Köl 66 (155)
“Etiwa Emon me Emon”!
1. O etiwa fengennikemi ussun chok Jises
A etiwakemi me pwiiom we, ren an moon kepich.
Ami mi pochokkul, alisir mi apwangapwang,
Pwe epwe wor ar apilukuluk mi murinno.
Minne mi makketiu ussun ekkewe soufos lom
A efisi likiitu me aururuun letipach.
Sisap chok apwapwai pwisin kich fansoun meinisin,
Nge sipwe pwal ekieki pisekin pwiich kewe.
2. Jiowa a kut aramas ir rese kaeo maun,
Pun noun we epwele wato ngenikich kinamwe.
Seni muu meinisin me sokkun kapas meinisin
A luki aramas mi pwapwaiti an alluk.
Ngeni an Kot ling, etiwa aramas meinisin.
Ese lifilifil, repwe chiechi ngenikich.
Sipwe appiru an Kot tong mi lapalap chapur,
Me tapwelo mwirin Jises le tongei aramas.
3. Sipwe pesei aramas ar repwe alinga Kot.
Tipeeu lon ach pwapwaiti me mwareiti I.
Iwe, sa lo afalafal won aal me lon imwer,
Ewe kapas allim ngeni aramas meinisin.
Esap fisisefal ei angang mi kon auchea.
Epwele muchulo ranin aramas mi ingau.
Iwe, sipwe tongfengen, ach we Kot epwe enlet;
Etiwa fengennikemi pun alon Paipel na.