Kapas Eis fán Iten Nei Puken Pwóróusen Paipel

Pwóróus 1

Kot A Poputá le Fératá Mettóch

1. Mettóch meinisin mi múrinné ra feito seni ié? Apasa eú me lein ekkena mettóch mi múrinné.

2. Ié kewe Kot a akkomw fériiretá?

3. Pwata a sókkóló aúchean ewe áeménún chónláng?

4. Áweweei mwo ika mei fet napanapen fénúfan me lepoputáán?

5. Ifa usun Kot a poputá le ammólnatá fénúfan fán iten man me aramas?

Pwal ekkóch kapas eis:

1. Álleani Jeremaia 10:12.

   Ikkefa ekkewe napanap mi nóm ren Kot ra pwáló ren férian kewe? (Ais. 40:26; Rom 11:33)

2. Álleani Kolose 1:15-17.

   Ifa wisen Jesus lón fférútáán mettóch meinisin? Epwe ifa ach ekiek usun Jesus pokiten ach silei ena mettóch? (Kol. 1:15-17)

3. Álleani Keneses 1:1-10.

   1. Ié a fératá fénúfan? (Ken. 1:1)

   2. Met a fis lón ewe áeúin ránin fférútáán mettóchun fénúfan? (Ken. 1:3-5)

   3. Áweweei met a fis lón ewe oruuen ránin fférútáán mettóchun fénúfan. (Ken. 1:7, 8)

Pwóróus 2

Eú Leeni mi Lingéch

1. Ifa usun Kot a ammólnatá fénúfan pwe epwe leenien aramas?

2. Áweweei ekkewe sókkópaten man Kot a fératá. (Ppii ewe lios.)

3. Pwata a sókkóló aúchean ewe leeni mi lingéch Eten?

4. Met Kot a mochen fán iten unusen fénúfan?

Pwal ekkóch kapas eis:

1. Álleani Keneses 1:11-25.

   1. Met Kot a fératá lón ewe aúlúngátin ránin fférútáán mettóchun fénúfan? (Ken. 1:12)

   2. Met a poputá le pwá lón ewe arúánúún ránin fférútáán mettóchun fénúfan? (Ken. 1:16)

   3. Met sókkun man Kot a fératá lón ewe enimuen me awonuen rán? (Ken. 1:20, 21, 25)

2. Álleani Keneses 2:8, 9.

   Ikkefa ekkewe ruuofóch sókkun irá mi sókkóló aúchear Kot a fótukatiw lón ewe tánipi? Met ra liosuetá?

Pwóróus 3

Ewe Áeménún Mwán me ewe Áeménún Fefin

1. Ifa usun ewe lios lón Pwóróus 3 a sókko seni ewe lios lón Pwóróus 2?

2. Ié a fératá ewe áeménún mwán me ifa iten ena mwán?

3. Ifa ewe angang Kot a ewisa ngeni Atam an epwe féri?

4. Pwata Kot a annutochowu Atam?

5. Atam me Efa ra tongeni manaw tori ineet me ifa ewe angang Jiowa a mochen ar repwe féri?

Pwal ekkóch kapas eis:

1. Álleani Ekistos 6:3, Ewe Kapasen God.

   Ifa iten Kot me ifa wisan we mi kkóló aúchean wóón unusen fénúfan? (Eks. 15:3, KG; Tan. 4:17)

2. Álleani Keneses 1:26-31.

   1. Met Kot a fératá lesópwólóón ewe awonuen rán? Ifa usun férian na a sókko seni ekkewe man? (Ken. 1:26)

   2. Met Kot a awora fán iten aramas me man? (Ken. 1:30)

3. Álleani Keneses 2:7-25.

   1. Ifa usun Atam a apwénúetá wisan we le eita ekkewe man? (Ken. 2:19)

   2. Ifa usun Keneses 2:24 a álisikich le weweiti ekiekin Jiowa usun pwúpwúlú, nómfesen me mufesen? (Mat. 19:4-6, 9)

Pwóróus 4

Popun An a Péútúló Leenier we

1. Lón ei lios, met a fis ngeni Atam me Efa?

2. Pwata Jiowa a apwúngúúr?

3. Met ewe serepenit a ereni Efa?

4. Ié a afósa ewe serepenit an epwe kapas ngeni Efa?

Pwal ekkóch kapas eis:

1. Álleani Keneses 2:16, 17 me 3:1-13, 24.

   1. Ifa usun Satan a pweni Jiowa lón an kapas eis ngeni Efa? (Ken. 3:1-5; 1 Joh. 5:3)

   2. Ifa usun pwóróusen Efa a éúréúrakich? (Fil. 4:8; Jas. 1:14, 15; 1 Joh. 2:16)

   3. Ifa usun Atam me Efa rese pwáraatá pwe pwisin tipisiir minne ra féri? (Ken. 3:12, 13)

   4. Pwata Jiowa a onomu ekkewe chónláng étiwen ewe leeni mi lingéch Eten? (Ken. 3:24)

2. Álleani Pwärätä 12:9.

   Ifa úkúkún sópwéchún án Satan tufichin etipetipa aramas pwe repwe ú ngeni án Kot nemenem? (1 Joh. 5:19)

Pwóróus 5

Eú Manaw Riáfféú a Poputá

1. Mei fet manawen Atam me Efa lúkún ewe leeni mi lingéch Eten?

2. Met a poputá le fis ngeni Atam me Efa me met popun?

3. Pwata néún Atam me Efa kewe ra chinnapeló me máló?

4. Ika Atam me Efa ra álleasochisi Jiowa, epwe fet manawer me manawen néúr kewe?

5. Ifa usun án Efa álleasolap a atoto ngeni metek?

6. Ikkefa iten néún Atam me Efa kewe rúúemén át watte?

7. Menni pwal ekkeei fitemén semirit lón ei lios?

Pwal ekkóch kapas eis:

1. Álleani Keneses 3:16-23 me 4:1, 2.

   1. A fet manawen Atam pokiten ewe pwúl a anúmamaú? (Ken. 3:17-19)

   2. Pwata a fich ngeni Efa weween itan we lón fósun Ipru, ‘Emén mi Manaw’? (Ken. 3:20)

   3. Ifa usun Jiowa a pwáraatá kirekiréch ngeni Atam me Efa pwal mwo nge mwirin ar tipis? (Ken. 3:7, 21)

2. Álleani Pwärätä 21:3, 4.

   Ikkefa “ekewe mettochun lom” ka áneánei ar repwe móróló?

Pwóróus 6

Emén Nau mi Múrinné me, Emén mi Ngaw

1. Met sókkun angang Kain me Epel ra féri?

2. Met sókkun asor Kain me Epel ra eáni ngeni Jiowa?

3. Pwata Jiowa a pwapwaiti án Epel we asor, nge ese pwapwaiti án Kain we?

4. Met sókkun aramas Kain me ifa usun Jiowa a sótun apwúngú i?

5. Met Kain a féri ngeni pwiin we lupwen ra rúúeménúló lón ewe masies?

6. Áweweei met a fis ngeni Kain mwirin an nieló pwiin we.

Pwal ekkóch kapas eis:

1. Álleani Keneses 4:2-26.

   1. Ifa usun Jiowa a éúréúra Kain ren an ekiek mi efeiengaw? (Ken. 4:7)

   2. Ifa usun Kain a pwáraawu met a nóm lón letipan? (Ken. 4:9)

   3. Ifa ekiekin Jiowa usun nimwááli aramas? (Ken. 4:10; Ais. 26:21)

2. Álleani 1 Johannes 3:11, 12.

   1. Pwata Kain a ningeringeritá me ifa usun ena pwóróus a éúréúrakich lón ei fansoun? (Ken. 4:4, 5; SalF. 14:30; Jas. 3:16)

   2. Ifa usun ewe Paipel a affata pwe sia tongeni amwéchú ach tuppwél inaamwo ika chón ach famili meinisin ra ú ngeni ach lamalam? (Kölf. 27:10; Mat. 10:21, 22)

3. Álleani Johannes 11:25.

   Ifa án Jiowa pwon ngeni chókkewe mi máló fán iten minne mi pwúng? (Joh. 5:24)

Pwóróus 7

Emén Mwán mi Pwora

1. Ifa usun Enok a sókko seni táppin kewe?

2. Pwata táppin Enok kewe ra féri chómmóng mettóch mi ngaw?

3. Met sókkun mettóch mi ngaw ra féri? (Ppii ewe lios.)

4. Pwata a lamot Enok epwe pwora?

5. Ifa úkúkún ttamen manawen aramas lón ena fansoun, nge ifa ttamen manawen Enok?

6. Met a fis mwirin án Enok máló?

Pwal ekkóch kapas eis:

1. Álleani Keneses 5:21-24, 27.

   1. Met sókkun riri a wor lefilen Enok me Jiowa? (Ken. 5:24)

   2. Me ren ewe Paipel, menni mwán a manawattam seni meinisin me fite ierin lupwen a máló? (Ken. 5:27)

2. Álleani Keneses 6:5.

   Ifa úkúkún ngawolóón fénúfan mwirin málóón Enok, nge ifa usun a léllé ngeni lón ach ei fansoun? (2 Tim. 3:13)

3. Álleani Ipru 11:1.

   Ifa napanapen Enok mi fókkun apwapwaai Kot? (Ken. 5:22)

4. Álleani Jutas 14, 15.

   Ifa usun Chón Kraist lón ei fansoun ra tongeni áppirú án Enok pwora lupwen ra éúréúra aramas usun warotoon ewe maunen Armaketon? (2 Tim. 4:2; Ipru 13:6)

Pwóróus 8

Aramas mi Fókkun Mwánemmong Wóón Fénúfan

1. Met ekkóch néún Kot kewe chónláng ra féri pokiten ra aúseling ngeni Satan?

2. Pwata ekkóch chónláng ra likitaló wiser lón láng me feitiw fénúfan?

3. Pwata a mwáál án ekkena chónláng feitiw fénúfan me pwisin ewili inisiir ngeni inisin aramas?

4. Ifa usun néún ekkena chónláng kewe ra sókko seni aramas?

5. Met néún ekkewe chónláng kewe ra féri lupwen ra fókkun wattetá, usun sia kúna lón ei lios?

6. Ifa iten ewe mwán mi múrinné mi manaw mwirin Enok me pwata Kot a sani i?

Pwal ekkóch kapas eis:

1. Álleani Keneses 6:1-8.

   Ifa usun Keneses 6:6 a affata pwe féfférúch a tongeni kkúú meefien Jiowa? (Kölf. 78:40, 41; SalF. 27:11)

2. Álleani Jutas 6.

   Ifa usun pwóróusen ekkewe chónláng mi “likitala wesewesen lenier” lón fansoun Noa we a awora ngenikich eú lesen lón ei fansoun? (1 Kor. 3:5-9; 2 Pet. 2:9, 10)

Pwóróus 9

Noa A Fala Efóch Waimw

1. Fitemén chón án Noa we famili me ikkefa iten néún kewe úlúmén mwán?

2. Ifa ewe angang mi sókkóló aúchean Kot a ereni Noa an epwe féri me met popun?

3. Met chón órun Noa kewe ra féri atun a ereniir usun ewe waimw?

4. Met Kot a ereni Noa an epwe féri ngeni ekkewe man?

5. Met Noa me an we famili repwe féri mwirin án Kot éppúngaaló asamen ewe waimw?

Pwal ekkóch kapas eis:

1. Álleani Keneses 6:9-22.

   1. Pwata Noa i emén chón fel mi kon múrinné ngeni ewe Kot mi enlet? (Ken. 6:9, 22)

   2. Ifa ekiekin Jiowa usun féfférún efeiengaw me ifa usun sipwe pwal eáni an na ekiek lupwen sipwe filatá ach kewe minen apwapwa are kunou? (Ken. 6:11, 12; Kölf. 11:5)

   3. Ifa usun sipwe tongeni áppirú Noa ika a torikich emmwen seni án Jiowa we mwicheich? (Ken. 6:22; 1 Joh. 5:3)

2. Álleani Keneses 7:1-9.

   Ifa usun a apéchékkúlakich án Jiowa ekieki pwe Noa i emén mi pwúng inaamwo ika ese unuséch? (Ken. 7:1; SalF. 10:16; Ais. 26:7)

Pwóróus 10

Ewe Noter mi Lap

1. Pwata aramas rese tongeni tolong lón ewe waimw lupwen a poputá le púng rán?

2. Fitu rán me fitu pwin Jiowa a apúngatiw ewe rán me ifa alóllóólun ewe konik?

3. Met a fis ngeni ewe waimw atun ewe konik a pwélúoló fénúfan?

4. Ekkewe mwánemmong ra manaw atun ewe Noter? Nge ra fet semer kewe?

5. Met a fis ngeni ewe waimw mwirin nimu maram?

6. Pwata Noa a tiinaaló emén refen seni ewe waimw?

7. Ifa usun Noa a silei pwe a pwasetá ewe konik me wóón fénúfan?

8. Met Kot a ereni Noa mwirin iir me an we famili ra fen nóm lón ewe waimw lap seni eú ier?

Pwal ekkóch kapas eis:

1. Álleani Keneses 7:10-24.

   1. Ifa úkúkún watteen ninniilóón ménúmanaw wóón fénúfan? (Ken. 7:23)

   2. Ifa ttamen an a pwasetá konikin ewe Noter? (Ken. 7:24)

2. Álleani Keneses 8:1-17.

   Ifa usun Keneses 8:17 a affata pwe ese siwil met Jiowa a aotaló me lepoputáán fán iten fénúfan? (Ken. 1:22)

3. Álleani 2 Petrus 2:9.

   1. Lupwen ekkewe chónláng mi álleasolap ra liwinsefálitá láng, ifa ewe kapwúng ra kúna? (Jut. 6)

   2. Ifa usun pwóróusen Noa me an we famili a apéchékkúla ach lúkúlúk wóón án Jiowa tufichin amanawa néún kewe aramas? (Ipru 11:7)

Pwóróus 11

Ewe Áeúin Resim

1. Me ren ei lios met Noa a féri lupwen a kerán towu seni ewe waimw?

2. Met Kot a allúk ngeni Noa me an we famili mwirin ewe Noter?

3. Met Kot a pwonei?

4. Ika sia kúna eú resim, epwe áchema ngenikich usun met?

Pwal ekkóch kapas eis:

1. Álleani Keneses 8:18-22.

   1. Ifa usun sipwe tongeni eáni eú asor mi ‘pwóéch’ ngeni Jiowa lón ach ei fansoun? (Ken. 8:21; Ipru 13:15, 16)

   2. Met Jiowa a apasa usun ekiekin letipen aramas? Ina minne, met sipwe túmúnúkich seni? (Ken. 8:21; Mat. 15:18, 19)

2. Álleani Keneses 9:9-17.

   1. Ifa án Jiowa we pwon ngeni ménúmanaw meinisin? (Ken. 9:10, 11)

   2. Ewe pwon usun ewe resim epwe sópwósópwóló tori ineet? (Ken. 9:16)

Pwóróus 12

Ra Aúetá eú Imw Watte mi Tekia

1. Ié we Nimrot me met meefien Kot usun?

2. Lón ei lios, pwata aramas ra ffér plak?

3. Pwata Jiowa ese pwapwaiti ar na angang?

4. Ifa usun Kot a aúkatiw kaútáán ei imw tekia?

5. Ifa iten ei telinimw me met weween itan na?

6. Met a fis ngeni ekkewe aramas mwirin án Kot efitikokooi ar fós?

Pwal ekkóch kapas eis:

1. Álleani Keneses 10:1, 8-10.

   Met sókkun aramas Nimrot me ifa usun pwóróusan a eú minen éúréúr ngenikich? (SalF. 3:31)

2. Álleani Keneses 11:1-9.

   Met popun aramas ra ekiekin aúetá ewe imw tekia me pwata esap tongeni pwénútá ar na ekiek? (Ken. 11:4; SalF. 16:18; Joh. 5:44)

Pwóróus 13

Apraham, Emén Chiechien Kot

1. Met sókkun aramas ra nónnóm lón ewe telinimw Ur?

2. Menni ei mwán lón ei lios, ineet a uputiw me ia a nónnóm ie?

3. Met Jiowa a ereni Apraham an epwe féri?

4. Pwata Apraham a iteni chiechien Kot?

5. Ié a fiti Apraham le ló seni Ur?

6. Met Jiowa a ereni Apraham lupwen a tori Kanaan?

7. Ifa án Jiowa pwon ngeni Apraham lupwen a 99 ierin?

Pwal ekkóch kapas eis:

1. Álleani Keneses 11:27-32.

   1. Tefen Apraham Lot? (Ken. 11:27)

   2. Inaamwo ika a mak pwe Tara a uwei an famili ngeni Kanaan, nge pwata sia silei pwe ina wesewesen án Apraham ekiek? Pwata ra mwékút? (Ken. 11:31; Föf. 7:2-4)

2. Álleani Keneses 12:1-7.

   Ifa usun Jiowa a pwal alapaaló an we pwon ngeni Apraham mwirin an tori Kanaan? (Ken. 3:15; 12:7; Kal. 3:16)

3. Álleani Keneses 17:1-8, 15-17.

   1. Ifa usun iten Apraham a siwil lupwen a 99 ierin me pwata? (Ken. 17:5)

   2. Met sókkun feiéch Sara epwe kúna me ren án Jiowa pwon? (Ken. 17:15, 16)

4. Álleani Keneses 18:9-19.

   1. Met wisen ekkewe sam me ren Keneses 18:19? (Tut. 6:6, 7; Ef. 6:4)

   2. Menni pwóróus usun Sara a affata pwe sise tongeni aopa och mettóch seni Jiowa? (Ken. 18:12, 15; Kölf. 44:21)

Pwóróus 14

Kot A Sótuni án Apraham Lúkú

1. Ifa án Kot pwon ngeni Apraham me ifa usun a apwénúetá an na pwon?

2. Ifa usun Kot a sótuni án Apraham lúkú usun sia kúna lón ei lios?

3. Met Apraham a féri, inaamwo ika ese weweiti ewe popun Kot a ereni an epwe nieló néún we?

4. Met a fis lupwen Apraham a weitawu néún we saar pwe epwe nieló néún we?

5. Ifa úkúkún péchékkúlen án Apraham lúkú Kot?

6. Met Kot a awora pwe Apraham epwe eáni asor me ifa usun?

Pwal ekkóch kapas eis:

1. Álleani Keneses 21:1-7.

   Pwata Apraham a sirkumsaisi néún we át lón ewe awalúen rán? (Ken. 17:10-12; 21:4)

2. Álleani Keneses 22:1-18.

   Ifa usun Isaak a tipemecheres le álleasochisi seman we Apraham me ifa usun an álleasochis a liosuetá och mettóch mi fókkun aúchea epwap fis? (Ken. 22:7-9; 1 Kor. 5:7; Fil. 2:8, 9)

Pwóróus 15

Pwúlúwen Lot we A Nesefál

1. Pwata Apraham me Lot ra káimufesen?

2. Pwata Lot a filatá an epwe nónnóm lón Sotom?

3. Met sókkun aramas chón Sotom?

4. Ifa án ekkewe rúúemén chónláng éúréúr ngeni Lot?

5. Pwata pwúlúwen Lot we a wiliti úrelapen salt?

6. Ifa ewe lesen sia tongeni káé seni pwóróusen pwúlúwen Lot we?

Pwal ekkóch kapas eis:

1. Álleani Keneses 13:5-13.

   Ifa ewe lesen sia tongeni káé seni Apraham fán iten ataween fitikoko lefilen aramas? (Ken. 13:8, 9; Rom 12:10; Fil. 2:3, 4)

2. Álleani Keneses 18:20-33.

   Ifa usun án Jiowa kewe féffér ngeni Apraham a apéchékkúla ach lúkúlúk pwe Jiowa me Jesus repwe apwúngú mettóch meinisin fán pwúng? (Ken. 18:25, 26; Mat. 25:31-33)

3. Álleani Keneses 19:1-29.

   1. Met ei pwóróus lón Paipel a affata usun ekiekin Kot ren án mwán me mwán, fefin me fefin lisowufengen? (Ken. 19:5, 13; Lif. 20:13)

   2. Met sókkofesenin Lot me Apraham ren meefier usun án Kot emmwen me met sia tongeni káé seni ena pwóróus? (Ken. 19:15, 16, 19, 20; 22:3)

4. Álleani Lukas 17:28-32.

   Mei fet letipen pwúlúwen Lot we usun pisek me ifa usun pwóróusan a éúréúrakich? (Luk. 12:15; 17:31, 32; Mat. 6:19-21, 25)

5. Álleani 2 Petrus 2:6-8.

   Ren ach sipwe áppirú Lot, epwe fet ach ekiek usun ei ótót mi ngaw sia manaw lón? (Is. 9:4; 1 Joh. 2:15-17)

Pwóróus 16

Isaak A Angei Emén Pwúlúwan mi Múrinné

1. Menni ekkeei mwán me fefin lón ei lios?

2. Met Apraham a féri pwe epwe kút pwúlúwen néún we me pwata?

3. Ifa usun a pélú án néún Apraham we chón angang iótek?

4. Met Repeka a apasa lupwen ra eisini ika a mochen pwúlúweni Isaak?

5. Met popun Isaak a pwapwasefál?

Pwal ekkóch kapas eis:

1. Álleani Keneses 24:1-67.

   1. Repeka a eáni met sókkun napanap mi múrinné lupwen a chuuri néún Apraham we chón angang únúkkún ewe ito? (Ken. 24:17-20; SalF. 31:17, 31)

   2. Ifa usun án Apraham we kókkót fán iten Isaak a awora eú leenien áppirú mi múrinné ren Chón Kraist lón ei fansoun? (Ken. 24:37, 38; 1 Kor. 7:39; 2 Kor. 6:14)

   3. Pwata sipwe awora fansoun le ekilonei pwóróus usun met Isaak a féri atun a feffetál? (Kölf. 77:12; Fil. 4:8)

Pwóróus 17

Ekkewe Nippwe mi Sókkofesen Napanaper

1. Ié keei Esau me Jakop me ifa usun ra sókkofesen?

2. Fite ieriir lupwen semer we chinnap Apraham a máló?

3. Met Esau a féri mi fókkun eletipechowu seman kewe me inan?

4. Pwata Esau a lingeringeriiti pwiin we Jakop?

5. Ifa án Isaak éúréúr ngeni néún we Jakop?

Pwal ekkóch kapas eis:

1. Álleani Keneses 25:5-11, 20-34.

