Ewe Manawsefál, A Tufich Pokiten ewe Méén Kepich

Ewe Áchechchem a ngenikich eú fansoun mi múrinné ach sipwe ekilonei ekkewe feiéch sipwe kúna pokiten ewe méén kepich usun chék ewe mettóch manawsefál. Jiowa ese fókkun fératá aramas pwe repwe máló. Ina popun, eú me lein ekkewe mettóch mi fókkun ámeteki letipach, ina ewe chúúpwúl seni málóón attongeach kewe. (1Ko 15:26) Jesus a riáfféú le kúna letipetaan néún kewe chón káé ren málóón Lasarus. (Jo 11:33-35) Pokiten Jesus ewe mi unusen mwirifichi Seman we, sia lúkúlúk pwe Jiowa a pwal riáfféú atun a kúna ach chúúpwúl ren málóón attongeach kewe. (Jo 14:7) Jiowa a mwétéresiti ewe atun epwe amanawasefáli néún kewe chón angang, me sipwe pwal meefi ina usun.​—Hp 14:14, 15.

Pokiten Jiowa ewe Kot mi kókkótéch sia lúkúlúk pwe ewe manawsefál epwe fis fán kókkótéch. (1Ko 14:33, 40) Esap fen wor angangen felin mi má nge neman epwe fen wor angangen etiwa chón manawsefál. En mi kan ekilonei ewe manawsefál ákkáeúin atun fansoun letipeta? (2Ko 4:17, 18) En mi apasa óm kilisou ngeni Jiowa ren an awora ewe méén kepich me ren an affata lón ewe Paipel pwe ekkewe mi máló ra tongeni manawsefál?​—Kol 3:15.

• Ié me lein chiechiom kewe me aramasom kewe ka ákkáeúin mochen kúnasefáli?

• Ié me lein ekkewe aramas lón Paipel ka ákkáeúin mochen kúna me fós ngeni?