Kot Mi Kan Aúseling Ngeni Óm Kewe Iótek?
Atun ka iótek, ka lúkú pwe Kot a wesewesen aúseling ngonuk?
MET EWE PAIPEL A APASA?
Kot a kan aúseling. Ewe Paipel a alúkúlúkúkich pwe “ewe Samol mi Lapalap a arap ngeni ir meinisin mi köri, a arap ngeniir meinisin mi köri fän wenechar . . . , a rong ar siö.”—Kölfel 145:18, 19.
Kot a mochen pwe kopwe iótek ngeni. Iei án Paipel etiwetiw ngenikich: “Lon ämi osupwang meinisin oupwe iotek o tüngor ngeni Kot pwe epwe alisikemi. Oupwe tüngor fansoun meinisin fän kilisou.”—Filipi 4:6.
Kot a fókkun chúnguk. Kot a silefichi minne sia lólilen usun me ach kewe aúrek, me a mochen álisikich. Ewe Paipel a apasa: “Oupwe likiti ngeni Kot ämi öürek meinisin, pun i a ekieki met oupwe feiöch ren.”—1 Petrus 5:7.