   1. Met Jiowa a oesini usun néún Repeka kewe rúúemén át? (Ken. 25:23)

   2. Ifa sókkofesenin ekiekin Jakop me Esau usun ewe feiéchún mwánichi? (Ken. 25:31-34)

2. Álleani Keneses 26:34, 35; 27:1-46; me 28:1-5.

   1. Ifa usun a pwáló pwe Esau ese aúcheani met Kot a aúcheani? (Ken. 26:34, 35; 27:46)

   2. Met Isaak a ereni Jakop an epwe féri ren an epwe tufichin angei án Kot feiéch? (Ken. 28:1-4)

3. Álleani Ipru 12:16, 17.

   Pwóróusen Esau a pwáraatá met epwe tongeni fis ngeni chókkewe rese aúcheani ekkewe mettóch mi pin?

Pwóróus 18

Jakop A Feiló Haran

1. Menni ei fépwúl lón ei lios me met Jakop a féri fán itan?

2. Met Jakop a tipemecheresin féri pwe epwe tongeni pwúlúweni Rahel?

3. Met Lapan a féri lupwen a tori fansoun án Jakop epwele pwúlúweni Rahel?

4. Met Jakop a tipeeú ngeni ren an epwe tongeni pwúlúweni Rahel?

Pwal ekkóch kapas eis:

1. Álleani Keneses 29:1-30.

   1. Inaamwo ika Lapan a otupu Jakop, nge ifa usun Jakop a pwári pwe i emén mwán mi múrinné me met sia tongeni káé seni pwóróusan? (Ken. 29:26-28; Mat. 5:37)

   2. Ifa usun féfférún Jakop a affata sókkofesenin tong enlet me tong cháchcháák? (Ken. 29:18, 20, 30; SalK. 8:6)

   3. Ifa iten ekkewe fémén fefin Jakop a néúni néún kewe át me woor? (Ken. 29:23, 24, 28, 29)

Pwóróus 19

A Watte án Jakop we Famili

1. Ikkefa iten ekkewe wonomén át Jakop a néúni me wóón Lea, pwúlúwan we akkomw?

2. Ikkefa iten néún Jakop kewe rúúemén át me wóón néún Lea we chón angang itan Silpa?

3. Ikkefa iten néún Jakop kewe rúúemén át me wóón néún Rahel we chón angang itan Pila?

4. Ikkefa iten néún Jakop kewe rúúemén át me wóón Rahel, nge met a fis ngeni Rahel lupwen a néúnatiw ewe érúúeménún?

5. Fitemén néún Jakop keei át lón ei lios me met a pop seniir?

Pwal ekkóch kapas eis:

1. Álleani Keneses 29:32-35; 30:1-26; me 35:16-19.

   Ifa eérenien chón Ipru lóóm lupwen ra kan eita néúr kewe át usun a pwáló ren iten néún Jakop kewe engol me rúúemén át?

2. Álleani Keneses 37:35.

   Pwata sia silei pwe a pwal wor néún Jakop kewe nengngin lúkún Tina inaamwo ika i chék a mak itan lón Paipel? (Ken. 37:34, 35)

Pwóróus 20

A Tori Tina eú Fitikoko Watte

1. Pwata Apraham me Isaak rese mochen pwe néúr kewe repwe pwúpwúlú chón Kanaan?

2. Jakop a tipeeú ngeni án néún we fépwúl chiechi ngeni fépwúlún Kanaan?

3. Menni ei mwán a attola Tina lón ei lios me ifa ewe mettóch mi ngaw a féri?

4. Met mongeeien Tina kewe Simeon me Lefi ra féri lupwen ra rong minne a fis?

5. Jakop a tipeeú ngeni minne Simeon me Lefi ra féri?

6. Ifa usun a poputá meinisin ekkewe osukosuk lón ena famili?

Pwal ekkóch kapas eis:

1. Álleani Keneses 34:1-31.

   1. Fán eú chék án Tina ló kukkunou ren ekkewe fépwúlún Kanaan? Áweweei mwo. (Ken. 34:1, NWa: “Iwe, Tina néún Lea me Jakop we fépwúl a kan ló ren fin ewe fénú.”)

   2. Lupwen ewe alúwél a kirikiringaw ngeni Tina, pwata esap chék tipisin pwe pwal tipisin Tina? (Kal. 6:7)

   3. Lón ei fansoun, ifa usun ekkewe sáráfé repwe pwáraatá pwe ra lefareni ewe lesen ra káé seni pwóróusen Tina? (SalF. 13:20; 1 Kor. 15:33; 1 Joh. 5:19)

Pwóróus 21

Pwiin Josef Kewe Ra Oputa I

1. Pwata pwiin Josef kewe ra lólówóiti, iwe met ra mochen féri ngeni?

2. Met Rupen a ereniir nge met pwiin Josef kewe ra féri?

3. Met a fis lupwen ra pwereto ekkewe re Ismael iir chón amémé pisek?

4. Met pwiin Josef kewe ra féri pwe semer we epwe ekieki pwe Josef a máló?

Pwal ekkóch kapas eis:

1. Álleani Keneses 37:1-35.

   1. Ika emén lón ewe mwichefel a féfféringaw, ifa usun Chón Kraist ra tongeni áppirú Josef? (Ken. 37:2; Lif. 5:1; 1 Kor. 1:11)

   2. Met popun pwiin Josef kewe ra kirikiringaw ngeni? (Ken. 37:11, 18; SalF. 27:4; Jas. 3:14-16)

   3. Ifa pwúkún napanapen aramas lupwen attonger kewe ra máló, usun chék met a pwáló ren Jakop? (Ken. 37:35)

Pwóróus 22

Ra Waalong Josef lón Imwen Fétek

1. Fite ierin Josef lupwen ra uwealó Isip me met a fis lupwen a tori ikena ie?

2. Met popun Josef a kalapus?

3. Ifa wisen Josef atun a kalapus?

4. Atun án Josef kalapus, met a féri fán iten ewe chón túmúnú án Farao we kap me ewe chón umw pilawa?

5. Met a fis lupwen ewe chón túmúnú kap a towu me lón kalapus?

Pwal ekkóch kapas eis:

1. Álleani Keneses 39:1-23.

   Pwata Josef a sú seni pwúlúwen Potifar we inaamwo ika esor eú allúk seni Kot mi pinei lisowu mwáál lón na fansoun? (Ken. 2:24; 20:3; 39:9)

2. Álleani Keneses 40:1-23.

   1. Ekis apwóróusa án ewe chón túmúnú kap we ttan me weween we Jiowa a pwár ngeni Josef. (Ken. 40:9-13)

   2. Met ewe chón umw pilawa a ttana me ifa weween? (Ken. 40:16-19)

   3. Lón ach ei fansoun ifa usun ewe chón angang mi alúkúlúk me tipachem ra kan áppirú ekiekin Josef? (Ken. 40:8; Kölf. 36:9; Joh. 17:17; Föf. 17:2, 3)

   4. Ifa usun Keneses 40:20, 22 a asarama ekiekin Chón Kraist usun apwapwaan ránin uputiw? (SalAf. 7:1; Mark. 6:21-28)

Pwóróus 23

Án Farao Kewe Ttan

1. Met a fis ngeni Farao lón eú pwinin?

2. Pwata ewe chón túmúnú kap a chemeni Josef?

3. Me ren ei lios, ikkefa án Farao kewe ruu ttan?

4. Ifa usun Josef a áweweei ekkena ttan?

5. Ifa usun Josef a wiliti érúúeménún meilapen Isip fán Farao?

6. Pwata pwiin Josef kewe ra feiló Isip me pwata rese esilla?

7. Ifa ewe ttan Josef a chemeni me met a álisi le weweiti?

Pwal ekkóch kapas eis:

1. Álleani Keneses 41:1-57.

   1. Ifa usun Josef a átekiatáái Jiowa me ifa usun Chón Kraist lón ei fansoun ra tongeni áppirú i? (Ken. 41:16, 25, 28; Mat. 5:16; 1 Pet. 2:12)

   2. Ifa usun ekkewe ierin rás me ierin osupwangen mwéngé lón Isip ra enletin liosuetá sókkofesenin néún Jiowa kewe aramas me chón Kristentom lón pekin lúkú? (Ken. 41:29, 30; Ais. 65:13, 14; Am. 8:11, 12)

2. Álleani Keneses 42:1-8 me 50:20.

   Mi wor ngawen án chón fel ngeni Jiowa fótopwúkú me mwen emén ren ar súféliti wisan ika pwe ina eérenien fénúer? (Ken. 42:6)

Pwóróus 24

Josef A Sótuni Pwiin Kewe

1. Pwata Josef a tipi ngeni pwiin kewe pwe iir spai?

2. Pwata Jakop a mut ngeni néún we setúpútúr Peniamin pwe epwe feiló Isip?

3. Pwata án Josef we kap silifer a nóm lón án Peniamin we tuuk?

4. Met Juta a apasa epwe féri pwe epwe angasaaló Peniamin?

5. Ifa usun a fen siwil letipen pwiin Josef kewe?

Pwal ekkóch kapas eis:

1. Álleani Keneses 42:9-38.

   Ifa usun alon Josef lón Keneses 42:18 ina eú minen áchchem mi múrinné ngeni chókkewe mi wor wiser lón án Jiowa we mwicheich lón ei fansoun? (Ne. 5:15; 2 Kor. 7:1, 2)

2. Álleani Keneses 43:1-34.

   1. Inaamwo ika Rupen i ewe mwánichi, nge ifa usun a ffat pwe Juta a fen wisen chón aweni awen pwiin kewe? (Ken. 43:3, 8, 9; 44:14, 18; 1 Kron. 5:2)

   2. Ifa usun Josef a sótuni pwiin kewe me met popun? (Ken. 43:33, 34)

3. Álleani Keneses 44:1-34.

   1. Met Josef a féri pwe pwiin kewe resap esilla? (Ken. 44:5, 15; Lif. 19:26)

   2. Ifa usun a pwáló pwe pwiin Josef kewe rese chúen lólówóiti? (Ken. 44:13, 33, 34)

Pwóróus 25

Ewe Famili A Mwékút Ngeni Isip

1. Met a fis lupwen Josef a ereni pwiin kewe pwe i Josef?

2. Met Josef a áweweei ngeni pwiin kewe fán kirekiréch?

3. Met Farao a apasa lupwen a rong pwóróusen pwiin Josef kewe?

4. Fitemén lón án Jakop famili lupwen ra mwékút ngeni Isip?

5. Met án Jakop we famili a iteni me met popun?

Pwal ekkóch kapas eis:

1. Álleani Keneses 45:1-28.

   Ifa usun pwóróusen Josef a affata pwe Jiowa a tongeni siwili minne itá epwe efeiengawa néún kewe chón angang ngeni minne epwe efeiéchúúr? (Ken. 37:23, 24, 28; 45:5-8; Ais. 8:10, KG; Fil. 1:12-14)

2. Álleani Keneses 46:1-27.

   Met Jiowa a alúkúlúkú ngeni Jakop atun a feiló Isip? (Ken. 46:1-4)

Pwóróus 26

Hiop A Tuppwél Ngeni Kot

1. Ié ewe Hiop?

2. Met Satan a sótun féri? Nge mi sópwéch?

3. Jiowa a mut ngeni Satan an epwe fet me met popun?

4. Pwata pwúlúwen Hiop we a ereni pwe epwe ‘otteki Kot me máló’? (Ppii ewe lios.)

5. Ifa usun Jiowa a efeiéchú Hiop usun met sia kúna lón ei oruuen lios me met popun?

6. Ika sipwe tuppwél ngeni Jiowa usun chék Hiop, met sókkun feiéch sipwe kúna?

Pwal ekkóch kapas eis:

1. Álleani Hiop 1:1-22.

   Ifa usun Chón Kraist ra tongeni áppirú Hiop lón ei fansoun? (Hiop 1:1; Fil. 2:15; 2 Pet. 3:14)

2. Álleani Hiop 2:1-13.

   Ifa usun a sókkóló ekiekin Hiop seni ekiekin pwúlúwan we atun Satan a eriáfféúr? (Hiop 2:9, 10; SalF. 19:3; Mik. 7:7; Mal. 3:14)

3. Álleani Hiop 42:10-17.

   1. Ifa usun ekkewe feiéch Hiop me Jesus ra kúna ra wewefengen pokiten ar pwáraatá tuppwél lón unusen manawer? (Hiop 42:12; Fil. 2:9-11)

   2. Ifa usun a kan apéchékkúlakich pwóróusen án Hiop kúna feiéch pokiten an tuppwél ngeni Kot? (Hiop 42:10, 12; Ipru 6:10; Jas. 1:2-4, 12; 5:11)

Pwóróus 27

Emén Farao mi Ngaw A Nemeni Isip

1. Menni ei mwán a kamwéch ei selin kawet lón ei lios me a awata ié?

2. Met a fis ngeni chón Israel mwirin málóón Josef?

3. Pwata chón Isip ra niweiti chón Israel?

4. Ifa án Farao we allúk ngeni ekkewe fin anéúnéú mi álisi ekkewe fin Israel?

Pwal ekkóch kapas eis:

1. Álleani Ekistos 1:6-22.

   1. Ifa usun Jiowa a popuetá le apwénúetá an pwon ngeni Apraham? (Eks. 1:7; Ken. 12:2; Föf. 7:17)

   2. Ifa usun ekkewe fin Ipru fin anéúnéú ra pwáraatá ar súféliti pinin manaw? (Eks. 1:17; Ken. 9:6)

   3. Ifa usun ekkena fin anéúnéú ra kúna liwinin ar tuppwél ngeni Jiowa? (Eks. 1:20, 21; SalF. 19:17)

   4. Ifa usun Satan a sótun pinei án Jiowa kókkót fán iten kaworen Mwirimwirin Apraham we mi pwonetiw? (Eks. 1:22; Mat. 2:16)

Pwóróus 28

Iei Usun án ewe Ménúkol Moses A Manaw

1. Menni ei ménúkol lón ei lios me aútún péún ié ei a kamwéch?

2. Met inen Moses we a féri pwe néún na esap ninniiló?

3. Menni ei kúkkún nengngin lón ei lios me met a féri?

4. Lupwen néún Farao we fépwúl a kúna ena ménúkol, met Miriam a ereni?

5. Met ena finesamol a ereni inen Moses we?

Pwal eú kapas eis:

1. Álleani Ekistos 2:1-10.

   Ifa usun inen Moses we a tufichin emiriti me asukula néún na át seni le kúkkúnún? Ifa usun a isetiw leenien áppirú ngeni sam me in lón ei fansoun? (Eks. 2:9, 10; Tut. 6:6-9; SalF. 22:6; Ef. 6:4; 2 Tim. 3:15)

Pwóróus 29

Popun án Moses Sú

1. Ia Moses a mááritá me ie me met a silei usun seman kewe me inan?

2. Met Moses a féri lupwen a 40 ierin?

3. Met Moses a ereni ewe re Israel mi fiu ngeni ewe emén re Israel, nge met ena mwán a ereni?

4. Pwata Moses a sú seni Isip?

5. Ia Moses a súló ie me ié we a chuuri me ikena ie?

6. Met Moses a féri lón ekkewe 40 ier mwirin an sú seni Isip?

Pwal ekkóch kapas eis:

1. Álleani Ekistos 2:11-25.

   Inaamwo ika Moses a káé tipachemen chón Isip fite fite ier, nge ifa usun a pwáraatá an tuppwél ngeni Jiowa me néún kewe aramas? (Eks. 2:11, 12; Ipru 11:24)

2. Álleani Föför 7:22-29.

   Ifa ewe lesen sia tongeni káé seni án Moses pwisin sótun seláni Israel seni an fétek lón Isip? (Föf. 7:23-25; 1 Pet. 5:6, 10)

Pwóróus 30

Ewe Irá Félúfél mi Ngetenget

1. Ifa iten ei chuuk lón ei lios?

2. Áweweei mwo ewe mettóch mi fókkun ámáirú Moses a kúna lupwen a pweretá wóón ena chuuk fán néún kewe siip.

3. Leúwen ié we a fósowu me lón ewe irá félúfél mi ngetenget, nge met a erá?

4. Met Moses a apasa lupwen Kot a ereni pwe epwe wisen emmwenawu néún Kot kewe aramas seni Isip?

5. Met Kot a ereni Moses an epwe apasa ika ekkewe aramas repwe eisini ika ié we a tiinaato?

6. Ifa usun Moses epwe tufichin ánnetatá pwe Kot a tiinaato?

Pwal ekkóch kapas eis:

1. Álleani Ekistos 3:1-22.

   Ifa usun minne a fis ngeni Moses a alúkúlúkúkich pwe Jiowa epwe álisikich inaamwo ika sia meefi lipwákingawach le apwénúetá wisach? (Eks. 3:11, 13; 2 Kor. 3:5, 6)

2. Álleani Ekistos 4:1-20.

   1. Ifa usun a siwil ekiekin Moses atun a nónnóm lón Mitian 40 ier? Ifa ewe lesen chókkewe mi achocho ngeni ekkóch wis lón mwichefel ra tongeni káé seni ena pwóróus? (Eks. 2:11, 12; 4:10, 13; Mik. 6:8; 1 Tim. 3:1, 6, 10)

   2. Inaamwo ika sia kúna apwúng seni án Jiowa mwicheich, nge pwata pwóróusen Moses a alúkúlúkúkich? (Eks. 4:12-14; Kölf. 103:14; Ipru 12:4-11)

Pwóróus 31

Moses me Aaron Ra Chuuri Farao

1. Ra fet chón Israel lupwen ra kúna ekkewe manaman Moses me Aaron ra féri?

2. Met Moses me Aaron ra ereni Farao, nge a ifa usun an pélúweniir?

3. Met a fis lupwen Aaron a oturatiw wokun we usun met sia kúna lón ei lios?

4. Ifa usun Jiowa a áiti ngeni Farao eú lesen me met Farao a féri mwirin?

5. Met a fis mwirin ewe áengolun riáfféú?

Pwal ekkóch kapas eis:

1. Álleani Ekistos 4:27-31 me 5:1-23.

   Met weween alón Farao ei, “Üsap silei ewe Samol mi Lapalap”? (Eks. 5:2; 1 Sam. 2:12; Rom 1:21)

2. Álleani Ekistos 6:1-13, 26-30.

   1. Met Apraham, Isaak me Jakop rese silei usun Jiowa? (Eks. 3:13, 14; 6:3; Ken. 12:8, NW)

   2. Met meefiach pokiten sia silei pwe Jiowa a chúen ewisa ngeni Moses eú wis, inaamwo ika Moses a meefi pwe a lipwákingaw? (Eks. 6:12, 30; Luk. 21:13-15)

3. Álleani Ekistos 7:1-13.

   1. Lupwen Moses me Aaron ra pwora le esile ngeni Farao án Jiowa apwúng, ra isetiw menni leenien áppirú fán iten néún Kot kewe chón angang lón ei fansoun? (Eks. 7:2, 3, 6; Föf. 4:29-31)

   2. Ifa usun Jiowa a pwáraaló pwe a fókkun manaman lap seni ekkewe koten Isip? (Eks. 7:12; 1 Kron. 29:12)

Pwóróus 32

Ekkewe 10 Riáfféú

1. Me ren ekkeei lios, áweweei ekkewe úlúngát riáfféú Jiowa a akkomw tiinatiw ngeni Isip.

2. Ifa sókkofesenin ekkewe úlúngát riáfféú mi akkomw me ekkewe lusun riáfféú?

3. Ikkefa ekkewe arúánúún, enimuen me awonuen riáfféú?

4. Áweweei ekkewe efisuen, awalúen me etiuen riáfféú.

5. Met Jiowa a ereni chón Israel ar repwe féri mwen ewe áengolun riáfféú?

6. Ifa ewe áengolun riáfféú me met a fis mwirin?

Pwal ekkóch kapas eis:

1. Álleani Ekistos 7:19–8:23.

   1. Inaamwo ika ekkewe souasorun Isip sou roong ra tongeni nikáppirú ekkewe ruu riáfféú akkomw seni Jiowa, nge met ra fangetá le mirititi mwirin ewe aúlúngátin riáfféú? (Eks. 8:18, 19)

   2. Ifa usun ewe arúánúún riáfféú a pwáraatá án Jiowa tufichin túmúnú néún kewe aramas? Pokiten néún Kot kewe aramas ra silei ena mettóch, met meefier lón ei atun me mwen an epwele fis ewe “riaföü mi lapalap”? (Eks. 8:22, 23; Pwär. 7:13, 14; 2 Kron. 16:9)

2. Álleani Ekistos 8:24; 9:3, 6, 10, 11, 14, 16, 23-25; me 10:13-15, 21-23.

   1. Farao me ekkewe souasor iir sou roong ra liosuetá menni ruu mwichen aramas? Iwe lón ei fansoun, met ekkena ruu mwich rese tufichin féri? (Eks. 8:10, 18, 19; 9:14)

   2. Ifa usun Ekistos 9:16 a álisikich le weweiti ewe popun Jiowa a mut ngeni Satan an epwe manaw tori iei? (Rom 9:21, 22)

3. Álleani Ekistos 12:21-32.

   Ifa usun ewe Pasofer a atufichi án chómmóng aramas kúna manaw me met a liosuetá? (Eks. 12:21-23; Joh. 1:29; Rom 5:18, 19, 21; 1 Kor. 5:7)

Pwóróus 33

Ar Feiló Lukanapen ewe Setipar

1. Fitemén chón Israel, mwán, fefin me semirit ra ló seni Isip me ié kewe ra fitiir?

2. Met meefien Farao mwirin an tiinaaló ekkewe chón Israel me met a féri mwirin?

3. Met Jiowa a féri pwe epwe eppeti án chón Isip resap maunei néún kewe aramas?

4. Met a fis lupwen Moses a eitieló wokun we wóón ewe Setipar me met chón Israel ra féri?

5. Met a fis lupwen chón Isip ra tapweló mwirin chón Israel lón ewe Setipar?

6. Ifa usun chón Israel ra pwáraatá ar pwapwa me kilisou ngeni Jiowa ren an selániir?

Pwal ekkóch kapas eis:

1. Álleani Ekistos 12:33-36.

