Fän Iten Ekkewe Kükkün Me Säräfö

Ifa Usun Kopwe Künökün Chiechi mi Tuppwöl

Kapasen Emmwen: Kopwe föri ei lesen lon eü leeni mi kinamwe. Atun ka älleani ekkeei wokisin, anchangei pwe itä ka nom lon ena atun. Kachitoni minne a fiffis, rongorong leüwen ekkewe aramas, me meefi meefier. Atun ka älleani, ekieki pwe usun itä nge a wesewesen fis ewe pworaus.

Sipwe Pworaus usun: Jonatan, Tafit, me Saul

Menlapen Pworaus: Mwirin än Tafit nielo Koliat, Jonatan me Tafit ra pwipwiöch.

1 ETITTINA MINNE A FIS.​—ÄLLEANI 1 SAMUEL 17:57–18:11; 19:1; 20:1-17, 41, 42.

Äweweei met ka pwisin anchangei usun napanapen inisin Saul. (Minen älillis: Nengeni 1 Samuel 10:20-23.)

․․․․․

Neman Tafit i chök emön säräfö atun a chuuri Jonatan. Met ekiekum usun napanapen inisin Tafit? (Minen älillis: Nengeni 1 Samuel 16:12, 13.)

․․․․․

Met meefien Tafit me Jonatan atun ra käimufesen me ren le sopwoloon 1 Samuel sopwun 20?

․․․․․

2 KÄEÖFICHI.

Ewe Paipel a erä pwe “Jonatan nöün Saul we a pwipwi ngeni Tafit seni lon letipan.” (1 Samuel 18:1) Ikkefa napanapen Tafit kewe ra luki letipen Jonatan le pwipwiöch ngeni? (Minen älillis: Nengeni 1 Samuel 17:45, 46.)

․․․․․

Jonatan a watte seni Tafit woon 30 ier. Om ekiek nge met popun ra pwipwiöch, inaamwo ika a watte sokkofesenin ieriir?

․․․․․

Ren met sia fen küna me lon ei pworaus mi amwarar, ikkefa napanapen ewe sokkun chiechi mi enlet? (Minen älillis: Nengeni Än Salomon Fos 17:17; 18:24.)

․․․․․

Pwata Jonatan a fen tuppwöl ngeni Tafit lap seni seman we?

․․․․․

3 APWÖNÜETÄ MINNE KA FEN KÄEÖ. MAKKETIW MET KA FEN KÄEÖ USUN . . .

Chiechi.

․․․․․

Tuppwöl.

․․․․․

Chiechi ngeni ekkewe mi watte ieriir sonuk.

․․․․․

Met kopwe föri pwe kopwe küna chiechi mi mürinno?

․․․․․

4 MET A FOKKUN LAMOT NGONUK LON EI PWORAUS, IWE PWATA?

․․․․․

IKA ESOR NOUM PAIPEL, TINGOREI CHON PWÄRATÄ JIOWA EÜ KAPI, ARE ÄLLEANI WOON INTERNET LON www.watchtower.org