Footnote

a Sia fókkun tongei Jiowa me mochen féri úkúkún ach tufich lón an angang. Ina popun, chómmóng me leich sia mochen alapaaló ach angangen afalafal, are achocho ngeni pwal ekkóch angang lón ewe mwichefel. Nge ifa usun ika kese tongeni tikeri ekkóch me lein met ekkewe ka mochen achocho ngeniir inaamwo ika ka fókkun angang weires óm kopwe tikeriir? Met a tongeni álisikich le sópweló le chék akkangang ngeni Jiowa, me chék pwappwapwa? Sipwe kúna pélúwan lón án Jesus we kapas áwewe usun ekkewe úlúmén chón angang.