   Met Jiowa a féri pwe chón Isip repwe ngeni néún kewe aramas liwinin ar angang ngeniir fite fite ier? (Eks. 3:21, 22; 12:35, 36)

2. Álleani Ekistos 14:1-31.

   Ifa usun alón Moses lón Ekistos 14:13, 14 a weneiti néún Jiowa kewe chón angang lón ei fansoun pokiten arapotoon ewe maunen Armaketon? (2 Kron. 20:17; Kölf. 91:8)

3. Álleani Ekistos 15:1-8, 20, 21.

   1. Pwata néún Jiowa kewe chón angang repwe kélún mwareiti? (Eks. 15:1, 2; Kölf. 105:2, 3; Pwär. 15:3, 4)

   2. Lupwen Miriam me chienan kewe fefin ra mwareiti Jiowa órun ewe Setipar, ifa ewe leenien áppirú ra isetiw fán iten fin Kraist lón ei fansoun? (Eks. 15:20, 21; Kölf. 68:11)

Pwóróus 34

Eú Mineféén Sókkun Mwéngé

1. Lón ei lios, met ekkeei aramas ra ioni me lón ei pwúl me met ra eita ngeni?

2. Met Moses a ereniir usun ar ioni ewe mana?

3. Met Jiowa a ereniir ar repwe féri lón ewe awonuen rán me met popun?

4. Ifa ewe manaman Jiowa a féri lupwen ewe mana a iseis tori ewe efisuen rán?

5. Ifa úkúkún ttamen án Jiowa awora ewe mana?

Pwal ekkóch kapas eis:

1. Álleani Ekistos 16:1-36 me Numperis 11:7-9.

   1. Met Ekistos 16:8 a affata usun lamoten ach sipwe súféliti chókkewe mi wor wiser me ren Kot lón ewe mwichefelin Kraist? (Ipru 13:17)

   2. Atun chón Israel ra nónnóm lón ewe fénúpéén, ifa usun a áchema ngeniir iteiten rán pwe manawer a lóngólóng wóón Jiowa? (Eks. 16:14-16, 35; Tut. 8:2, 3)

   3. Me ren Jesus, met ewe mana a liosuetá me ifa usun sia kúna feiéch ren ena pilawa seni láng? (Joh. 6:31-35, 40)

2. Álleani Josua 5:10-12.

   Fitu ier án ekkewe chón Israel mwéngé ewe mana? Ifa usun a eú minen sóssót ngeniir? Ifa ewe lesen sia tongeni káé seni ena pwóróus? (Eks. 16:35; Num. 11:4-6; 1 Kor. 10:10, 11)

Pwóróus 35

Jiowa A Ngeniir An Kewe Allúk

1. Órun ruu maram mwirin án chón Israel ló seni Isip, ia ra nónnóm ie?

2. Met Jiowa a mochen ar repwe féri me met ra apasa?

3. Pwata Jiowa a ngeni Moses rúúaché faú mi chépép?

4. Ikkefa pwal ekkewe allúk Jiowa a ngeni chón Israel me lúkún ewe Allúk Engol?

5. Ikkefa ekkewe ruu allúk mi lap seni meinisin me ren alón Jesus Kraist?

Pwal ekkóch kapas eis:

1. Álleani Ekistos 19:1-25; 20:1-21; 24:12-18 me 31:18.

   Ifa usun Ekistos 19:8 a álisikich le weweiti met a kapachelong lón án Chón Kraist fangóló manawer ngeni Kot? (Mat. 16:24; 1 Pet. 4:1-3)

2. Álleani Tuteronomi 6:4-6; Lifitikos 19:18; me Mateus 22:36-40.

   Ifa usun Chón Kraist ra kan pwáraatá ar tongei Kot me chón orur kewe? (Mark. 6:34; Föf. 4:20; Rom 15:2)

Pwóróus 36

Ewe Kúkkún Kou mi Ffér Seni Kolt

1. Met ekkeei aramas ra féri lón ei lios me met popun?

2. Pwata Jiowa a song me met Moses a féri lupwen a kúna met ekkewe aramas ra féri?

3. Met Moses a ereni ekkóch mwán ar repwe féri?

4. Ifa ewe lesen sia káé seni ei pwóróus?

Pwal ekkóch kapas eis:

1. Álleani Ekistos 32:1-35.

   1. Ifa usun ena pwóróus a affata ekiekin Jiowa usun án aramas nofitifengeni fel mi chofona me fel mi enlet? (Eks. 32:4-6, 10; 1 Kor. 10:7, 11)

   2. Met Chón Kraist repwe túmúnúúr seni atun ra filatá ar minen apwapwa are kunou, áwewe chék ren kél me pwérúk? (Eks. 32:18, 19; Ef. 5:15, 16; 1 Joh. 2:15-17)

   3. Ifa usun ewe einangen Lefi a isetiw eú leenien áppirú mi múrinné ren an úppos fán iten minne mi pwúng? (Eks. 32:25-28; Kölf. 18:25)

Pwóróus 37

Eú Imw Mangaku fán Iten Fel

1. Ifa iten ei imw lón ei lios me a kaú fán iten met?

2. Pwata Jiowa a ereni Moses an epwe féri ena imw mangaku pwe epwe mecheres ar repwe atomwatiw?

3. Menni en pwóór lón en kúkkún ruumw le sópwun ei imw mangaku me met masouan?

4. Ié we Jiowa a filatá pwe epwe wisen souasor mi lap me ifa wisan?

5. Ikkefa ekkewe úlúngát mettóch ra nóm lón en ruumw watte lón ei imw mangaku?

6. Ikkefa ekkewe ruu mettóch ra nóm lón kiánin ewe imw mangaku me met popun ra nóm ikena ie?

Pwal ekkóch kapas eis:

1. Álleani Ekistos 25:8-40; 26:1-37; 27:1-8 me 28:1.

   Met ekkewe kerop wóón ewe “pworofel” ra liosuetá? (Eks. 25:20, 22; Num. 7:89; 2 King 19:15)

2. Álleani Ekistos 30:1-10, 17-21; 34:1, 2; me Ipru 9:1-5.

   1. Pwata Jiowa a menlapei lamoten limeliméch lón pekin aion ngeni ekkewe souasor mi angang lón ewe imwenfel mangaku? Ifa usun a weneitikich lón ei fansoun? (Eks. 30:18-21; 40:30, 31; Ipru 10:22)

   2. Ifa usun ewe aposel Paulus a affata pwe ese chúen lamot ewe imwenfel mangaku me ewe pwonen etipeeú mi lóngólóng wóón ewe Allúk lupwen a makkeei ewe puken Ipru? (Ipru 9:1, 9; 10:1)

Pwóróus 38

Ekkewe Engol me Rúúemén Spai

1. Mei fet ei umwun kreip lón ei lios me ra uweato me ia?

2. Pwata Moses a tiinaaló engol me rúúemén spai ngeni Kanaan?

3. Met engol me leir ra ereni Moses lupwen ra liwin?

4. Ifa usun rúúemén me leir ra pwáraatá ar lúkúlúk wóón Jiowa me ikkefa iter?

5. Pwata Jiowa a song me met a ereni Moses?

Pwal ekkóch kapas eis:

1. Álleani Numperis 13:1-33.

   1. Ié kewe ra kefilitá pwe repwe operi ewe fénú me ifa ewe feiéch mi watte ra tufichin angei? (Num. 13:2, 3, 18-20)

   2. Pwata ekiekin Josua me Kalep a sókko seni ekiekin ekkewe engol spai, iwe met sia káé seni ena pwóróus? (Num. 13:28-30; Mat. 17:20; 2 Kor. 5:7)

2. Álleani Numperis 14:1-38.

   1. Menni éúréúr sipwe álleasochisi usun ewe féfférún ngúnúngúnú ekkewe aramas mi tupuni Jiowa? (Num. 14:2, 3, 27; Mat. 25:40, 45; 1 Kor. 10:10)

   2. Ifa usun Numperis 14:24 a affata pwe Jiowa a chúngú manawen emén me emén néún kewe chón angang? (1 King 19:18; SalF. 15:3)

Pwóróus 39

A Pwúkútá Péén Irá Seni Wokun Aaron we

1. Ié kewe ra ú ngeni nemenien Moses me Aaron me met ra ereni Moses?

2. Met Moses a ereni Kora me ekkewe 250 mi peni ar repwe féri?

3. Met Moses a ereni ekkewe aramas me met a fis lupwen a kerán úkútiw le fós?

4. Met a fis ngeni Kora me ekkewe 250 mi peni?

5. Met Eleasar, néún Aaron we a féri ngeni án ekkewe aramas mi máló kewe leenien ekkei? Me met popun?

6. Pwata Jiowa a épwúkú péén irá wóón wokun Aaron we? (Ppii ena lios.)

Pwal ekkóch kapas eis:

1. Álleani Numperis 16:1-49.

   1. Met Kora me ekkewe chón peni ra féri me pwata a ina eú féffér mi ú ngeni Jiowa? (Num. 16:9, 10, 18; Lif. 10:1, 2; SalF. 11:2)

   2. Ifa ewe ekiek mi mwáál Kora me ekkewe 250 “souemwen . . . seni ewe mwichen aramas” ra eáni? (Num. 16:1-3; SalF. 15:33; Ais. 49:7)

2. Álleani Numperis 17:1-11 me 26:10.

   1. Met pwúkútáán péén irá seni wokun Aaron we a affata me pwata Jiowa a apasa pwe epwe iseis lón ewe pworofel? (Num. 17:5, 8, 10; Ipru 9:4)

   2. Ifa ewe lesen mi lamot sia káé seni ewe esissil mi pwáló ren wokun Aaron we? (Num. 17:10; Föf. 20:28; Fil. 2:14; Ipru 13:17)

Pwóróus 40

Moses A Opuni ewe Achaw

1. Ifa usun Jiowa a túmúnú chón Israel atun ra nónnóm lón ewe fénúpéén?

2. Pwata chón Israel ra ngúnúngún lupwen ra nóm lón Kates?

3. Ifa usun Jiowa a awora ngeniir konik pwe únúmer me néúr kewe man?

4. Menni ei mwán lón ei lios mi itini pwisin i me pwata?

5. Pwata Jiowa a song ngeni Moses me Aaron me ifa usun a apwúngúúr?

6. Met a fis wóón ewe chuuk Hor me ién a seikitá ngeni ewe wis souasor mi lap fán iten Israel?

Pwal ekkóch kapas eis:

1. Álleani Numperis 20:1-13, 22-29 me Tuteronomi 29:5.

   1. Ifa ewe lesen sia káé seni án Jiowa túmúnú chón Israel lón ewe fénúpéén? (Tut. 29:5; Mat. 6:31; Ipru 13:5; Jas. 1:17)

   2. Mei fet ekiekin Jiowa usun Moses me Aaron pokiten ar rese epinaaló i mwen mesen chón Israel? (Num. 20:12; 1 Kor. 10:12; Pwär. 4:11)

   3. Ifa ewe lesen sia tongeni káé seni meefien Moses usun án Jiowa apwúngú? (Num. 12:3; 20:12, 27, 28; Tut. 32:4; Ipru 12:7-11)

Pwóróus 41

Ewe Serepenit Kapa

1. Lón ei lios, met a ffiti ei efóch irá me pwata Jiowa a ereni Moses pwe epwe pacheetá?

2. Ifa usun ekkewe aramas rese pwáraatá kilisou ren minne Kot a féri fán iter?

3. Met ra tingorei Moses an epwe féri mwirin án Jiowa apwúngúúr ren an tiinaato wóór serepenit mi poison?

4. Pwata Jiowa a ereni Moses pwe epwe féri emén liosun serepenit kapa?

5. Ifa ewe lesen sia tongeni káé seni ena pwóróus?

Pwal ekkóch kapas eis:

1. Álleani Numperis 21:4-9.

   1. Ifa ewe éúréúr a kawor ngenikich ren án Israel ngúnúngún ren minne Jiowa a awora ngeniir? (Num. 21:5, 6; Rom 2:4)

   2. Lón ekkewe fitepúkú ier mwirin, ifa usun ekkewe chón Israel ra néúnéú ewe serepenit kapa me met King Hesekaia a féri? (Num. 21:9; 2 King 18:1-4)

2. Álleani Johannes 3:14, 15.

   Ifa usun ffititáán ewe serepenit kapa wóón efóch irá a liosuetá án Jesus Kraist chúfélútá wóón efóch irá? (Kal. 3:13; 1 Pet. 2:24)

Pwóróus 42

Emén Tongki a Kapas

1. Ié we Palak me pwata a tiiti Palam?

2. Pwata néún Palam we tongki a koonetiw wóón ewe al?

3. Met ewe tongki a eisini Palam?

4. Met emén chónláng a ereni Palam?

5. Met a fis lupwen Palam a sótun le anúmamaúwa Israel?

Pwal ekkóch kapas eis:

1. Álleani Numperis 21:21-35.

   Pwata Israel a tufichin akkufu Sihon ewe kingen Amon, me Ok ewe kingen Pasan? (Num. 21:21-23, 33, 34)

2. Álleani Numperis 22:1-40.

   Met popun Palam a sótun anúmamaúwa Israel me ikkefa ekkewe lesen sia tongeni káé seni ena pwóróus? (Num. 22:16, 17; SalF. 6:16, 18; 2 Pet. 2:15; Jut. 11)

3. Álleani Numperis 23:1-30.

   Inaamwo ika itiitin alón Palam a usun itá pwe i emén chón fel ngeni Jiowa, nge ifa usun féfférún a affata pwe i wesewesen chón ú ngeni? (Num. 23:3, 11-14; 1 Sam. 15:22)

4. Álleani Numperis 24:1-25.

   Ifa usun ena pwóróus lón Paipel a apéchékkúla ach lúkú pwe epwe wesewesen pwénútá met Jiowa a aotaló? (Num. 24:10; Ais. 54:17)

Pwóróus 43

Josua A Wiliti Sou Emmwen

1. Menni ekkeei rúúemén mwán lón ei lios ra útá ren Moses?

2. Met Jiowa a ereni Josua?

3. Pwata Moses a tétá asechikkin ewe chuukun Nepo me met Jiowa a ereni?

4. Fite ierin Moses lupwen a máló?

5. Pwata ekkewe aramas ra letipechou, nge met popun ra pwal pwapwa?

Pwal ekkóch kapas eis:

1. Álleani Numperis 27:12-23.

   Ifa ewe wis mi chou Jiowa a ewisa ngeni Josua? Ifa usun Jiowa a túttúmúnú néún kewe aramas lón ei fansoun? (Num. 27:15-19; Föf. 20:28; Ipru 13:7)

2. Álleani Tuteronomi 3:23-29.

   Pwata Jiowa ese mut ngeni Moses me Aaron ar repwe tolong lón ewe fénú mi pwonetiw me ifa ewe lesen sia tongeni káé seni ena pwóróus? (Tut. 3:25-27; Num. 20:12, 13)

3. Álleani Tuteronomi 31:1-8, 14-23.

   Ifa usun án Moses sáingoon kapas ngeni Israel a pwáraatá pwe a tipetekison le etiwa án Jiowa apwúngú? (Tut. 31:6-8, 23)

4. Álleani Tuteronomi 32:45-52.

   Ifa usun ewe Kapasen Kot epwe kkúú manawach? (Tut. 32:47; Lif. 18:5; Ipru 4:12)

5. Álleani Tuteronomi 34:1-12.

   Inaamwo ika Moses ese wesewesen kúna Jiowa, nge met Tuteronomi 34:10 a pwáraatá usun an riri ngeni Jiowa? (Eks. 33:11, 20; Num. 12:8)

Pwóróus 44

Rahap A Aopa Ekkewe Spai

1. Ia Rahap a nónnóm ie?

2. Menni ekkeei rúúemén mwán lón ei lios me pwata ra nóm lón Jeriko?

3. Met ewe kingen Jeriko a tiinaaló ekkóch mwán ar repwe ereni Rahap me ifa usun a pélúweniir?

4. Ifa usun Rahap a álisi ekkewe rúúemén spai me met a tingorer?

5. Met ekkewe rúúemén spai ra pwon ngeni Rahap?

Pwal ekkóch kapas eis:

1. Álleani Josua 2:1-24.

   Ifa usun án Jiowa we pwon mi mak lón Ekistos 23:28 a pwénútá lupwen chón Israel ra maun ngeni Jeriko? (Jos. 2:9-11)

2. Álleani Ipru 11:31.

   Ifa usun féfférún Rahap a menlapei lamoten ewe mettóch lúkú? (Rom 1:17; Ipru 10:39; Jas. 2:25)

Pwóróus 45

Ar Feilong lón ewe Chénúpupu Jortan

1. Ifa ewe manaman Jiowa a féri pwe chón Israel repwe tufichin feiló pekilóón ewe chénúpupu Jortan?

2. Ifa usun chón Israel repwe pwáraatá ar lúkúlúk pwe repwe tufichin feiló pekilóón ewe chénúpupu Jortan?

3. Pwata Jiowa a ereni Josua an epwe ioni engol me rúúeféú faú mi féúmmong seni ewe chénúpupu?

4. Met a fis lupwen ekkewe souasor ra towu me lón ewe chénúpupu Jortan?

Pwal ekkóch kapas eis:

1. Álleani Josua 3:1-17.

   1. Met sipwe féri pwe sipwe tufichin angei álillis me feiéch seni Jiowa, usun an a ffatoló lón ei pwóróus? (Jos. 3:13, 15; SalF. 3:5; Jas. 2:22, 26)

   2. Mei fet ewe chénúpupu Jortan lupwen chón Israel ra fetáleló pekilóón ar repwe tolong lón ewe Fénú mi Pwonetiw? Ifa usun ena mettóch a átekiatáái iten Jiowa we? (Jos. 3:15; 4:18, 23, 24; Kölf. 66:5-7)

2. Álleani Josua 4:1-18.

   Met popun ra ssenatá lón Kilkal ekkewe engol me rúúeféú faú ra angei seni Jortan? (Jos. 4:4-7, 19-24)

Pwóróus 46

Ewe Ttitin Jeriko

1. Met Jiowa a ereni ekkewe soufiu me souasor ar repwe féri ren úkúkún wonu rán?

2. Met ekkewe mwán repwe féri lón ewe efisuen rán?

3. Met a fis ngeni ttitin Jeriko usun ka kúna lón ei lios?

4. Pwata a wor efóch sáál mi par mi ititiw seni en asammwacho?

5. Met Josua a ereni ekkewe soufiu ar repwe féri ngeni ekkewe aramas me ewe telinimw, nge met repwe féri ngeni ekkewe silifer, kolt, kapa me mechá?

6. Met Josua a ereni ekkewe rúúemén spai ar repwe féri?

Pwal ekkóch kapas eis:

1. Álleani Josua 6:1-25.

   1. Ifa usun án chón Israel kakkaris le pwelli Jeriko lón ewe efisuen rán a usun ewe angangen afalafal Chón Pwáraatá Jiowa ra féfféri lón ekkeei ránin lesópwólóón? (Jos. 6:15, 16; Ais. 60:22; Mat. 24:14; 1 Kor. 9:16)

   2. Ifa usun ewe oesini mi mak lón Josua 6:26 a pwénútá 500 ier mwirin me met ena mettóch a áiti ngenikich usun alón Jiowa? (1 King 16:34; Ais. 55:11)

Pwóróus 47

Emén Chón Solá lón Israel

1. Menni ei mwán lón ei lios mi ireei ekkeei pisek mi aúchea a angei seni Jeriko me ié keei ra álisi?

2. Pwata a wesewesen ngaw féfférún Akan me an famili?

3. Lupwen Josua a eisini Jiowa ika pwata chón Israel ra kkuf lón ar maun ngeni Ai, met Jiowa a ereni?

4. Mwirin ar panato Akan me an famili ren Josua, met a fis ngeniir?

5. Ifa ewe lesen mi aúchea sia káé seni án Akan kúna kapwúng?

Pwal ekkóch kapas eis:

1. Álleani Josua 7:1-26.

   1. Met án Josua kewe iótek ra pwáraatá usun an riri ngeni an we Chón Fératá? (Jos. 7:7-9; Kölf. 119:145; 1 Joh. 5:14)

   2. Met pwóróusen Akan a áiti ngenikich me ifa usun sia kúna éúréúr seni? (Jos. 7:11, 14, 15; SalF. 15:3; 1 Tim. 5:24; Ipru 4:13)

2. Álleani Josua 8:1-29.

   Ifa wisach ika sia silei pwe emén chón ewe mwichefelin Chón Kraist a féri tipis watte? (Jos. 7:13; Lif. 5:1; SalF. 28:13)

Pwóróus 48

Ekkewe Chón Kipeon mi Tipachem

1. Ifa usun chón Kipeon ra sókko seni chón ekkewe ekkóch telinimwen Kanaan?

2. Met ekkeei chón Kipeon ra féri lón ei lios me met popun?

3. Met Josua me ekkewe sou emmwenin Israel ra pwon ngeni chón Kipeon? Nge met ra silei usur mwirin úlúngát rán?

4. Met a fis lupwen kingen ekkewe fitu telinimw ra rong pwe chón Kipeon me Israel ra fen féri eú etipeeúin kinamwe lefiler?

Pwal ekkóch kapas eis:

1. Álleani Josua 9:1-27.

   1. Ikkefa ekkewe napanap mi nóm ren Jiowa ra pwáló ren an mut ngeni chón Kipeon ar repwe manaw inaamwo ika a fen ereni mwúún Israel pwe epwe ‘arosaló meinisin’ chón ewe fénú? (Jos. 9:22, 24; Mat. 9:13; Föf. 10:34, 35; 2 Pet. 3:9)

   2. Ifa usun Josua a isetiw eú leenien áppirú mi múrinné fán iten Chón Kraist lón ei fansoun ren an apwénúetá ewe etipeeú lefiler me chón Kipeon? (Jos. 9:18, 19; Mat. 5:37; Ef. 4:25)

2. Álleani Josua 10:1-5.

