Minen Álillisin Káé

Minen Káit fán Iten Semirit

A watte wisen ekkewe sam me in le asukula ngeni néúr kewe ussun Jiowa. (Ef. 6:4) Án Jiowa we mwicheich a awora chómmóng mettóch, áwewe chék ren ekkewe video, kél, me lesen pwe epwe álisi ekkewe sam me in. Ifa ussun oua tongeni néúnéú ekkena mettóch le asukula néúmi kewe?

• Tétá wóón jw.org. Me ikena ie ka tongeni kúna meinisin met mi fen kawor fán iten ekkewe semirit, áwewe chék ren ekkewe video, me ekkewe lesen ra tongeni mak wóór are chúnga wóór.a Ren ámi oupwe kúna ena, makkeelóng lón ewe leenien search ekkeei kapas, “Children” are “Teenagers.”

• Filaatá met a kon éch ngeni néúmi kewe. Fán ewe kinikin “Children,” oua tongeni filaatá menni video, kél, are pwal och mettóch mi fich ngeni néúmi kewe. Ren ámi oupwe kúna, kútta ei itelap “Family Worship Projects.”

• Oupwe awora ámi fansoun le pwóróusfengen me néúmi kewe ussun ekkena mettóch. Ousap likitaaló néúmi kewe ar repwe chék katol néúch kewe video are féri ekkeei lesen ren ar repwe chék túmúnúngawoló. Nge oupwe fen pwóróusfengen me néúmi kana me álisiir le ámááraatá ar riri ngeni Jiowa.