a eletipechou, pún ekis me ekis a péút seniir ar pwapwa le fel ngeni Jiowa.

PWISIN EISINUK, ‘Ifa usun ua tongeni pwári pwe ua fókkun aúcheani ai fel ngeni Jiowa?’