   Ifa usun chón ewe mwich mi lapalap lón ei fansoun ra áppirú chón Kipeon? Nge met ra kúna ren ar féri ena? (Jos. 10:4; Sek. 8:23; Mat. 25:35-40; Pwär. 12:17)

Pwóróus 49

Ewe Akkar a Kaúló

1. Met Josua a apasa lón ei lios me met popun?

2. Ifa usun Jiowa a álisi Josua me néún kewe soufiu?

3. Josua a akkufu fitemén king mi oputa? Ifa úkúkún ttamen ewe fansoun a mauner?

4. Pwata Josua a kinifeseni ewe fénú Kanaan?

5. Fite ierin Josua lupwen a máló me met a fis ngeni ekkewe aramas mwirin?

Pwal ekkóch kapas eis:

1. Álleani Josua 10:6-15.

   Lón ei fansoun, met a alúkúlúkúkich pokiten sia silei pwe Jiowa a akaúlóói ewe akkar me ewe maram fán iten Israel? (Jos. 10:8, 10, 12, 13; Kölf. 18:3; SalF. 18:10)

2. Álleani Josua 12:7-24.

   Ié a wesewesen akkufu ekkewe ilik me emén king lón Kanaan me pwata a lamot ena mettóch ngenikich lón ei fansoun? (Jos. 12:7; 24:11-13; Tut. 31:8; Luk. 21:9, 25-28)

3. Álleani Josua 14:1-5.

   Ifa usun ewe fénú a kinikinitiw lein ekkewe einangen Israel me met a pwáraatá usun álemwirien aramas lón Paratis? (Jos. 14:2; Ais. 65:21; Is. 47:21-23; 1 Kor. 14:33)

4. Álleani Soukapwüng 2:8-13.

   Lón ei fansoun, ié kewe ra usun chék Josua le eppeti féfférún rikiló? (Souk. 2:8, 10, 11; Mat. 24:45-47; 2 Tes. 2:6; Tit. 1:7-9; Pwär. 1:1; 2:1, 2)

Pwóróus 50

Rúúemén Fefin mi Pwora

1. Ifa wisen ekkewe soukapwúng me ikkefa iten ekkóch me leir?

2. Ifa ewe angang mi sókkóló aúchean Tepora a eáni me mei fet ena angang?

3. Ifa alón Jiowa we Tepora a ereni Parak usun án King Japin me néún we meilapen soufiu itan Sisera ekiekin maunei Israel? Nge ié epwe angei itéch?

4. Ifa usun Jael a pwáraatá pwe i emén fefin mi pwora?

5. Met a fis mwirin málóón King Japin?

Pwal ekkóch kapas eis:

1. Álleani Soukapwüng 2:14-22.

   Ifa usun chón Israel ra pwisin asonga Jiowa me ifa ewe lesen sia tongeni káé seni? (Souk. 2:20; SalF. 3:1, 2; Is. 18:21-23)

2. Álleani Soukapwüng 4:1-24.

   Ikkefa ekkewe lesen usun lúkú me pwora ekkewe fin Kraist lón ei fansoun ra tongeni káé seni pwóróusen Tepora me Jael? (Souk. 4:4, 8, 9, 14, 21, 22; SalF. 31:30; 1 Kor. 16:13)

3. Álleani Soukapwüng 5:1-31.

   Ifa usun án Parak me Tepora we kélún win lón maun a usun eú iótek fán iten ewe maunen Armaketon a chék arapoto? (Souk. 5:3, 31; 1 Kron. 16:8-10; Pwär. 7:9, 10; 16:16; 19:19-21)

Pwóróus 51

Rut me Naomi

1. Pwata Naomi a nónnóm Moap?

2. Ié kewe Rut me Orpa?

3. Met Rut me Orpa ra féri lupwen Naomi a ereniir ar repwe liwiniti pwisin aramaser?

4. Ié ewe Poas me ifa usun a álisi Rut me Naomi?

5. Ifa iten néún Poas we me Rut me pwata mi lamot sipwe chechchemeni?

Pwal ekkóch kapas eis:

1. Álleani Rut 1:1-17.

   1. Ifa alón Rut ngeni Naomi mi pwáraatá amwararen an tong mi tuppwél? (Rut 1:16, 17)

   2. Ifa usun án Rut ekiek a léllé ngeni ekiekin ekkewe ‘pwal ekkóch siip’ ngeni mi kepit wóón fénúfan lón ei fansoun? (Joh. 10:16; Sek. 8:23)

2. Álleani Rut 2:1-23.

   Ifa usun Rut a isetiw eú leenien áppirú mi múrinné fán iten ekkewe fépwúl lón ei fansoun? (Rut 2:17, 18; SalF. 23:22; 31:15)

3. Álleani Rut 3:5-13.

   1. Ifa ekiekin Poas usun án Rut tipemecheres le pwúlúweni nge ese pwúlúweni emén alúwél?

   2. Met sia káé seni án Rut pwáraatá tong mi tuppwél? (Rut 3:10; 1 Kor. 13:4, 5)

4. Álleani Rut 4:7-17.

   Ifa usun ekkewe Chón Kraist mwán repwe áppirú Poas? (Rut 4:9, 10; 1 Tim. 3:1, 12, 13; 5:8)

Pwóróus 52

Kition me Néún Kewe 300 Soufiu

1. Pwata chón Israel ra kúna chómmóng osukosuk? Met sókkun osukosuk ra kúna?

2. Pwata Jiowa a ereni Kition pwe a kon chómmóng néún kewe soufiu?

3. Fitemén lusun ekkewe soufiu ra chúen nóm mwirin án Kition ereni chókkewe mi niwokkus ar repwe liwiniti leenier?

4. Seni ei lios, áweweei ifa usun Jiowa a achókúkkúnaaló án Kition mwichen soufiu an epwe chék úkúkún 300 mwán.

5. Ifa usun Kition a akkóta néún kewe 300 soufiu me ifa usun Israel a win lón ewe maun?

Pwal ekkóch kapas eis:

1. Álleani Soukapwüng 6:36-40.

   1. Met Kition a féri pwe epwe wesewesen silei letipen Jiowa?

   2. Lón ei fansoun, ifa usun sipwe pwal silei letipen Jiowa? (SalF. 2:3-6; Mat. 7:7-11; 2 Tim. 3:16, 17)

2. Álleani Soukapwüng 7:1-25.

   1. Ifa ewe lesen sia tongeni káé seni ekkewe 300 mwán mi mammaséch mi sókko seni chókkewe mi tanechepwak? (Souk. 7:3, 6; Rom 13:11, 12; Ef. 5:15-17)

   2. Ifa usun sipwe káé seni ach nennengeni ewe Kition mi Lapalap, Jesus Kraist usun chék án ekkewe 300 káé seni ar nennengeni Kition? (Souk. 7:17; Mat. 11:29, 30; 28:19, 20; 1 Pet. 2:21)

   3. Ifa usun alon Soukapwüng 7:21 (NW) pwe “emén me emén a útá lón en me pwisin leenian,” a álisikich ach sipwe menei menni chék wis sia wiseni lón án Jiowa we mwicheich? (1 Kor. 4:2; 12:14-18; Jas. 4:10)

3. Álleani Soukapwüng 8:1-3.

   Ika a piitá och osukosuk lefilach me emén pwiich, met sipwe tongeni káé seni án Kition pwákini ewe fitikoko lefiler me chón Efraim? (SalF. 15:1; Mat. 5:23, 24; Luk. 9:48)

Pwóróus 53

Án Jefta we Pwon

1. Menni ei mwán itan Jefta me a manaw lón menni fansoun?

2. Ifa án Jefta we pwon ngeni Jiowa?

3. Pwata Jefta a letipechou lupwen a liwin seni an akkufu chón Amon?

4. Met néún Jefta we fépwúl a apasa lupwen a silei án seman we pwon?

5. Pwata ekkewe aramas ra tongei néún Jefta we fépwúl?

Pwal ekkóch kapas eis:

1. Álleani Soukapwüng 10:6-18.

   Ifa ewe kapasen éúréúr seni pwóróusen án Israel álleasolapa Jiowa a lamot sipwe apwénúetá? (Souk. 10:6, 15, 16; Rom 15:4; Pwär. 2:10)

2. Álleani Soukapwüng 11:1-11, 29-40.

   1. Pwata sia silei pwe án Jefta fangóló néún we fépwúl pwe epwe eáni “asoren kek” esap weween pwe epwe wesewesen kenaló fán iten an asor? (Souk. 11:31; Lif. 16:24; Tut. 18:10, 12)

   2. Ifa usun Jefta a asoresini néún we?

   3. Met sia tongeni káé seni ekiekin Jefta usun an we pwon ngeni Jiowa? (Souk. 11:35, 39; SalAf. 5:4, 5; Mat. 16:24)

   4. Ifa usun néún Jefta we fépwúl a eú leenien áppirú mi múrinné ngeni Chón Kraist sáráfé pwe repwe achocho le angang ngeni Jiowa full-time? (Souk. 11:36; Mat. 6:33; Fil. 3:8)

Pwóróus 54

Ewe Mwán mi Péchékkúl Seni Meinisin

1. Ifa iten ewe mwán mi péchékkúl seni meinisin mi fen manaw wóón fénúfan? Ié a ngeni an péchékkúl?

2. Met Samson a féri ngeni emén watteen laion usun met ka kúna lón ei lios?

3. Ifa ewe pwóróus mi monomon Samson a pwár ngeni Telila lón en lios me ifa usun a atufichi chón Filistia le turufi i?

4. Ifa usun Samson a nieló úkúkún 3,000 chón Filistia, iir chón oputan kewe lón ewe rán a máló?

Pwal ekkóch kapas eis:

1. Álleani Soukapwüng 13:1-14.

   Ifa usun Manoa me pwúlúwan we, iir eú leenien áppirú mi múrinné ngeni ekkewe sam me in mi túmúnú néúr kewe? (Souk. 13:8; Kölf. 127:3; Ef. 6:4)

2. Álleani Soukapwüng 14:5-9 me 15:9-16.

   1. Pwóróusen án Samson nieló ewe laion, mwuuti ekkewe mineféén sáál mi féfé ngeni me áeá ngáchin emén tongki le nieló 1,000 mwán, met ra pwáraatá usun angangen án Jiowa we manaman mi fel?

   2. Ifa usun ewe manaman mi fel a álisikich lón ei fansoun? (Souk. 14:6; 15:14; Sek. 4:6; Föf. 4:31)

3. Álleani Soukapwüng 16:18-31.

   Ifa usun chiechi mi ngaw a efeiengawa Samson me ifa ewe lesen sia káé seni? (Souk. 16:18, 19; 1 Kor. 15:33)

Pwóróus 55

Emén Kúkkún Át A Angang Ngeni Kot

1. Ifa iten ei kúkkún át lón ei lios me pwal ié kana chienan?

2. Lupwen Hana a feiló ren án Jiowa we imw mangaku, met a iótek usun me ifa usun Jiowa a pélúweni?

3. Fite ierin Samuel lupwen ra uwealó ngeni án Jiowa we imw mangaku pwe epwe angang ngeni me met inan we a féri iteiten ier fán itan?

4. Ikkefa iten néún Eli kewe me iir met sókkun aramas?

5. Ifa usun Jiowa a kéri Samuel me ifa ewe pwóróus a esile ngeni?

6. Met wisen Samuel lupwen a wattetá me met a fis lupwen a chinnapeló?

Pwal ekkóch kapas eis:

1. Álleani 1 Samuel 1:1-28.

   1. Ifa án Elkana leenien áppirú mi múrinné a isetiw ngeni ekkewe mékúren famili lón ar emmweni ar famili lón ar fel mi enlet? (1 Sam. 1:3, 21; Mat. 6:33; Fil. 1:10)

   2. Ifa ewe lesen sia káé seni Hana lón an pwákini an we osukosuk mi áweiresi? (1 Sam. 1:10, 11; Kölf. 55:22; Rom 12:12)

2. Álleani 1 Samuel 2:11-36.

   Ifa usun Eli a asamolu néún kewe lap seni Jiowa me ifa usun ena pwóróus a éúréúrakich? (1 Sam. 2:22-24, 27, 29; Tut. 21:18-21; Mat. 10:36, 37)

3. Álleani 1 Samuel 4:16-18.

   Ikkefa ekkewe rúáánú pwóróus mi eriáfféú ra esileto seni ewe leenien maun me met a fis ngeni Eli lupwen a rongorong?

4. Álleani 1 Samuel 8:4-9.

   Ifa usun Israel a fókkun asonga Jiowa me ifa usun sipwe tuppwél le álisatá ewe Mwú lón ei fansoun? (1 Sam. 8:5, 7; Joh. 17:16; Jas. 4:4)

Pwóróus 56

Saul ewe Áeménún Kingen Israel

1. Lón ei lios, met Samuel a féri me met popun?

2. Pwata Jiowa a sani Saul me i met sókkun mwán?

3. Ifa iten néún Saul we át me met néún na a féri?

4. Pwata Saul a féri eú asor nge ese witi Samuel an epwe wisen féri?

5. Ikkefa ekkewe lesen sia tongeni káé seni pwóróusen Saul?

Pwal ekkóch kapas eis:

1. Álleani 1 Samuel 9:15-21 me 10:17-27.

   Ifa usun tipetekisonun Saul a álisi i an esap féri och mettóch mi ngaw lupwen ekkóch mwán ra súfélúngaw ngeni? (1 Sam. 9:21; 10:21, 22, 27; SalF. 17:27)

2. Álleani 1 Samuel 13:5-14.

   Ifa ewe tipis Saul a féri lón Kilkal? (1 Sam. 10:8; 13:8, 9, 13)

3. Álleani 1 Samuel 15:1-35.

   1. Met Saul a féri ngeni Akak, ewe kingen Amalek, nge a ina eú tipis watte? (1 Sam. 15:2, 3, 8, 9, 22)

   2. Ifa usun Saul a sótun akúkkúnaló choun an we tipis ren an tipimwáál ngeni pwal ekkóch? (1 Sam. 15:24)

   3. Ifa ewe kapasen éúréúr sipwe lefareni ika emén epwe fénékich? (1 Sam. 15:19-21; Kölf. 141:5; SalF. 9:8, 9; 11:2)

Pwóróus 57

Kot A Filatá Tafit

1. Ifa iten ewe alúwél lón ei lios me pwata sia silei pwe a pwora?

2. Ia Tafit a nónnóm ie me ifa iten seman we me seman we chinnap?

3. Pwata Jiowa a ereni Samuel pwe epwe feiló ren imwen Jesi we lón Petleem?

4. Met a fis lupwen Jesi a emwenaato ngeni Samuel fúmén me lein néún kewe mwán?

5. Lupwen Tafit a feito, met Jiowa a ereni Samuel?

Pwal ekkóch kapas eis:

1. Álleani 1 Samuel 17:34, 35.

   Ifa usun ekkena pwóróus ra menlapei án Tafit pwora me watteen an lúkúlúk wóón Jiowa? (1 Sam. 17:37)

2. Álleani 1 Samuel 16:1-14.

   1. Ifa usun alón Jiowa lón 1 Samuel 16:7 a álisikich ach sisap lifilifil aramas me aapaap pokiten met sia kúna me lúkún? (Föf. 10:34, 35; 1 Tim. 2:4)

   2. Ifa usun pwóróusen Saul a pwáraatá pwe lupwen Jiowa epwe angei an manaman mi fel seni emén, iwe och sókkun ekiek mi ngaw epwe tongeni nemeni? (1 Sam. 16:14; Mat. 12:43-45; Kal. 5:16)

Pwóróus 58

Tafit me Koliat

1. Ifa ewe kapasen akkuffengen Koliat a ereni ekkewe soufiun Israel?

2. Ifa úkúkún ttamen Koliat, nge met King Saul a pwonei pwe epwe liwini ngeni ewe mwán mi nieló Koliat?

3. Lupwen Saul a apasa pwe Tafit esap tufichin fiu ngeni Koliat pún i emén chék alúwél, met Tafit a ereni?

4. Ifa usun án Tafit pélúweni Koliat a pwáraatá pwe a lúkúlúk wóón Jiowa?

5. Usun ka kúna lón ei lios, met Tafit a néúnéú le nieló Koliat me met a fis ngeni chón Filistia mwirin?

Pwal ekkóch kapas eis:

1. Álleani 1 Samuel 17:1-54.

   1. Met popun Tafit ese niw me ifa usun sipwe tongeni áppirú pworaan? (1 Sam. 17:37, 45; Ef. 6:10, 11)

   2. Pwata Chón Kraist repwe túmúnúúr pwe rete usun chék Koliat le eáni ewe ekiekin akkuffengen lupwen ra fiti ekkewe minen urumwot are minen kunou? (1 Sam. 17:8; Kal. 5:26; 1 Tim. 4:8)

   3. Ifa usun alón Tafit a pwáraatá an lúkú pwe Kot epwe túmúnú i? (1 Sam. 17:45-47; 2 Kron. 20:15)

   4. Ifa usun ewe Paipel a áiti ngenikich pwe ewe maun wesewesen lefilen ekkewe kot chofona me Jiowa? (1 Sam. 17:43, 46, 47)

   5. Ifa usun ekkewe lusun mi kepit ra kan áppirú án Tafit lúkúlúk wóón Jiowa? (1 Sam. 17:37; Jer. 1:17-19; Pwär. 12:17)

Pwóróus 59

Popun án Tafit Epwele Sú

1. Pwata Saul a lólówóiti Tafit, nge ifa usun néún Saul we itan Jonatan a sókko seni?

2. Met a fis lón eú rán lupwen Tafit a ettiki ewe arp ngeni Saul?

3. Met Saul a ereni Tafit an epwe akkomw féri pwe epwe tongeni pwúlúweni néún we fépwúl itan Mikal me met popun a apasa ena?

4. Lupwen Tafit a ettiki ewe arp ngeni Saul, ifa ewe mettóch a fis aúlúngátin fansoun, usun sia kúna me lón ei lios?

5. Ifa usun Mikal a álisi Tafit pwe esap ninniiló, iwe mwirin, met Tafit a féri ren úkúkún fisu ier?

Pwal ekkóch kapas eis:

1. Álleani 1 Samuel 18:1-30.

   1. Ifa usun ewe tong mi núkúchar Jonatan a pwáraatá ngeni Tafit a liosuetá ewe tong lefilen ekkewe pwal ‘ekkóch siip’ me ewe “mwich mi kisikis”? (1 Sam. 18:1; Joh. 10:16; Luk. 12:32; Sek. 8:23)

   2. Itá úrúrún Jonatan epwe wii Saul lón wisan we, nge ifa usun 1 Samuel 18:4 a pwáraatá watteen án Jonatan álleasochis ngeni ewe emén mi kefilitá pwe epwe wisen king?

   3. Ifa usun pwóróusen Saul a pwáraatá pwe lólówó a tongeni emmwen ngeni tipis watte me ifa ewe éúréúr ena pwóróus a awora ngenikich? (1 Sam. 18:7-9, 25; Jas. 3:14-16)

2. Álleani 1 Samuel 19:1-17.

   Lupwen Jonatan a ánini ngeni Saul, ifa usun a pwisin uwealong manawan lón feiengaw? (1 Sam. 19:1, 4-6; SalF. 16:14)

Pwóróus 60

Apikael me Tafit

1. Ifa iten ewe fefin lón ei lios mi feito chuuri Tafit me i met sókkun aramas?

2. Ié ewe Napal?

3. Pwata Tafit a tiinaaló chienan kewe mwán pwe repwe uwei an tingor ngeni Napal?

4. Met Napal a ereni chienen Tafit kewe mwán me met Tafit a féri?

5. Ifa usun Apikael a pwáraatá pwe i emén fefin mi mirit?

Pwal ekkóch kapas eis:

1. Álleani 1 Samuel 22:1-4.

   Ifa usun án Tafit we famili a isetiw eú leenien áppirú mi múrinné ren ifa usun ewe mwicheichen pwipwi Chón Kraist repwe álillisfengen? (SalF. 17:17; 1 Tes. 5:14)

2. Álleani 1 Samuel 25:1-43.

   1. Pwata aramas ra apasa pwe Napal emén mi mwááneson? (1 Sam. 25:2-5, 10, 14, 21, 25)

   2. Lón ei fansoun, met fin Kraist mi pwúpwúlú repwe tongeni káé seni Apikael? (1 Sam. 25:32, 33; SalF. 31:26; Ef. 5:24)

   3. Ikkefa ekkewe ruu mettóch mi ngaw Apikael a pinei seni Tafit an epwe féri? (1 Sam. 25:31, 33; Rom 12:19; Ef. 4:26)

   4. Ifa usun án Tafit aúseling alón Apikael a álisi ekkewe mwán lón ei fansoun le eáni ekiekin Jiowa usun fefin? (Föf. 21:8, 9; Rom 2:11; 1 Pet. 3:7)

Pwóróus 61

Tafit A Seikitá Ngeni King

1. Met Tafit me Apisai ra féri lupwen Saul a annut lón an we leenien asésé?

2. Ikkefa án Tafit kewe kapas eis ngeni Saul?

3. Ia Tafit a ló ie mwirin an ló seni Saul?

4. Met a fókkun eletipechowu Tafit pwe iwe a makkeei eché kél mi fókkun éch?

5. Fite ierin Tafit lupwen a seikitá ngeni king lón Hepron me ikkefa iten ekkóch néún kewe át?

6. Ia Tafit a pwal nemenem ie mwirin?

Pwal ekkóch kapas eis:

1. Álleani 1 Samuel 26:1-25.

   1. Alón Tafit lón 1 Samuel 26:11 a pwáraatá pwe mi fet an ekiek usun án Kot kókkótun nemenem? (Kölf. 37:7; Rom 13:2)

   2. Ika sia achocho le pwáraatá kirekiréch mi fiti tong, nge aramas rese aúcheani, ifa usun alón Tafit lón 1 Samuel 26:23 a tongeni álisikich le amwéchú ekiek pwúng? (1 King 8:32; Kölf. 18:20)

2. Álleani 2 Samuel 1:26.

   Lón ei fansoun, ifa usun Chón Kraist repwe tongeni ámááraatá ewe sókkun tong mi enlet Tafit me Jonatan ra eáni? (1 Pet. 4:8; Kol. 3:14; 1 Joh. 4:12)

3. Álleani 2 Samuel 5:1-10.

   1. Fitu ier Tafit a nemenem usun emén king me ifa usun kinikinitiwen ierin an nemenem? (2 Sam. 5:4, 5)

   2. Met péchékkúlen Tafit a lóngólóng wóón? Met ei pwóróus a áchema ngenikich usun lón ach ei fansoun? (2 Sam. 5:10; 1 Sam. 16:13; 1 Kor. 1:31; Fil. 4:13)

Pwóróus 62

Osukosuk lón Imwen Tafit we

1. Met a fis ngeni ewe fénú Kanaan ren án Jiowa álillis?

2. Met a fis lón eú kuniolun lupwen Tafit a nóm wóón osun imwan we imwen king?

3. Pwata Jiowa a wesewesen song ren Tafit?

4. Lón en lios, ié we Jiowa a tiinaaló an epwe ereni Tafit usun an kewe tipis me met a pwal ereni pwe epwe fis ngeni?

5. Met sókkun osukosuk a tori Tafit?

6. Ié a wisen kingen Israel mwirin Tafit?

Pwal ekkóch kapas eis:

1. Álleani 2 Samuel 11:1-27.

   1. Ifa usun ach tinikken le angang ngeni Jiowa a túmúnúkich?

   2. Met a emmwenaalong Tafit lón tipis me ifa ewe kapasen éúréúr sia káé fán iten néún Jiowa kewe chón angang lón ei fansoun? (2 Sam. 11:2; Mat. 5:27-29; 1 Kor. 10:12; Jas. 1:14, 15)

2. Álleani 2 Samuel 12:1-18.

   1. Ifa ewe lesen ekkewe elter me sam me in ra tongeni káé seni napanapen án Natan fénéú Tafit? (2 Sam. 12:1-4; SalF. 12:18; Mat. 13:34)

   2. Pwata Jiowa a úméúméch ngeni Tafit? (2 Sam. 12:13; Kölf. 32:5; 2 Kor. 7:9, 10)

Pwóróus 63

Salomon, ewe King mi Tipachem

1. Met Jiowa a eisini Salomon me ifa usun a pélúweni?

2. Pokiten Jiowa a pwapwa ren án Salomon we tingor, met a pwonei pwe epwe ngeni?

3. Ifa ewe osukosuk mi weires rúúemén fefin ra uweato ren Salomon?

4. Ifa usun Salomon a pwákini ewe osukosuk usun ka kúna me lón ei lios?

5. Mei fet napanapen án Salomon nemenem me met popun?

Pwal ekkóch kapas eis:

1. Álleani 1 King 3:3-28.

   1. Ifa ewe lesen ekkewe mwán mi wor wiser lón án Kot mwicheich lón ei fansoun, repwe káé seni alón Salomon we lón 1 King 3:7? (Kölf. 119:105; SalF. 3:5, 6)

   2. Ifa usun án Salomon tingor a áiti ngenikich ekkewe sókkun mettóch mi fich ach sipwe ióteki? (1 King 3:9, 11; SalF. 30:8, 9; 1 Joh. 5:14)

   3. Ifa usun án Salomon ataweei ewe osukosuk lefilen ekkewe rúúemén fefin a alúkúlúkúkich usun nemenemen Jesus Kraist lón mwachkkan, ewe Salomon mi Lapalap? (1 King 3:28; Ais. 9:6, 7; 11:2-4)

2. Álleani 1 King 4:29-34.

   1. Ifa usun Jiowa a pélúweni án Salomon we tingor an epwe eáni eú letip mi álleasochis? (1 King 4:29)

   2. Pokiten án aramas achocho le rong tipachemen Salomon, epwe ifa ach ekiek usun ach káé ewe Kapasen Kot? (1 King 4:29, 34; Joh. 17:3; 2 Tim. 3:16)

Pwóróus 64

Salomon A Aúetá ewe Imwenfel

1. Ifa ttamen án Salomon angangen aúetá án Jiowa we imwenfel me pwata a fókkun liwinimmong?

2. Fitu ruumw mi aúchea lón ewe imwenfel me met a iseis lón ewe ruumw kukkulong?

3. Met Salomon a apasa lón an we iótek lupwen a wes ewe imwenfel?

4. Ifa usun Jiowa a pwáraatá pwe a pwapwa ren án Salomon we iótek?

5. Met pwúlúwen Salomon kewe ra etipetipa an epwe féri, iwe met a fis ngeni Salomon?

6. Pwata Jiowa a song ngeni Salomon me met Jiowa a ereni?

Pwal ekkóch kapas eis:

1. Álleani 1 Kronika 28:9, 10.

   Met sipwe achocho le féri iteiten rán me ren alón Tafit we lón 1 Kronika 28:9, 10? (Kölf. 19:14; Fil. 4:8, 9)

2. Álleani 2 Kronika 6:12-21, 32-42.

   1. Ifa usun Salomon a pwáraatá pwe ewe Kot mi Tekia seni Meinisin esap tongeni nónnóm lón eú imw férien aramas? (2 Kron. 6:18; Föf. 17:24, 25)

   2. Met alón Salomon we lón 2 Kronika 6:32, 33 a pwáraatá usun Jiowa? (Föf. 10:34, 35; Kal. 2:6)

3. Álleani 2 Kronika 7:1-5.

   Ifa usun ach ekipwichi án Jiowa ekkefeiéchú néún kewe aramas lón ei fansoun epwe achchúngúkich usun chék án chón Israel chúng le mwareiti Jiowa lupwen ra kúna lingan? (2 Kron. 7:3; Kölf. 22:22; 34:1; 96:2)

4. Álleani 1 King 11:9-13.

   Ifa usun pwóróusen manawen Salomon a affata lamoten ach sipwe tuppwél tori sópwólóón? (1 King 11:4, 9; Mat. 10:22; Pwär. 2:10)

Pwóróus 65

Ewe Mwú A Kinikinfesen

1. Ikkefa iten ekkeei rúúemén mwán lón ei lios me met wiser?

2. Ahia a fetei ewe sekit a úféúf me met weween an féri ena?

3. Met Salomon a sótun féri ngeni Jeropoam?

4. Met popun ekkewe aramas ra seikaatá Jeropoam pwe epwe wisen king wóón engol einang?

5. Pwata Jeropoam a féri rúúemén ululun kou kolt me met a fis ngeni ewe fénú ekiseló mwirin?

6. Met a fis ngeni mwúún ekkewe ruu einang me án Jiowa we imwenfel lón Jerusalem?

Pwal ekkóch kapas eis:

1. Álleani 1 King 11:26-43.

   Met sókkun aramas Jeropoam me met Jiowa a pwon ngeni ika epwe apwénúetá an kewe allúk? (1 King 11:28, 38)

2. Álleani 1 King 12:1-33.

   1. Ifa ewe lesen ekkewe sam me in me elter ra tongeni káé seni án Rehopoam áeámwáálli wisan? (1 King 12:13; SalAf. 7:7; 1 Pet. 5:2, 3)

   2. Ia ekkewe sáráfé lón ei fansoun repwe kútta emmwen mi núkúchar me ie lupwen epwe piitá kefil mi chou lón manawer? (1 King 12:6, 7; SalF. 1:8, 9; 2 Tim. 3:16, 17; Ipru 13:7)

   3. Pwata Jeropoam a fératá ruu leenien fel ngeni ululun kou me ifa usun a pwáraatá watteen nafangawen an lúkúlúk wóón Jiowa? (1 King 11:37; 12:26-28)

   4. Ié a emmweni mwúún ekkewe engol einang pwe repwe ú ngeni fel mi enlet? (1 King 12:32, 33)

Pwóróus 66

Isipel, Emén Kiwin mi Fókkun Ngaw

1. Ié ewe Isipel?

2. Pwata King Ahap a letipechou lón eú rán?

3. Met Isipel a féri pwe epwe angei án Napot we ataken kreip fán iten pwúlúwan we Ahap?

4. Ié we Jiowa a tiinaaló pwe epwe apwúngú Isipel?

5. Met a fis lupwen Jehu a wareiti leenien Isipel we usun met ka kúna me lón ei lios?

Pwal ekkóch kapas eis:

1. Álleani 1 King 16:29-33 me 18:3, 4.

   Ifa úkúkún ngawen ekkewe mettóch ra fiffis lón Israel atun án King Ahap nemenem? (1 King 16:33)

2. Álleani 1 King 21:1-16.

   1. Ifa usun Napot a pwáraatá pwe i mi pwora me a tuppwél ngeni Jiowa? (1 King 21:1-3; Lif. 25:23-28)

   2. Ifa ewe lesen sia tongeni káé seni pwóróusen Ahap usun met sipwe féri ika sia lichippúng? (1 King 21:4; Rom 5:3-5)

3. Álleani 2 King 9:30-37.

   Ifa ewe lesen sia káé seni án Jehu tinikken le féri letipen Jiowa? (2 King 9:4-10; 2 Kor. 9:1, 2; 2 Tim. 4:2)

Pwóróus 67

Jehosafat A Ápilúkúlúk Wóón Jiowa

1. Ié ewe Jehosafat me a manaw lón menni fansoun?

2. Pwata chón Israel ra niwokkus me met chómmóng me leir ra féri?

3. Ifa usun Jiowa a pélúweni án Jehosafat we iótek?

4. Met Jiowa a féri me mwen an a poputá ewe maun?

5. Ifa ewe lesen sia tongeni káé seni pwóróusen Jehosafat?

Pwal ekkóch kapas eis:

1. Álleani 2 Kronika 20:1-30.

   1. Ifa usun Jehosafat a affata met néún Kot kewe chón angang mi tuppwél repwe féri lupwen epwe toriir fansoun mi efeiengaw? (2 Kron. 20:12; Kölf. 25:15; 62:1)

   2. Pokiten Jiowa a kan néúnéú aramas le atoura pwóróus ngeni néún kewe aramas me lóóm, iwe ié kewe Jiowa a pwal néúnéú le atoura pwóróus ngeni néún kewe aramas lón ei fansoun? (2 Kron. 20:14, 15; Mat. 24:45-47; Joh. 15:15)

   3. Lupwen Kot epwe poputááni ewe “maun lon ewe rän mi lap än Kot ewe mi Unusen Manaman,” ifa usun nónnómuch epwe usun nónnómun Jehosafat? (2 Kron. 20:15, 17; 32:8; Pwär. 16:14, 16)

   4. Met sókkun álillis ekkewe pioneer me misineri ra awora fán iten ewe angangen afalafal wóón unusen fénúfan, usun chék ekkewe chón Lefi? (2 Kron. 20:19, 21; Rom 10:13-15; 2 Tim. 4:2)

Pwóróus 68

Rúúemén Át mi Manawsefál

1. Menni ekkeei úlúmén aramas lón ei lios me met a fis ngeni ei kúkkún át?

2. Ifa án Elias we iótek fán iten ei át me met a fis mwirin?

3. Ifa iten néún Elias we chón álillis?

4. Pwata ewe fin Shunem a kérato Elisa ngeni imwan we?

5. Met Elisa a féri me met a fis ngeni ewe kúkkún át mi fen máló?

6. Met sókkun manaman a nóm ren Jiowa, usun an a pwáló ren Elias me Elisa?

Pwal ekkóch kapas eis:

1. Álleani 1 King 17:8-24.

   1. Ifa usun Elias a kúna sóssótun an álleasochis me an lúkú? (1 King 17:9; 19:1-4, 10)

   2. Pwata a kon watte lúkúen ewe fin Sarapat mi má seni pwúlúwan? (1 King 17:12-16; Luk. 4:25, 26)

   3. Ifa usun minne a fis ngeni ewe fin Sarapat mi má seni pwúlúwan a ánneta pwúngún alon Jesus we mi mak lón Mateus 10:41, 42? (1 King 17:10-12, 17, 23, 24)

2. Álleani 2 King 4:8-37.

   1. Met ewe fin Shunem a áiti ngenikich usun ach awasélaéchú aramas? (2 King 4:8; Luk. 6:38; Rom 12:13; 1 Joh. 3:17)

   2. Ifa usun sipwe tongeni pwáraatá kirekiréch ngeni néún Kot kewe chón angang lón ei fansoun? (Föf. 20:35; 28:1, 2; Kal. 6:9, 10; Ipru 6:10)

Pwóróus 69

Emén Nengngin A Álisi Emén Meilap

1. Met en kúkkún nengngin a ereni ei fefin lón ei lios?

2. Menni ei fefin lón ei lios me pwata ei kúkkún nengngin a nóm lón imwan ei?

3. Met Elisa a ereni néún we chón angang an epwe esile ngeni Neman nge pwata Neman a song?

4. Met a fis lupwen Neman a aúseling ngeni néún kewe chón angang?

5. Pwata Elisa ese mochen angei ewe liffang seni Neman, nge met Kehasi a féri?

6. Met a fis ngeni Kehasi me ifa ewe lesen sia tongeni káé seni ena pwóróus?

Pwal ekkóch kapas eis:

1. Álleani 2 King 5:1-27.

   1. Ifa usun féfférún ewe kúkkún nengnginin Israel a apéchékkúla ekkewe sáráfé lón ei fansoun? (2 King 5:3; Kölf. 8:2; 148:12, 13)

   2. Pwata a múrinné ach sipwe chechchemeni pwóróusen Neman lupwen sipwe angei fén seni Paipel? (2 King 5:15; Ipru 12:5, 6; Jas. 4:6)

   3. Ikkefa ekkewe lesen sipwe tongeni káé seni ach asókkofeseni féfférún Elisa me féfférún Kehasi? (2 King 5:9, 10, 14-16, 20; Mat. 10:8; Föf. 5:1-5; 2 Kor. 2:17)

Pwóróus 70

Sona me ewe Iik Watte

1. Ié ewe Sona me met Jiowa a ereni an epwe féri?

2. Met Sona a féri pokiten ese mochen feiló ikewe Jiowa a ereni an epwe feiló ie?

3. Met Sona a ereni chón ewe waa ar repwe féri pwe epwe úkútiw ewe mélúmél?

4. Met a fis lupwen Sona a kokotiw lón ewe mataw, usun ka kúna me lón ei lios?

5. Ifa ttamen án Sona nónnóm lón luken ewe iik watte me met a féri lón luken ena iik?

6. Sona a feiló ia mwirin an towu me lón ewe iik me ifa ewe lesen ena pwóróus a áiti ngenikich?

Pwal ekkóch kapas eis:

1. Álleani Sona 1:1-17.

   Met meefien Sona usun wisan we, wisen an epwe afalafal ngeni chón Ninifa? (Sona 1:2, 3; SalF. 3:7; SalAf. 8:12)

2. Álleani Sona 2:1, 2, 10.

   Ifa usun minne a fis ngeni Sona a alúkúlúkúkich pwe Jiowa epwe pélúweni ach kewe iótek? (Kölf. 22:24; 34:6; 1 Joh. 5:14)

3. Álleani Sona 3:1-10.

   1. Ifa usun án Jiowa néúnéú Sona inaamwo ika ese apwénúetá wisan we me lepoputáán a apéchékkúlakich? (Kölf. 103:14; 1 Pet. 5:10)

   2. Met ei pwóróus usun Sona me chón Ninifa a áiti ngenikich usun ach pwisin apwúngaló aramas lón ach leenien afalafal? (Sona 3:6-9; SalAf. 11:6; Föf. 13:48)

Pwóróus 71

Kot A Pwonei pwe Epwe Wor eú Paratis

1. Met weween ewe kapas “paratis” me met a áchema ngonuk usun?

2. Pwata a péút seni Atam me Efa leenier we mi lingéch?

3. Ifa án Jiowa we pwon ngeni chókkewe mi tongei i?

4. Ié ewe Aisea, ineet a manaw me met Jiowa a pwár ngeni?

5. Met Jiowa a ereni Aisea an epwe makkeei usun ewe mineféén Paratis?

Pwal ekkóch kapas eis:

1. Álleani Aisea 11:6-9.

   1. Ifa usun ewe Kapasen Kot a áweweei ewe kinamwe epwe fis lefilen man me aramas lón ewe fénúfan sefé? (Kölf. 148:10, 13; Ais. 65:25; Is. 34:25)

   2. Lón ei fansoun, ifa usun alon Aisea we a pwéppwénútá lein néún Jiowa kewe aramas lón kapas monomon? (Rom 12:2; Ef. 4:23, 24)

   3. A fich ach sipwe mwareiti ié pokiten siwilinlóón napanapen aramas lón ei fansoun me pwal lón ewe fénúfan sefé epwe feito? (Ais. 48:17, 18; Kal. 5:22, 23; Fil. 4:7)

2. Álleani Pwärätä 21:3, 4.

   1. Ifa usun ewe Paipel a pwáraatá pwe án Kot nóm lein ekkewe aramas wóón fénúfan, esap kapas wesewesan nge eú chék kapas áwewe? (Lif. 26:11, 12; 2 Kron. 6:18; Ais. 66:1; Pwär. 21:2, 3, 22-24)

   2. Met sókkun chénún mas me metek repwe móróló? (Luk. 8:49-52; Rom 8:21, 22; Pwär. 21:4)

Pwóróus 72

Kot A Álisi King Hiskia

1. Menni ei mwán lón ei lios me pwata a tori chómmóng osukosuk?

2. Menni ekkeei taropwe Hiskia a isetiw mwen mesen Kot me met a iótek usun?

3. Met sókkun king Hiskia me ifa ewe pwóróus Jiowa a tiinaaló ngeni me ren ewe soufós Aisea?

4. Met néún Jiowa we chónláng a féri ngeni ekkewe chón Asiria lón ei lios?

5. Inaamwo ika a wor kinamwe ren mwúún ekkewe ruu einang ren ekis fansoun, nge met a fis mwirin málóón Hiskia?

Pwal ekkóch kapas eis:

1. Álleani 2 King 18:1-36.

   1. Ifa usun ewe chón tupuni Asiria (Rabshakeh) a sótun le apwangapwangaaló lúkúen chón Israel? (2 King 18:19, 21; Eks. 5:2; Kölf. 64:3)

   2. Ifa usun Chón Pwáraatá Jiowa ra áppirú Hiskia lupwen a wor chón ú ngeniir? (2 King 18:36; Kölf. 39:1; SalF. 26:4; 2 Tim. 2:24)

2. Álleani 2 King 19:1-37.

   1. Ifa usun néún Jiowa kewe aramas lón ei fansoun ra áppirú Hiskia atun ra kúna riáfféú? (2 King 19:1, 2; SalF. 3:5, 6; Ipru 10:24, 25; Jas. 5:14, 15)

   2. Ifa usun King Sanherip a kkuf fán úlúngát, iwe ié a liosuetá? (2 King 19:32, 35, 37; Pwär. 20:2, 3)

3. Álleani 2 King 21:1-6, 16.

   Pwata sia tongeni erá pwe Manasa i emén me lein ekkewe king mi fókkun ngaw mi nemeni Jerusalem? (2 Kron. 33:4-6, 9)

Pwóróus 73

Ewe Sáingoon King mi Múrinné lón Israel

1. Fite ierin Josia lupwen a seikitá ngeni king me met a poputá le féri mwirin efisuen ierin an king?

2. Met Josia a féri lón ei áeúin lios?

3. Met ewe souasor mi lap a kúna lupwen ekkewe mwán ra fférsefáli ewe imwenfel?

4. Pwata Josia a kamwei úfan we?

5. Ifa ewe pwóróus seni Jiowa ewe finesoufós Hulta a esile ngeni Josia?

Pwal ekkóch kapas eis:

1. Álleani 2 Kronika 34:1-28.

   1. Ifa ewe leenien áppirú Josia a isetiw fán iten chókkewe mi likiitú lupwen ra kúna riáfféú me le kúkkúnúr? (2 Kron. 33:21-25; 34:1, 2; Kölf. 27:10)

   2. Ikkefa ekkewe mettóch mi lamot Josia a féri pwe epwe apéchékkúla ewe fel mi enlet lón ewe awalúen, engol me ruuwen me engol me walúen ierin an nemenem? (2 Kron. 34:3, 8)

   3. Ikkefa ekkewe lesen fán iten túmúnún liméchún me torotoréchún ach kewe leenien mwich sipwe tongeni káé seni féfférún King Josia me ewe Souasor mi Lap Hilkia? (2 Kron. 34:9-13; SalF. 11:14; 1 Kor. 10:31)

Pwóróus 74

Emén Mwán Ese Niwokkus

1. Menni ei alúwél lón ei lios?

2. Ifa ekiekin Jeremaia usun an epwe wiseni wisen soufós, nge met Jiowa a ereni?

3. Ifa ewe pwóróus Jeremaia a ekkereni ekkeei aramas?

4. Ifa usun ekkewe souasor ra sótun le aúkatiw án Jeremaia angang, nge ifa usun a pwáraatá pwe ese niwokkus?

5. Met a fis lupwen chón Israel rese siwili napanaper mi ngaw?

Pwal ekkóch kapas eis:

1. Álleani Jeremaia 1:1-8.

   1. Met a atufichi án emén angang ngeni Jiowa usun sia káé seni pwóróusen Jeremaia? (2 Kor. 3:5, 6)

   2. Ifa usun án Jeremaia leenien áppirú a apéchékkúla ekkewe Chón Kraist sáráfé lón ei fansoun? (SalAf. 12:1; 1 Tim. 4:12)

2. Álleani Jeremaia 10:1-5.

   Menni kapas áwewe mi fataffatéch Jeremaia a áeá pwe epwe pwáraatá lamotongawen án aramas fel ngeni ululun? (Jer. 10:5; Ais. 46:7; Ap. 2:19)

3. Álleani Jeremaia 26:1-16.

   1. Ifa usun ekkewe lusun mi kepit ra lefareni án Jiowa we allúk ngeni Jeremaia pwe esap ‘likiti eü kapas’ lupwen ra ekkesilefeili ewe kapasen éúréúr lón ei fansoun? (Jer. 26:2; Tut. 4:2; Föf. 20:27)

   2. Ifa ewe leenien áppirú mi múrinné Jeremaia a isetiw ngeni Chón Pwáraatá Jiowa lón ei fansoun le esile ngeni chón ekkewe mwú án Jiowa kapasen éúréúr? (Jer. 26:8, 12, 14, 15; 2 Tim. 4:1-5)

4. Álleani 2 King 24:1-17.

   Met sópwongawen án Juta ese tuppwél ngeni Jiowa? (2 King 24:2-4, 14)

Pwóróus 75

Fémén Alúwél lón Papilon

1. Menni ekkeei fémén alúwél lón ei lios me pwata ra nónnóm lón Papilon?

2. Met Nepukatnesar a akkóta fán iten ekkeei fémén alúwél me met a ereni néún kewe chón angang ar repwe féri?

3. Met sókkun mwéngé me minen ún Taniel a tingor fán itan me chienan kewe úlúmén?

4. Ifa usun Taniel me chienan kewe úlúmén ra sókko seni ekkewe ekkóch alúwél mwirin ar mwéngé iasai úkúkún engol rán?

5. Met popun Taniel me chienan kewe úlúmén ra nónnóm lón imwen ewe king me ifa usun ra múrinné seni ekkewe souasor me mwán tipachem?

Pwal ekkóch kapas eis:

1. Álleani Taniel 1:1-21.

   1. Met sipwe achocho le féri ren ach sipwe ú ngeni sóssót me pworacho ngeni ach kewe apwangapwang? (Tan. 1:8; Ken. 39:7, 10; Kal. 6:9)

   2. Ifa usun ekkewe sáráfé lón ei fansoun ra tongeni kúna sóssótun ar repwe féri ekkewe mettóch usun itá iir ‘mwéngé mi anné’ me ren ekkóch aramas? (Tan. 1:8; SalF. 20:1; 2 Kor. 6:17–7:1)

   3. Met ewe pwóróus lón Paipel usun ekkewe fémén alúwélún Ipru a álisikich le mirititi usun ach angei tipachemen aramas? (Tan. 1:20; Ais. 54:13; 1 Kor. 3:18-20)

Pwóróus 76

Jerusalem a Taló

1. Lón ei lios, met a fis ngeni Jerusalem me chón Israel?

2. Ié ewe Isikiel me Jiowa a pwár ngeni met sókkun mettóch mi ánenneiruk?

3. Pokiten chón Israel rese súféliti Jiowa, iwe met a pwonei?

4. Met King Nepukatnesar a féri mwirin án chón Israel ú ngeni?

5. Pwata Jiowa a mutatá ena kata mi fókkun eniweniw an epwe fis ngeni chón Israel?

6. Ifa usun ewe fénú Israel a péénnúló me ifa úkúkún ttamen an a péén?

Pwal ekkóch kapas eis:

1. Álleani 2 King 25:1-26.

   1. Ié ewe Setekia, met a fis ngeni me ifa usun ena mettóch a apwénúetá án Paipel oesini? (2 King 25:5-7; Is. 12:13-15)

   2. Me ren Jiowa, tipisin ié án meinisin chón Israel féfférún ú ngeni I? (2 King 25:9, 11, 12, 18, 19; 2 Kron. 36:14, 17)

2. Álleani Isikiel 8:1-18.

   Ifa usun ekkewe tipitipin lamalamen Chón Kraist ra áppirú án ekkewe chón Israel mi rikiló fel ngeni ewe akkar? (Is. 8:16; Ais. 5:20, 21; Joh. 3:19-21; 2 Tim. 4:3)

Pwóróus 77

Iir Rese Chapetiw

1. Met Nepukatnesar, ewe kingen Papilon a allúkú ngeni aramas ar repwe féri?

2. Pwata chienen Taniel kewe úlúmén rese chapetiw ngeni ewe lios mi ffér seni kolt?

3. Lupwen Nepukatnesar a erenisefál ekkewe úlúmén átin Ipru pwe repwe chapetiw, ifa usun ra pwáraatá ar lúkúlúk wóón Jiowa?

4. Met Nepukatnesar a ereni néún kewe chón angang ar repwe féri ngeni Satrak, Mesak me Apetneko?

5. Met Nepukatnesar a kúna lupwen a nennelóng lón ewe leenien kek?

6. Pwata ewe king a mwareiti án Satrak, Mesak me Apetneko we Kot me ifa ewe leenien áppirú mi múrinné ra isetiw fán itach?

Pwal ekkóch kapas eis:

1. Álleani Taniel 3:1-30.

   1. Ifa usun néún Kot kewe chón angang repwe áppirú napanapen ekkewe úlúmén átin Ipru atun repwe kúna sóssótun pwúngún enletin ar tuppwél? (Tan. 3:17, 18; Mat. 10:28; Rom 14:7, 8)

   2. Ifa ewe lesen mi lamot Jiowa Kot a áiti ngeni Nepukatnesar? (Tan. 3:28, 29; 4:34, 35)

Pwóróus 78

Ekkewe Mesen Mak Wóón ewe Etiip

1. Met a fis lupwen ewe kingen Papilon a féri eú kametip watte, nge a áeá ekkewe kap me sepi seni án Jiowa we imwenfel lón Jerusalem?

2. Met Pelsasar a ereni néún kewe chón angang mwán mi tipachem, nge met rese tongeni féri?

3. Met inen ewe king a ereni an epwe féri?

4. Me ren alon Taniel ngeni ewe king, pwata Kot a tiinatiw aútún péún emén pwe epwe mak wóón ewe etiip?

5. Met weween ekkewe kapas wóón ewe etiip me ren Taniel?

6. Met a fis lupwen Taniel a chúen fóffós?

Pwal ekkóch kapas eis:

1. Álleani Taniel 5:1-31.

   1. Ifa usun kopwe asókkofeseni ach niwokkusiti Kot me án Pelsasar niwokkus lupwen a kúna ekkewe mesen mak wóón ewe etiip. (Tan. 5:6, 7; Kölf. 19:9; Rom 8:35-39)

   2. Ifa usun Taniel a pwáraaló watteen pwora lupwen a kapas ngeni Pelsasar me néún kewe meilap? (Tan. 5:17, 18, 22, 26-28; Föf. 4:29)

   3. Ifa usun Taniel sópwun 5 a affata pwe Jiowa a nemeni mettóch meinisin? (Tan. 4:17, 25; 5:21)

Pwóróus 79

Taniel lón Leenien Ekkewe Laion

1. Ié ewe Tarius me ifa meefian usun Taniel?

2. Ekkewe mwán mi lólówó ra etipetipa Tarius an epwe fet?

3. Met Taniel a féri lupwen a silei usun ewe mineféén allúk?

4. Pwata Tarius a kon lólilen pwe iwe ese tongeni annut me met a féri sorotáán ewe soran?

5. Met Taniel a pélúwen ngeni Tarius?

6. Met a fis ngeni ekkewe aramasangaw mi sótun nieló Taniel me met Tarius a mak ngeni aramas meinisin lón mwúún we?

Pwal ekkóch kapas eis:

1. Álleani Taniel 6:1-28.

   1. Ifa usun ewe rawangaw mi fis ngeni Taniel a áchema ngenikich usun án ekkewe chón oput Chón Pwáraatá Jiowa sótun aúkatiw ar angang lón ei fansoun? (Tan. 6:7; Kölf. 94:20; Ais. 10:1; Rom 8:31)

   2. Ifa usun néún Kot kewe chón angang lón ei fansoun ra áppirú án Taniel álleasochisi “nöüwisen ewe mwü”? (Tan. 6:5, 10; Rom 13:1; Föf. 5:29)

   3. Ifa usun sipwe tongeni áppirú án Taniel tuppwél “le angang ngeni” Jiowa? (Tan. 6:16, 20; Fil. 3:16; Pwär. 7:15)

Pwóróus 80

Néún Kot Kewe Aramas Ra Ló Seni Papilon

1. Met chón Israel ra féri usun sia kúna me lón ei lios?

2. Ifa usun Sirus a apwénúetá án Jiowa oesini me ren Aisea?

3. Met Sirus a ereni ekkewe chón Israel rese tongeni liwiniti Jerusalem?

4. Met Sirus a ngeni ekkewe aramas ar repwe uwei ngeni Jerusalem?

5. Ifa úkúkún ttamen án chón Israel sái ngeni Jerusalem?

6. Fite ier ra luló seni ewe fansoun ena fénú a unusen péén ren aramas?

Pwal ekkóch kapas eis:

1. Álleani Aisea 44:28 me 45:1-4.

   1. Ifa usun Jiowa a affata pwe epwe wesewesen pwénútá ewe oesini usun Sirus? (Ais. 55:10, 11; Rom 4:17)

   2. Met án Aisea we oesini usun Sirus a áiti ngenikich usun án Jiowa tufichin silei met epwe fis lón mwachkkan? (Ais. 42:9; 45:21; 46:10, 11; 2 Pet. 1:20)

2. Álleani Esra 1:1-11.

   Ifa usun sipwe tongeni áppirú féfférún ekkewe rese tongeni liwiniti Jerusalem lón ach álisi ekkewe mi pioneer, angang lón Bethel are ekkewe elter mi chuchchuuri mwichefel? (Esr. 1:4, 6; Rom 12:13; Kol. 4:12)

Pwóróus 81

Ra Lúkú Án Kot Álillis

1. Fitemén ra fiti ewe sáittam seni Papilon ngeni Jerusalem, nge met ra kúna lupwen ra war?

2. Met chón Israel ra poputá le aúetá mwirin ar waroto, nge met chón oputer ra féri?

3. Ié kewe Akai me Sekaraia me met ra ereni ekkewe aramas?

4. Pwata Tatenai a tiinaaló eché taropwe ngeni Papilon me met pélúwan?

5. Met Esra a féri lupwen a silei pwe mi lamot an epwe fférsefál án Kot we imwenfel?

6. Lón ei lios met Esra a iótek usun, ifa usun a pélú an iótek me ifa ewe lesen sia káé seni?

Pwal ekkóch kapas eis:

1. Álleani Esra 3:1-13.

   Ika sia nónnóm ikewe esor mwichefelin néún Kot kewe aramas ie, met sipwe sópweló le féfféri? (Esr. 3:3, 6; Föf. 17:16, 17; Ipru 13:15)

2. Álleani Esra 4:1-7.

   Ifa ewe leenien áppirú Serupapel a isetiw fán iten néún Jiowa kewe aramas ren nofiti fel ngeni Jiowa me pwal ekkóch kot? (Eks. 34:12; 1 Kor. 15:33; 2 Kor. 6:14-17)

3. Álleani Esra 5:1-5, 17 me 6:1-22.

   1. Pwata chón oputer rese tongeni aúkatiw angangen fférsefálin ewe imwenfel? (Esr. 5:5; Ais. 54:17)

   2. Ifa usun féfférún ekkewe re Jus mi ásimaw a amwékútú ekkewe Chón Kraist elter le kútta án Jiowa emmwen lupwen epwe wor chón oputer? (Esr. 6:14; Kölf. 32:8; Rom 8:31; Jas. 1:5)

4. Álleani Esra 8:21-23, 28-36.

   Mwen ach sipwe féri och mettóch, ifa féfférún Esra we mi éch ach sipwe áppirú? (Esr. 8:23; Kölf. 127:1; SalF. 10:22; Jas. 4:13-15)

Pwóróus 82

Mortokai me Ester

1. Ié kewe Mortokai me Ester?

2. Pwata King Asuworos a mochen kútta emén pwúlúwan minefé, iwe ié we a filatá?

3. Ié we Haman me met popun a wesewesen song?

4. Ifa ewe allúk a ffér me met Ester a féri mwirin an silei eú pwóróus seni Mortokai?

5. Met a fis ngeni Haman, iwe met a fis ngeni Mortokai?

6. Pwata chón Israel rese ninniiló ren chón oputer?

Pwal ekkóch kapas eis:

1. Álleani Ester 2:12-18.

   Ifa usun Ester a pwáraatá aúchean ach sipwe ámááraatá “tipemecheres o lukpwetete”? (Est. 2:15; 1 Pet. 3:1-5)

2. Álleani Ester 4:1-17.

   Ifa ewe angang mi suuk ngenikich ach sipwe féri lón ei fansoun pwe sipwe pwáraatá ach tong me tuppwél ngeni Jiowa usun chék ewe angang a suuk ngeni Ester fán iten ewe fel mi enlet? (Est. 4:13, 14; Mat. 5:14-16; 24:14)

3. Álleani Ester 7:1-6.

   Ifa usun chómmóng néún Kot kewe aramas lón ei fansoun ra usun Ester inaamwo ika repwe kúna riáfféú? (Est. 7:4; Mat. 10:16-22; 1 Pet. 2:12)

Pwóróus 83

Ewe Ttitin Jerusalem

1. Met meefien chón Israel usun an esor ttitin telinimwer we Jerusalem?

2. Ié ewe Nehemia?

3. Met wisen Nehemia, me pwata a lamot wisan na?

4. Menni pwóróus a áletipechowu Nehemia me met a féri?

5. Ifa usun King Artaksasta a kirekiréch ngeni Nehemia?

6. Ifa usun Nehemia a akkóta ewe angangen kaúsefál pwe chón oput Israel resap tongeni aúkatiw?

Pwal ekkóch kapas eis:

1. Álleani Nehemia 1:4-6 me 2:1-20.

   Ifa usun Nehemia a kútta án Jiowa emmwen? (Ne. 2:4, 5; Rom 12:12; 1 Pet. 4:7)

2. Álleani Nehemia 3:3-5.

   Ifa ewe lesen ekkewe elter me ministerial servant repwe tongeni káé seni sókkofesenin chón Tekoa me néúr kewe “aramas tekia”? (Ne. 3:5, 27; 2 Tes. 3:7-10; 1 Pet. 5:5)

3. Álleani Nehemia 4:1-23.

   1. Met a amwékútú chón Israel le sópweló chék ar angang, inaamwo ika aramas ra fókkun ú ngeniir? (Ne. 4:6, 8, 9; Kölf. 50:15; Ais. 65:13, 14)

   2. Ifa usun féfférún chón Israel a apéchékkúlakich lón ei fansoun?

4. Álleani Nehemia 6:15.

   Met wesilóón ewe ttitin Jerusalem lón úkúkún ruu maram a pwáraatá usun manamanen lúkú? (Kölf. 56:3, 4; Mat. 17:20; 19:26)

Pwóróus 84

Emén Chónláng A Chuuri Maria

1. Menni ei fefin lón ei lios?

2. Met Kapriel a ereni Maria?

3. Ifa usun Kapriel a áwewe ngeni Maria pwe epwe néúnéú inaamwo ika esaamwo tori mwán?

4. Met a fis lupwen Maria a ló chuuri márárin we Elisapet?

5. Ifa ekiekin Josef lupwen a silei pwe Maria a pwopwo, nge pwata a siwili an ekiek?

Pwal ekkóch kapas eis:

1. Álleani Lukas 1:26-56.

   1. Pwata Jesus ese álemwiri ewe tipis seni Atam lupwen Jiowa a waalong manawan lón luken Maria? (Ak. 2:11-13; Luk. 1:35; Joh. 6:69; Ipru 7:26; 10:5)

   2. Ifa usun aramas ra asamolu Jesus mwen an esaamwo uputiw? (Luk. 1:41-43)

   3. Ifa ewe leenien áppirú mi múrinné Maria a isetiw ren Chón Kraist lón ei fansoun mi wiseni ekkewe wis mi kkóló aúchear? (Luk. 1:38, 46-49; 17:10; SalF. 11:2)

2. Álleani Mateus 1:18-25.

   Inaamwo ika Jesus ese iteni Emanuel, nge ifa usun an wiliti emén aramas a apwénúetá weween ena it? (Mat. 1:22, 23; Joh. 14:8-10; Ipru 1:1-3)

Pwóróus 85

Jesus A Uputiw lón eú Imwen Man

1. Menni ei ménúkol lón ei lios, iwe ia Maria epwe akonaaló ie?

2. Pwata Jesus a uputiw lón imwen ekkeei man?

3. Lón ei lios, menni ekkeei mwán mi tolong lón ei imwen man me met emén chónláng a fen ereniir?

4. Pwata a kkóló aúchean Jesus?

5. Pwata a fich án Jesus iteni Néún Kot?

Pwal ekkóch kapas eis:

1. Álleani Lukas 2:1-20.

   1. Ifa usun Sisar Aukustus a kapachelong lón pwénútáán ewe oesini usun uputiwen Jesus? (Luk. 2:1-4; Mik. 5:2)

   2. Ifa usun emén epwe kapachelong lein “chokewe Kot a pwapwa rer”? (Luk. 2:14; Mat. 16:24; Joh. 17:3; Föf. 3:19; Ipru 11:6)

   3. Ika ekkewe chón masen siip mi tipetekison lón Jutea ra chengel ren uputiwen Jesus, pwata epwe fen watte chengelin néún Kot kewe chón angang lón ei fansoun? (Luk. 2:10, 11; Ef. 3:8, 9; Pwär. 11:15; 14:6)

Pwóróus 86

Eféú Fúú A Emmweni Ekkewe Mwán

1. Menni ekkeei mwán lón ei lios me pwata ei emén a itini ena fúú mi saramaram?

2. Pwata King Herotes a song, iwe met a féri?

3. Ia ewe fúú mi saramaram a emmwenaaló ie ekkewe mwán, nge pwata ra pwer wóón pwal efóch al lupwen ra liwiniti fénúer?

4. Ifa ewe allúk Herotes a féri me met popun?

5. Met Jiowa a ereni Josef an epwe féri?

6. Ié a ettina ewe fúú me met popun?

Pwal eú kapas eis:

1. Álleani Mateus 2:1-23.

   Fite ierin Jesus lupwen ekkewe sou káé fúú ra ló chuuri nge ia a nónnóm ie? (Mat. 2:1, 11, 16)

Pwóróus 87

Ewe Át Jesus lón ewe Imwenfel

1. Fite ierin Jesus me lón ei lios, me ia ei a nóm ie?

2. Met Josef me an we famili ra kan féri iteiten ier?

3. Met popun Josef me Maria ra liwinsefál ngeni Jerusalem mwirin eú rán lón ar sái pwe repwe liwiniti imwer?

4. Ia Josef me Maria ra kúna me ie Jesus me pwata ekkewe aramas mi nóm ikewe ie ra máirú?

5. Met Jesus a ereni inan we Maria?

6. Ifa usun sipwe áppirú Jesus lón an kákkáé usun Kot?

Pwal ekkóch kapas eis:

1. Álleani Lukas 2:41-52.

   1. Inaamwo ika ewe Allúk a apasa pwe mwán chék repwe fiti ekkewe chulap iteiten ier, nge ifa ewe leenien áppirú Josef me Maria ra isetiw ngeni ekkewe sam me in lón ei fansoun? (Luk. 2:41; Tut. 16:16; 31:12; SalF. 22:6)

   2. Ifa usun Jesus a isetiw leenien áppirú mi múrinné ngeni ekkewe kúkkún lón ei fansoun fán iten ar repwe álleasochisi semer kewe me iner? (Luk. 2:51; Tut. 5:16; SalF. 23:22; Kol. 3:20)

2. Álleani Mateus 13:53-56.

   Ikkefa iten pwiin Jesus kewe fémén mi mak lón Paipel, iwe met wisen rúúemén me leir lón ewe mwichefelin Chón Kraist? (Mat. 13:55; Föf. 12:17; 15:6, 13; 21:18; Kal. 1:19; Jas. 1:1; Jut. 1)

Pwóróus 88

Johannes A Papataisi Jesus

1. Menni ekkeei rúúemén mwán lón ei lios?

2. Ifa usun emén epwe papatais?

3. Met sókkun aramas Johannes a kan papataisiir?

4. Ifa ewe popun mi aúchea Jesus a tingorei Johannes an epwe papataisi?

5. Ifa usun Kot a pwáraatá pwe a pwapwa ren án Jesus papatais?

6. Met a fis lupwen Jesus a feiló ngeni eú fénúpéén ren úkúkún 40 rán?

7. Ié kewe ra akkomw wiliti néún Jesus chón káé me ifa ewe áeúin manaman a féri?

Pwal ekkóch kapas eis:

1. Álleani Mateus 3:13-17.

   Ifa ewe leenien áppirú Jesus a isetiw ren papataisin néún kewe chón káé? (Kölf. 40:7, 8; Mat. 28:19, 20; Luk. 3:21, 22)

2. Álleani Mateus 4:1-11.

   Ifa usun án Jesus lipwákéch le néúnéú Paipel a apéchékkúlakich le kákkáé Paipel iteitan? (Mat. 4:5-7; 2 Pet. 3:17, 18; 1 Joh. 4:1)

3. Álleani Johannes 1:29-51.

   Johannes Papatais a emmweni néún kewe chón káé ngeni ié me ifa usun sipwe áppirú i lón ei fansoun? (Joh. 1:29, 35, 36; 3:30; Mat. 23:10)

4. Álleani Johannes 2:1-12.

   Ifa usun án Jesus we áeúin manaman a affata pwe Jiowa ese amwéchú seni néún kewe chón angang mettóch mi múrinné? (Joh. 2:9, 10; Kölf. 84:11; Jas. 1:17)

Pwóróus 89

Jesus A Limetawu lón ewe Imwenfel

1. Pwata a wor amémé man lón ei imwenfel?

2. Met a asonga Jesus?

3. Met Jesus a féri usun ka kúna lón ei lios me met a ereni ekkewe mwán mi amémé dove?

4. Lupwen néún Jesus kewe chón káé ra kúna minne a féri, met a áchema ngeniir?

5. Menni leeni Jesus a pwerelong lón atun a sái ngeni Kalili?

Pwal eú kapas eis:

1. Álleani Johannes 2:13-25.

   Án Jesus song ren ekkewe chón siwil moni lón ewe imwenfel a áiti ngenikich met usun angangen amémé lón ewe Leenien Mwich? (Joh. 2:15, 16; 1 Kor. 10:24, 31-33)

Pwóróus 90

Ren ewe Fefin Únúkkún ewe Ito

1. Pwata Jesus a kaúló ren eú ito lón Samaria me met a ereni ewe fefin mi nóm ikewe ie?

2. Pwata ewe fefin a máirú? Met Jesus a ereni me met popun?

3. Tittipen ewe fefin pwe met sókkun konik Jesus a fós usun, nge met sókkun konik a wesewesen kapas usun?

4. Pwata ewe fefin a máirú ren án Jesus silei nónnómun manawan me pwata a silei pwóróusan?

5. Ikkefa ekkewe lesen sia tongeni káé seni pwóróusen ewe fefin únúkkún ewe ito?

Pwal ekkóch kapas eis:

1. Álleani Johannes 4:5-43.

   1. Ika sipwe áppirú Jesus, epwe ifa ekiekich usun chón ekis are iir kewe mi kkóló nónnómun manawer? (Joh. 4:9; 1 Kor. 9:22; 1 Tim. 2:3, 4; Tit. 2:11)

   2. Met sókkun feiéch emén mi wiliti néún Jesus chón káé epwe kúna? (Joh. 4:14; Ais. 58:11; 2 Kor. 4:16)

   3. Ifa usun sipwe pwáraatá kilisou usun chék ewe fin Samaria, ewe mi mwasangasang le áiti ngeni aramas minne a fen káé? (Joh. 4:7, 28; Mat. 6:33; Luk. 10:40-42)

Pwóróus 91

Jesus A Asukul Wóón eú Chuuk

1. Lón ei lios, ia Jesus a afalafal ie me ié keei mi mómmót únúkkún?

2. Ikkefa iten ekkewe engol me rúúemén aposel?

3. Menni ewe Mwú Jesus a afalafal usun?

4. Met Jesus a áiti ngeni ekkewe aramas ar repwe iótek usun?

5. Met sókkun féffér Jesus a áiti ngeni aramas ar repwe pwárfengeni lefiler?

Pwal ekkóch kapas eis:

1. Álleani Mateus 5:1-12.

   Ifa usun sipwe pwáraatá pwe sia meefi osupwangach lón pekin lúkú? (Mat. 5:3; Rom 10:13-15; 1 Tim. 4:13, 15, 16)

2. Álleani Mateus 5:21-26.

   Ifa usun Mateus 5:23, 24 a menlapei pwe ewe sókkun riri lefilach me pwiich kewe a kkúú ach riri ngeni Jiowa? (Mat. 6:14, 15; Kölf. 133:1; Kol. 3:13; 1 Joh. 4:20)

3. Álleani Mateus 6:1-8.

   Ifa usun Chón Kraist repwe túmúnúúr seni ekkóch sókkun napanapen án aramas sikásini pwe iir mi pwúng? (Luk. 18:11, 12; 1 Kor. 4:6, 7; 2 Kor. 9:7)

4. Álleani Mateus 6:25-34.

   Met Jesus a áiti ngenikich usun lamoten ach lúkúlúkú án Jiowa túmún lón pekin aion? (Eks. 16:4; Kölf. 37:25; Fil. 4:6)

5. Álleani Mateus 7:1-11.

   Met ewe kapas áwewe lón Mateus 7:5 a áiti ngenikich? (SalF. 26:12; Rom 2:1; 14:10; Jas. 4:11, 12)

Pwóróus 92

Jesus A Amanawatá Ekkewe mi Máló

1. Ié semen ei nengngin lón ei lios? Pwata seman kewe me inan ra lólilen me mwan?

2. Met Jairus a féri lupwen a kúna Jesus?

3. Met a fis ngeni Jesus lupwen ra feffetáleló ngeni imwen Jairus we, iwe ifa ewe pwóróus a pwal tori Jairus?

4. Pwata ekkewe aramas lón imwen Jairus we ra takiri Jesus?

5. Met Jesus a féri mwirin an panaalong semen me inen ewe nengngin lón ruumwan we me pwal úlúmén néún kewe aposel?

6. Ié kewe Jesus a pwal amanaweretá seni máló me met ena mettóch a pwáraatá?

Pwal ekkóch kapas eis:

1. Álleani Lukas 8:40-56.

   Ifa usun Jesus a pwáraatá úméúméch me tipemirit ngeni ewe fefin mi pwu seni chcha me ifa ewe lesen ekkewe Chón Kraist elter lón ei fansoun repwe tongeni káé seni? (Luk. 8:43, 44, 47, 48; Lif. 15:25-27; Mat. 9:12, 13; Kol. 3:12-14)

2. Álleani Lukas 7:11-17.

   Pwata chókkewe mi má seniir attonger ra tongeni kúna watteen aururun letiper ren minne Jesus a féri fán iten ewe fin Nain mi má seni pwúlúwan? (Luk. 7:13; 2 Kor. 1:3, 4; Ipru 4:15)

3. Álleani Johannes 11:17-44.

   Ifa usun Jesus a pwáraatá pwe ach letipechou ren málóón attongach kewe pwúkún ina napanapen aramas? (Joh. 11:33-36, 38; 2 Sam. 18:33; 19:1-4)

Pwóróus 93

Jesus A Amwéngééú Chómmóng Aramas

1. Ifa ewe mettóch mi fókkun ngaw a fen fis ngeni Johannes Papatais me met meefien Jesus?

2. Ifa usun Jesus a amwéngééú ewe pwiin aramas mi tapweló mwirin me ifa lélléén ewe lusun mwéngé?

3. Pwata ekkewe chón káé ra niwokkus lón ena pwinin me met a fis ngeni Petrus?

4. Ifa usun Jesus a amwéngééú fite ngeréú aramas lón ewe oruuen fansoun?

5. Pwata epwe fókkun múrinné atun Jesus epwe nemeni fénúfan lón wisan we wisen néún Kot King?

Pwal ekkóch kapas eis:

1. Álleani Mateus 14:1-32.

   1. Met Mateus 14:23-32 a áiti ngenikich usun napanapen Petrus?

   2. Ifa usun ekkewe pwóróus lón Paipel ra affata pwe Petrus a ásimawóló me a likitaló an mwittir féri mettóch nge ese lóóm ekieki? (Mat. 14:27-30; Joh. 18:10; 21:7; Föf. 2:14, 37-40; 1 Pet. 5:6, 10)

2. Álleani Mateus 15:29-38.

   Ifa usun Jesus a pwáraatá pwe a aúcheani minne Seman we a awora lón pekin aion? (Mat. 15:37; Joh. 6:12; Kol. 3:15)

3. Álleani Johannes 6:1-21.

   Ifa usun Chón Kraist lón ei fansoun ra tongeni áppirú ekiekin Jesus usun ekkewe mwúún fénúfan? (Joh. 6:15; Mat. 22:21; Rom 12:2; 13:1-4)

Pwóróus 94

Jesus A Tongei Ekkewe Kúkkún Semirit

1. Met ekkewe aposel ra ánini wóón atun ra liwin seni ar sáittam?

2. Pwata Jesus a kérato emén kúkkún me aútáái lein ekkewe aposel?

3. Ifa usun ekkewe aposel repwe káé ar repwe usun chék semirit?

4. Mwirin fitu maram, ifa usun Jesus a pwáraatá pwe a tongei ekkewe kúkkún?

Pwal ekkóch kapas eis:

1. Álleani Mateus 18:1-4.

   Pwata Jesus a áeá kapas áwewe le asukula aramas? (Mat. 13:34, 36; Mark. 4:33, 34)

2. Álleani Mateus 19:13-15.

   Ikkefa napanapen ekkewe semirit mi lamot sipwe áppirú pwe sipwe kúna feiéch fán nemenien Mwúún Kot? (Kölf. 25:9; 138:6; 1 Kor. 14:20)

3. Álleani Markus 9:33-37.

   Met Jesus a áiti ngeni néún kewe chón káé usun ar tipeni wis tekia? (Mark. 9:35; Mat. 20:25, 26; Kal. 6:3; Fil. 2:5-8)

4. Álleani Markus 10:13-16.

   Pwata a mecheres án aramas kkan ngeni Jesus, iwe met ekkewe elter Chón Kraist ra tongeni káé seni? (Mark. 6:30-34; Fil. 2:1-4; 1 Tim. 4:12)

Pwóróus 95

Napanapen án Jesus Asukul

1. Ifa án emén mwán kapas eis ngeni Jesus me met popun?

2. Fán ekkóch met Jesus a áeá pwe epwe asukula aramas me met sia fen káé usun chón Jus me chón Samaria?

3. Lón án Jesus pwóróus, met a fis ngeni emén chón Jus mi feffetál wóón ewe al ngeni Jeriko?

4. Met a fis lupwen emén samolfelin Jus me emén chón Lefi ra pwereló wóón ewe al?

5. Lón ei lios, ié a álisi ei re Jus mi feiengaw?

6. Mwirin án Jesus amuchaaló ewe pwóróus, ifa an we kapas eis me ifa usun ewe mwán a pélúweni?

Pwal ekkóch kapas eis:

1. Álleani Lukas 10:25-37.

   1. Ifa usun Jesus a álisi emén mwán mi silefichi ewe Allúk an epwe ekieki ewe pwóróus, nge ese chék mwittir pélúweni an we kapas eis? (Luk. 10:26; Mat. 16:13-16)

   2. Ifa usun Jesus a áeá kapas áwewe pwe epwe amóeló aapaapen chókkewe mi aúseling ngeni? (Luk. 10:36, 37; 18:9-14; Tit. 1:9)

Pwóróus 96

Jesus A Apéchékkúlatá Ekkewe mi Samau

1. Met Jesus a féri lupwen a kan sái lón ewe fénú?

2. Órun úlúngát ier mwirin án Jesus papatais, met a ereni néún kewe aposel?

3. Menni ekkeei aramas lón ei lios me met Jesus a féri ngeni ei fefin?

4. Pwata ekkeei néúwisin lamalam ra sáw ren án Jesus pélúweni ar kapasen esiit?

5. Lupwen Jesus me néún kewe aposel ra kkan ngeni Jeriko, met Jesus a féri fán iten rúúemén chón mwelele mi chun?

6. Pwata Jesus a féri manaman?

Pwal ekkóch kapas eis:

1. Álleani Mateus 15:30, 31.

   Ifa usun Jesus a pwáraaló án Jiowa manaman mi amwarar? Ifa usun ena mettóch a álisikich le weweiti minne Jiowa a fen pwonei fán iten ewe fénúfan sefé? (Kölf. 37:29; Ais. 33:24)

2. Álleani Lukas 13:10-17.

   Ifa usun án Jesus féri ekkóch manaman mi kkóló amwararer lón ránin Sapat a affata ewe sókkun álillis aramas repwe kúna lón an Nemenem Engeréú Ier? (Luk. 13:10-13; Kölf. 46:9; Mat. 12:8; Kol. 2:16, 17; Pwär. 21:1-4)

3. Álleani Mateus 20:29-34.

   Ifa usun ewe pwóróus a affata pwe inaamwo ika Jesus a osukosuk nge a tongeni ákkálisi aramas me ifa ewe lesen sipwe káé seni? (Tut. 15:7; Jas. 2:15, 16; 1 Joh. 3:17)

Pwóróus 97

Jesus lón ewe Wis King

1. Lupwen Jesus a tori eú kúkkún sóópw mi kkan ngeni Jerusalem, met a ereni néún kewe chón káé ar repwe féri?

2. Lón ei lios, met a fis lupwen Jesus a arap ngeni ewe telinimw Jerusalem?

3. Met ekkewe semirit ra féri lupwen ra kúna Jesus an a apéchékkúla aramas mi chun, pechemá me péúmá?

4. Met Jesus a ereni ekkewe souasor mi song?

5. Ifa usun sipwe tongeni áppirú ekkewe semirit mi mwareiti Jesus?

6. Met ekkewe chón káé ra mochen silei?

Pwal ekkóch kapas eis:

1. Álleani Mateus 21:1-17.

   1. Ifa usun án Jesus tolong lón Jerusalem lón ewe wis King a sókko seni án ekkewe meilapen soufiun Rom karis mwirin ar win lón maun? (Mat. 21:4, 5; Sek. 9:9; Fil. 2:5-8; Kol. 2:15)

   2. Met ekkewe kúkkún ra tongeni káé seni ekkewe átin Israel mi aloni alon Kölfel 118 lupwen Jesus a tolong lón ewe imwenfel? (Mat. 21:9, 15; Kölf. 118:25, 26; 2 Tim. 3:15; 2 Pet. 3:18)

2. Álleani Johannes 12:12-16.

   Án aramas áeá palen ewe irá palm le mwareiti Jesus a liosuetá met? (Joh. 12:13; Fil. 2:10; Pwär. 7:9, 10)

Pwóróus 98

Wóón ewe Chuukun Olif

1. Lón ei lios, ifa i Jesus me lein ekkeei mwán me ié keei chienan?

2. Met ekkewe souasor ra sótuni le féri ngeni Jesus lón ewe imwenfel me met Jesus a ereniir?

3. Ifa ewe kapas eis ekkewe aposel ra eisini Jesus?

4. Pwata Jesus a ereni néún kewe aposel ekkóch mettóch epwe fis wóón fénúfan atun epwe nemenem lón láng lón ewe wis King?

5. Met Jesus a erá epwe fis mwen an epwe amóeló féfféringaw meinisin wóón fénúfan?

Pwal ekkóch kapas eis:

1. Álleani Mateus 23:1-39.

   1. Inaamwo ika ewe Paipel a pwáraatá pwe eli ekkóch itelap epwe fichiiti ekkewe meilap, nge met alon Jesus lón Mateus 23:8-11 a pwáraatá usun néúnéún ekkewe itelap mi átekiatáái aramas lón ewe mwichefelin Chón Kraist? (Föf. 26:25; Rom 13:7; 1 Pet. 2:13, 14)

   2. Met ekkewe Farisi ra áeá le pinei aramas seni ar repwe wiliti Chón Kraist? Ifa usun ekkewe néúwisin lamalam ra pwal áeá ekkena mettóch lón ei fansoun? (Mat. 23:13; Luk. 11:52; Joh. 9:22; 12:42; 1 Tes. 2:16)

2. Álleani Mateus 24:1-14.

   1. Ifa usun Mateus 24:13 a menlapei lamoten ewe mettóch likiitú?

   2. Met weween ewe kapas “lesopolan” lón Mateus 24:13? (Mat. 16:27; Rom 14:10-12; 2 Kor. 5:10)

3. Álleani Markus 13:3-10.

   Ifa ewe kapas lón Markus 13:10 a affata atapwalen ewe angangen afalafala ewe pwóróus allim, iwe ifa usun alon Jesus epwe kkúúkich? (Rom 13:11, 12; 1 Kor. 7:29-31; 2 Tim. 4:2)

Pwóróus 99

Lón eú Ruumw Asan

1. Pwata Jesus me néún kewe engol me rúúemén aposel ra nóm lón eú ruumw watte asan, usun sia kúna lón ei lios?

2. Ié ei mwán a towu me met epwele féri?

3. Ifa ewe mwéngé mi sókkóló aúchean Jesus a poputááni wesin ewe mwéngéén Pasofer?

4. Met ewe Pasofer a áchema ngeni chón Israel me met ena mwéngé mi sókkóló aúchean a áchema ngeni néún Jesus kewe chón káé?

5. Mwirin ewe Fááfen Ach Samol, met Jesus a ereni néún kewe chón káé me met ra féri?

Pwal ekkóch kapas eis:

1. Álleani Mateus 26:14-30.

   1. Ifa usun Mateus 26:15 a affata pwe Jutas a pwúkún filatá an epwe afangemá Jesus?

   2. Ikkefa ekkewe ruu mettóch ra pwénútá ren ninilóón chchaan Jesus we? (Mat. 26:27, 28; Jer. 31:31-33; Ef. 1:7; Ipru 9:19, 20)

2. Álleani Lukas 22:1-39.

   Met weween án Satan tolong lón Jutas? (Luk. 22:3; Joh. 13:2; Föf. 1:24, 25)

3. Álleani Johannes 13:1-20.

   1. Me ren minne a mak lón Johannes 13:2, sipwe tongeni apasa pwe wesewesen tipisin Jutas minne a féri? Ifa ewe lesen néún Kot kewe chón angang repwe tongeni káé seni ena pwóróus? (Ken. 4:7; 2 Kor. 2:11; Kal. 6:1; Jas. 1:13, 14)

   2. Ifa ewe leenien áppirú mi lap Jesus a isetiw? (Joh. 13:14, 15; Mat. 23:11; 1 Pet. 2:21)

4. Álleani Johannes 17:1-26.

   Met weween án Jesus iótek pwe néún kewe chón káé repwe “eu chök”? (Joh. 17:11, 21-23; Rom 13:8; 14:19; Kol. 3:14)

Pwóróus 100

Jesus me lón Ketsemane

1. Ia Jesus me néún kewe aposel ra feiló ie mwirin ar ló seni ewe ruumw asan me met a ereniir pwe repwe féri?

2. Ra fet ekkewe aposel lupwen Jesus a liwinto rer me fán fite a fis ena mettóch?

3. Ié kewe ra tolong lón ewe atake, usun ka kúna lón ei lios?

4. Met Jutas Iskariot a féri, usun ka kúna lón ei lios me pwata?

5. Met Petrus a féri me met Jesus a ereni?

6. Pwata Jesus ese tingorei Kot pwe epwe tiinatiw ekkóch chónláng?

Pwal ekkóch kapas eis:

1. Álleani Mateus 26:36-56.

   1. Ifa usun napanapen án Jesus fénéú néún kewe chón káé a eú leenien áppirú mi múrinné fán iten Chón Kraist elter lón ei fansoun? (Mat. 20:25-28; 26:40, 41; Kal. 5:17; Ef. 4:29, 31, 32)

   2. Ifa ekiekin Jesus usun án aramas áeá pisekin efeiengaw le fiu ngeni aramas? (Mat. 26:52; Luk. 6:27, 28; Joh. 18:36)

2. Álleani Lukas 22:39-53.

   Lupwen emén chónláng a pwá ngeni Jesus lón Ketsemane pwe epwe apéchékkúla, a itá wewe ngeni pwe án Jesus lúkú a apwangapwangoló? Áweweei mwo. (Luk. 22:41-43; Ais. 49:8; Mat. 4:10, 11; Ipru 5:7)

3. Álleani Johannes 18:1-12.

   Ifa usun Jesus a túmúnú néún kewe chón káé seni chón oputer me ifa ewe lesen sipwe tongeni káé seni féfférún na? (Joh. 10:11, 12; 18:1, 6-9; Ipru 13:6; Jas. 2:25)

Pwóróus 101

Jesus A Ninniiló

1. Ákkáeúin tipisin ié án Jesus máló?

2. Met ekkewe aposel ra féri lupwen ekkewe néúwisin lamalam ra turufi Jesus?

3. Met a fis lón imwen ewe souasor mi lap itan Kaifas?

4. Pwata Petrus a ló seni ikewe ie me a kechiw?

5. Mwirin án ekkewe souasor mi lap eliwinaló Jesus ngeni Pilatus, met ra púchérútá me apasa?

6. Met a fis ngeni Jesus leolowasen Enimu me ifa an we pwon ngeni emén chón féfféringaw mi pwal eitiwetiw únúkkún?

7. Epwe nóm ia ewe Paratis Jesus a kapas usun?

Pwal ekkóch kapas eis:

1. Álleani Mateus 26:57-75.

   Ifa usun ekkewe soukapwúng lón án chón Jus kapwúng tekia ra pwáraatá pwe letiper a wesewesen ngaw? (Mat. 26:59, 67, 68)

2. Álleani Mateus 27:1-50.

   Pwata sipwe tongeni apasa pwe Jutas ese wesewesen niamam? (Mat. 27:3, 4; Mark. 3:29; 14:21; 2 Kor. 7:10, 11)

3. Álleani Lukas 22:54-71.

   Met sia káé seni án Petrus amamesini Jesus lón ewe pwinin Jesus a ares me emén a afangemá? (Luk. 22:60-62; Mat. 26:31-35; 1 Kor. 10:12)

4. Álleani Lukas 23:1-49.

   Met Jesus a féri lupwen a kúna pwúngúngaw me met sia káé seni? (Luk. 23:33, 34; Rom 12:17-19; 1 Pet. 2:23)

5. Álleani Johannes 18:12-40.

   Inaamwo ika Petrus a rukoló pokiten an niweiti aramas lón eú fansoun, nge met a pwáló ren an wiliti emén aposel mi fókkun múrinné? (Joh. 18:25-27; 1 Kor. 4:2; 1 Pet. 3:14, 15; 5:8, 9)

6. Álleani Johannes 19:1-30.

   1. Ifa usun Jesus a itepék me rúúepek lón an ekiek usun mettóchun aion? (Joh. 2:1, 2, 9, 10; 19:23, 24; Mat. 6:31, 32; 8:20)

   2. Lupwen epwele muchúló manawen Jesus, ifa usun alon a pwáraatá pwe a fen átekiatáái pwúngún án Jiowa nemenem? (Joh. 16:33; 19:30; 2 Pet. 3:14; 1 Joh. 5:4)

Pwóróus 102

Jesus A Manaw

1. Menni ei fefin lón ei lios? Menni ekkeei rúúemén mwán me ia ei ra nóm ie?

2. Pwata Pilatus a ereni ekkewe souasor pwe repwe tiinaaló soufiu fán iten ar repwe mammasa peiasen Jesus we?

3. Met emén chónláng a féri lesossorun ewe aúlúngátin rán mwirin án Jesus máló, nge met ekkewe souasor ra féri?

4. Pwata ekkóch fefin ra máirú lupwen ra ló ppii peiasen Jesus we?

5. Pwata Petrus me Johannes ra ssáiti peiasen Jesus we me met ra kúna?

6. Met a fis ngeni inisin Jesus we, nge met Jesus a féri pwe epwe ánneta ngeni néún kewe chón káé pwe a manawsefál?

Pwal ekkóch kapas eis:

1. Álleani Mateus 27:62-66 me 28:1-15.

   Lón ewe fansoun án Jesus manawsefál, ifa usun ekkewe Farisi, souasor mi lap me sou emmwen ra tipis ngeni án Kot we manaman? (Mat. 12:24, 31, 32; 28:11-15)

2. Álleani Lukas 24:1-12.

   Ifa usun pwóróusen án Jesus manawsefál a affata pwe me ren Jiowa, ekkewe fefin iir chón pwáraatá mi núkúchar? (Luk. 24:4, 9, 10; Mat. 28:1-7)

3. Álleani Johannes 20:1-12.

   Ifa usun Johannes 20:8, 9 a álisikich le kúna lamoten ach sipwe mosonottam ika sise unusen weweiti pwénútáán eú oesini lón Paipel? (SalF. 4:18; Mat. 17:22, 23; Luk. 24:5-8; Joh. 16:12)

Pwóróus 103

An Tolong lón eú Ruumw mi Lok

1. Met Maria a ereni emén mwán tittipan pwe i chón atake, nge pwata a esilla pwe i wesewesen Jesus?

2. Met a fis ngeni rúúemén chón káé mi feffetál ngeni ewe sóópw Emaus?

3. Ifa ewe mettóch mi ámáirú a fis lupwen rúúemén chón káé ra ereni ekkewe aposel pwe ra kúna Jesus?

4. Fán fite Jesus a pwá ngeni néún kewe chón káé?

5. Met Tomas a apasa lupwen a rong pwe ekkewe chón káé ra kúna ewe Samol, nge met a fis walu rán mwirin?

Pwal ekkóch kapas eis:

1. Álleani Johannes 20:11-29.

   Alon Jesus we lón Johannes 20:23 a itá wewe ngeni pwe a wor án aramas pwúng le omusaaló tipis? Áweweei mwo. (Kölf. 49:2, 7; Ais. 55:7; 1 Tim. 2:5, 6; 1 Joh. 2:1, 2)

2. Álleani Lukas 24:13-43.

   Ifa usun sipwe tongeni ammólnatá letipach pwe epwe tipemecheresin etiwa ekkewe pwóróus mi enlet seni Paipel? (Luk. 24:32, 33; Esr. 7:10; Föf. 16:14; Ipru 5:11-14)

Pwóróus 104

Jesus A Liwintá Láng

1. Fitemén chón káé ra kúna Jesus lón eú fansoun me met a kapas ngeniir usun?

2. Met weween Mwúún Kot me epwe fet manawen aramas wóón fénúfan lupwen Jesus epwe nemenem úkúkún engeréú ier?

3. Fitu rán Jesus a pwá ngeni néún kewe chón káé, iwe met epwele féri?

4. Mwen an epwele ló seni néún kewe chón káé, met a ereniir ar repwe féri?

5. Met a fiffis lón ei lios me ifa usun Jesus a monoló seni meser?

Pwal ekkóch kapas eis:

1. Álleani 1 Korint 15:3-8.

   Pwata aposel Paulus a tongeni kapas fán lúkúlúk usun án Jesus manawsefál me ikkefa ekkewe mettóch Chón Kraist lón ei fansoun repwe pwal tongeni kapas usun fán lúkúlúk? (1 Kor. 15:4, 7, 8; Ais. 2:2, 3; Mat. 24:14; 2 Tim. 3:1-5)

2. Álleani Föför 1:1-11.

   Ifa úkúkún chéúfetálin ewe angangen afalafal usun an a oesini lón Föför 1:8? (Föf. 6:7; 9:31; 11:19-21; Kol. 1:23)

Pwóróus 105

Ar Witiwit lón Jerusalem

1. Usun ka kúna lón ei lios, met a fis ngeni néún Jesus kewe chón káé mi witiwit lón Jerusalem?

2. Ifa ewe mettóch mi ámáirú ekkewe waséla lón Jerusalem ra kúna?

3. Met Petrus a áweweei ngeni ekkewe aramas?

4. Met meefien ekkewe aramas mwirin ar aúseling ngeni Petrus me met a ereniir pwe repwe féri?

5. Fitemén aramas ra papatais lón Pentikos, 33 C.E.?

Pwal ekkóch kapas eis:

1. Álleani Föför 2:1-47.

   1. Ifa usun alon Petrus lón Föför 2:23, 36 a affata pwe málóón Jesus, tipisin unusen ewe mwúún Jus? (1 Tes. 2:14, 15)

   2. Ifa usun Petrus a isetiw eú leenien áppirú mi múrinné ren an áweweéchú ekkewe wokisin lón Paipel? (Föf. 2:16, 17, 29, 31, 36, 39; Kol. 4:6)

   3. Ifa usun Petrus a áeá ewe áefóchun “kien ewe muun lang” Jesus a pwonei an epwe ngeni? (Föf. 2:14, 22-24, 37, 38; Mat. 16:19)

Pwóróus 106

Ar Ngaseló Seni Imwen Fétek

1. Met a fis ngeni Petrus me Johannes lón eú leolowasan lupwen ra tolong lón ewe imwenfel?

2. Ifa alon Petrus ngeni emén mwán mi pechemá me ifa ewe mettóch mi aúchea seni moni Petrus a liffang ngeni?

3. Pwata ekkewe néúwisin lamalam ra song me met ra féri ngeni Petrus me Johannes?

4. Ifa alon Petrus ngeni ekkewe néúwisin lamalam me met ekkena néúwis ra ereniir ar resap chúen féri?

5. Pwata ekkewe néúwisin lamalam ra lólówó, nge met a fis lupwen ekkewe aposel ra oruuen kalapus?

6. Met ekkewe aposel ra apasa lupwen ekkóch mwán ra átekiniirelong lón ewe imwen kapwúng?

Pwal ekkóch kapas eis:

1. Álleani Föför 3:1-10.

   Inaamwo ika sise tongeni féri manaman lón ei fansoun, nge ifa usun alon Petrus lón Föför 3:6 a álisikich le mirititi aúchean pwóróusen ewe Mwú? (Joh. 17:3; 2 Kor. 5:18-20; Fil. 3:8)

2. Álleani Föför 4:1-31.

   Ifa usun sipwe áppirú ekkewe popun Chón Kraist ika aramas ra ú ngenikich lón ewe angangen afalafal? (Föf. 4:29, 31; Ef. 6:18-20; 1 Tes. 2:2)

3. Álleani Föför 5:17-42.

   Me lóóm me pwal lón ei fansoun, ifa usun ekkóch aramas esap iir Chón Pwáraatá Jiowa ra pwáraatá tipemirit ren ewe angangen afalafal? (Föf. 5:34-39)

Pwóróus 107

Ra Monei Stefanus

1. Ié we Stefanus me met Kot a fen álisi le féri?

2. Ifa alon Stefanus we mi wesewesen asonga ekkewe sou emmwenin lamalam?

3. Lupwen ekkewe mwán ra átekinawu Stefanus lúkún ewe telinimw, met ra féri ngeni?

4. Lón ei lios, menni ei alúwél mi úkkúútá únúkkún ekkeei úf?

5. Met Stefanus a eáni iótek mwen an epwele máló?

6. Ifa usun sipwe áppirú met Stefanus a féri ika emén a féfféringaw ngenikich?

Pwal ekkóch kapas eis:

1. Álleani Föför 6:8-15.

   Ikkefa ekkewe mettóch mi otuputup ekkewe néúwisin lamalam ra féri pwe repwe sótuni le aúkatiw án Chón Pwáraatá Jiowa angangen afalafal? (Föf. 6:9, 11, 13)

2. Álleani Föför 7:1-60.

   1. Met a elipwákéchú Stefanus le pwáraatá aúchean ewe kapas allim ngeni ekkewe soukapwúng me met sia tongeni káé seni? (Föf. 7:51-53; Rom 15:4; 2 Tim. 3:14-17; 1 Pet. 3:15)

   2. Epwe ifa ekiekich usun ekkewe chón ú ngeni ach angang? (Föf. 7:58-60; Mat. 5:44; Luk. 23:33, 34)

Pwóróus 108

Wóón ewe Al Ngeni Tamaskus

1. Met Saul a féri mwirin ninniilóón Stefanus?

2. Atun án Saul sái ngeni Tamaskus, ifa ewe mettóch mi ámáirú a fis?

3. Met Jesus a ereni Saul an epwe féri?

4. Ifa án Jesus emmwen ngeni Ananias me ifa usun mesen Saul kewe ra nennelósefál?

5. Ifa ewe it Saul a silleló ren mwirin, me ifa wisan?

Pwal ekkóch kapas eis:

1. Álleani Föför 8:1-4.

   Ifa usun án aramas eriáfféwú ewe mineféén mwichefelin Chón Kraist a efisi chéúfetálin ewe lamalamen Chón Kraist me ifa usun ena mettóch a pwal fis lón ei fansoun? (Föf. 8:4; Ais. 54:17)

2. Álleani Föför 9:1-20.

   Ikkefa ekkewe úlúngát angang Jesus a pwáraaló pwe epwe ewisa ngeni Saul? (Föf. 9:15; 13:5; 26:1; 27:24; Rom 11:13)

3. Álleani Föför 22:6-16.

   Ifa usun sipwe tongeni áppirú Ananias me pwata a lamot ena mettóch? (Föf. 22:12; 1 Tim. 3:7; 1 Pet. 1:14-16; 2:12)

4. Álleani Föför 26:8-20.

   Ifa usun án Saul wiliti emén Chón Kraist a apéchékkúla letipen chókkewe pwúlúwer rese fitiir lón ar lúkú? (Föf. 26:11; 1 Tim. 1:14-16; 2 Tim. 4:2; 1 Pet. 3:1-3)

Pwóróus 109

Petrus A Chuuri Kornelius

1. Menni ei mwán a fótopwúkú lón ei lios?

2. Met emén chónláng a ereni Kornelius?

3. Met Kot a eppii ngeni Petrus lupwen a nóm wóón osun imwen Simon lón Joppa?

4. Pwata Petrus a ereni Kornelius an esap fótopwúkútiw me fel ngeni?

5. Pwata ra máirú ekkewe chón káé iir chón Jus mi fiti Petrus?

6. Ifa ewe lesen mi lamot sipwe káé seni án Petrus chuuri Kornelius?

Pwal ekkóch kapas eis:

1. Álleani Föför 10:1-48.

   Met alon Petrus lón Föför 10:42 a affata usun ewe angangen afalafala pwóróus allimen ewe Mwú? (Mat. 28:19; Mark. 13:10; Föf. 1:8)

2. Álleani Föför 11:1-18.

   A fet ekiekin Petrus lupwen a ffatoló án Jiowa emmwen usun ekkewe chón Jentail me ifa usun sipwe tongeni áppirú féfférún? (Föf. 11:17, 18; 2 Kor. 10:5; Ef. 5:17)

Pwóróus 110

Timoty, Néún Paulus Mineféén Chón Álillis

1. Menni ei alúwél lón ei lios? Ia a nónnóm ie me ifa iten inan we me inan we chinnap?

2. Met Timoty a ereni Paulus lupwen a eisini ika a mochen fitiir me Silas le ló afalafal lón ekkewe fénú towau?

3. Lón menni leeni néún Jesus kewe chón káé ra kerán poputá le iteni Chón Kraist?

4. Mwirin án Paulus, Silas me Timoty ló seni Listra, ikkefa ekkóch telinimw ra ló chuuri?

5. Ifa usun Timoty a álisi Paulus me ifa ewe kapas eis ekkewe sáráfé lón ei fansoun repwe pwisin eisiniir?

Pwal ekkóch kapas eis:

1. Álleani Föför 9:19-30.

   Ifa usun ewe aposel Paulus a pwáraatá tipemirit lupwen aramas ra ú ngeni ewe pwóróus allim? (Föf. 9:22-25, 29, 30; Mat. 10:16)

2. Álleani Föför 11:19-26.

   Ifa usun ewe pwóróus lón Föför 11:19-21, 26 a affata pwe án Jiowa manaman mi fel a ekkemmweni ewe angangen afalafal?

3. Álleani Föför 13:13-16, 42-52.

   Ifa usun Föför 13:51, 52 a affata pwe ekkewe chón káé rese mut ngeni án aramas ú ngeniir an epwe elichippúngúr? (Mat. 10:14; Föf. 18:6; 1 Pet. 4:14)

4. Álleani Föför 14:1-6, 19-28.

   Ifa usun ei itiitin kapas, “ra likitiir ngeni ach Samol,” a álisikich ach sisap aúrek lupwen sia álisi ekkewe mineféén chón káé me ekkewe ra kerán chóni ewe mwichefel? (Föf. 14:21-23; 20:32; Joh. 6:44)

5. Álleani Föför 16:1-5.

   Ifa usun án Timoty tipemecheres le sirkumsais a menlapei lamoten ach sipwe féri “mettoch meinisin . . . fänäsengesin ewe Pworausen Manaw”? (Föf. 16:3; 1 Kor. 9:23; 1 Tes. 2:8)

6. Álleani Föför 18:1-11, 18-22.

   Met Föför 18:9, 10 a apasa usun án Jesus ekkemmweni ewe angangen afalafal me ifa usun ena mettóch a alúkúlúkúkich lón ei fansoun? (Mat. 28:20)

Pwóróus 111

Emén Alúwél mi Annut

1. Lón ei lios, menni ei alúwél mi itiló wóón ei pwúl me met a fis ngeni?

2. Met Paulus a féri atun a kúna pwe ewe alúwél a máló?

3. Paulus, Timoty me chiener kewe chón sái ra sáiló ia me met a fis lupwen ra tori Miletus?

4. Met ewe soufós Akapus a éúréúra ngeni Paulus me ifa usun ena mettóch a pwénútá?

Pwal ekkóch kapas eis:

1. Álleani Föför 20:7-38.

   1. Ifa usun sipwe “limelimoch seni chaan aramas meinisin” me ren alon Paulus lón Föför 20:26, 27 (Testament Mi Fö Pwal Kol Fel)? (Is. 33:8; Föf. 18:6, 7)

   2. Pwata ekkewe elter repwe “kamwöchünük won ewe Kapasen Kot” lupwen repwe asukula aramas? (Föf. 20:17, 29, 30; Tit. 1:7-9; 2 Tim. 1:13)

2. Álleani Föför 26:24-32.

   Ifa usun án Paulus pwáppwáratá pwe i chón wiliposun Rom a álisi le apwénúetá wisan me ren Jesus pwe epwe afalafal? (Föf. 9:15; 16:37, 38; 25:11, 12; 26:32; Luk. 21:12, 13)

Pwóróus 112

Ar Faletá Wóón eú Té

1. Met a fis ngeni ewe waa Paulus a fiti lupwen a kkan ngeni ewe fénú Kreta?

2. Met Paulus a ereni chón ewe waa?

3. Ifa usun ewe waa a tatakkis?

4. Met ewe meilapen soufiu a apasa me fitemén aramas ra tori leppi nge rese feiengaw?

5. Ifa iten ewe té ra tori me met a fis ngeni Paulus lupwen a rániéchúló?

Pwal ekkóch kapas eis:

1. Álleani Föför 27:1-44.

   Ifa usun pwóróusen án Paulus sái ngeni Rom a apéchékkúla ach lúkúlúk pwe mi enlet masouen Paipel? (Föf. 27:16-19, 27-32; Luk. 1:3; 2 Tim. 3:16, 17)

2. Álleani Föför 28:1-14.

   Inaamwo ika chón Malta iir chón fel ngeni kot chofona nge ra “fokun kirikiröch” ngeni Paulus me chienan kewe chón pasóló, iwe itá met Chón Kraist repwe pwáraatá me ákkáeúin lón menni napanap? (Föf. 28:1, 2; Ipru 13:1, 2; 1 Pet. 4:9)

Pwóróus 113

Paulus lón Rom

1. Paulus a afalafal ngeni ié lupwen a kalapus lón Rom?

2. Lón ei lios, menni ei mwán mi etto chuuri Paulus a mwot ren ei cheepel, nge met a féri fán iten Paulus?

3. Ié ewe Epafrotitus me met a uwei lupwen a liwiniti Filipi?

4. Pwata Paulus a makkeei eché taropwe ngeni chienan we mi áchengicheng Filimon?

5. Met Paulus a féri lupwen a ngaseló seni fétek me met a fis ngeni mwirin?

6. Ié we Jiowa a néúnéú an epwe wisen makkeei ekkewe sáingoon puken Paipel me pwóróusen met a mak lón ewe puken Pwärätä?

Pwal ekkóch kapas eis:

1. Álleani Föför 28:16-31 me Filipi 1:13.

   Ifa usun Paulus a áeá an fansoun lupwen a kalapus lón Rom me ifa usun núkúcharen an lúkú a apéchékkúla ewe mwichefelin Chón Kraist? (Föf. 28:23, 30; Fil. 1:14)

2. Álleani Filipi 2:19-30.

   Ifa usun Paulus a pwáraaló pwe a aúcheani Timoty me Epafrotitus me ifa usun sipwe áppirú féfférún Paulus? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)

3. Álleani Filimon 1-25.

   1. Án Paulus pesepes ngeni Filimon an epwe féri minne mi pwúng a alónga wóón met me ifa usun ena mettóch epwe álisi ekkewe elter lón ei fansoun? (Filim. 9; 2 Kor. 8:8; Kal. 5:13)

   2. Ifa usun alon Paulus lón Filimon 13, 14 a affata pwe a súféliti mwelien letipen chón ewe mwichefel? (1 Kor. 8:7, 13; 10:31-33)

4. Álleani 2 Timoty 4:7-9.

   Ifa usun sipwe áppirú ewe aposel Paulus le lúkúlúk pwe Jiowa epwe awora liwinich ika sia akkamwéchú ach tuppwél tori sópwólóón? (Mat. 24:13; Ipru 6:10)

Pwóróus 114

Sópwólóón Mettóch Meinisin mi Ngaw

1. Pwata ewe Paipel a kapas usun oris lón láng?

2. Ifa iten án Kot we maun ngeni aramas mi ngaw wóón fénúfan me met popun epwe fis ena maun?

3. Lón ei lios, ié ewe epwe wisen sou emmwen lón ewe maun? Met popun a mwárámwár mwárin King me met weween néún we ketilas?

4. Ika sipwe nengenisefáli Pwóróus 10, 15 me 33, pwata sisap máirú pwe Kot epwe arosaló aramas mi ngaw?

5. Ifa usun Pwóróus 36 me 76 ra affata pwe Kot epwe arosaló aramas mi ngaw inaamwo ika ra kan apasa pwe ra fel ngeni i?

Pwal ekkóch kapas eis:

1. Álleani Pwärätä 19:11-16.

   1. Ifa usun Paipel a affata pwe Jesus Kraist, i chón wawa ewe oris mi pwech? (Pwär. 1:5; 3:14; 19:11; Ais. 11:4)

   2. Ifa usun ewe chcha mi parasetá wóón úfen Jesus we a ánneta pwe epwe unusen win lón ewe maun? (Pwär. 14:18-20; 19:13)

   3. Eli ié kewe repwe kapachelong lein ekkewe soufiu mi tapweló mwirin Jesus wóón waan we oris mi pwech? (Pwär. 2:26, 27; 12:7; 19:14; Mat. 25:31, 32)

Pwóróus 115

Eú Paratis mi Fé Wóón Fénúfan

1. Met Paipel a apasa usun ekkewe mettóch sipwele pwapwaiti lón ewe Paratis wóón fénúfan?

2. Ifa án Paipel pwon ngeni chókkewe repwe manaw lón Paratis?

3. Ineet Jesus epwe apwénúetá ei siwil mi amwarar?

4. Lupwen Jesus a nóm wóón fénúfan, ifa usun a affata minne epwe féri atun epwe wiliti Kingen án Kot we Mwú?

5. Met Jesus me chienan kewe sou nemenem lón láng repwe wesewesen féri lupwen repwe nemeni fénúfan?

Pwal ekkóch kapas eis:

1. Álleani Pwärätä 5:9, 10.

   Pwata sipwe wesewesen áchiféúa pwe chókkewe repwe king me souasor atun ewe Engeréú Ier repwe nemeni fénúfan fán tong me úméúméch? (Ef. 4:20-24; 1 Pet. 1:7; 3:8; 5:6-10)

2. Álleani Pwärätä 14:1-3.

   Met weween an a mak iten ewe Sam me ewe Lam wóón chamwen ekkewe 144,000? (1 Kor. 3:23; 2 Tim. 2:19; Pwär. 3:12)

Pwóróus 116

Alen Ach Sipwe Tongeni Kúna Manaw Esemuch

1. Met a lamot ach sipwe silei pwe sipwe kúna manaw tori feilfeiló chék?

2. Ifa usun sipwe tongeni káé usun Jiowa Kot me Jesus usun chék ei nengngin me chienan keei lón ei lios?

3. Lón ei lios, menni pwal ei eú puk ka kúna me pwata sipwe ákkálleani fán chómmóng?

4. Me lúkún ach káé usun Jiowa me Jesus, met sipwe pwal féri pwe sipwe kúna manaw esemuch?

5. Ifa ewe lesen sia káé seni Pwóróus 69?

6. Ifa ewe leenien áppirú mi múrinné ewe kúkkún át Samuel a isetiw lón Pwóróus 55?

7. Ifa usun sipwe tongeni áppirú Jesus Kraist, nge ika sipwe féri ena, met sipwe tufichin féri lón mwachkkan?

Pwal ekkóch kapas eis:

1. Álleani Johannes 17:3.

   Ifa usun ewe Paipel a affata ngenikich pwe ach sissilei Jiowa Kot me Jesus Kraist ese chék wewe ngeni ach amwéchúnnúkú pwóróuseer? (Mat. 7:21; Jas. 2:18-20; 1 Joh. 2:17)

2. Álleani Kölfel 145:1-21.

   1. Ikkefa ekkóch popun sipwe mwareiti Jiowa? (Kölf. 145:8-11; Pwär. 4:11)

   2. Ifa usun Jiowa “a kirikiröch ngeni aramas meinisin” me ifa usun ei mettóch epwe apéchékkúla ach riri ngeni I? (Kölf. 145:9; Mat. 5:43-45)

   3. Ika sia tongei Jiowa seni letipach, epwe amwékútúkich le féri met? (Kölf. 119:171, 172, 175; 145:11, 12, 21)