Áeá Ekkeei Afalafal

Kingdom News Na. 38

“Ua fiti ei angang mi fis wóón unusen fénúfan le áiti ngeni aramas ei pwóróus mi aúchea. Iei noum kapi.”

Minen Áchechchem: Ren an epwe taweló ewe leenien afalafal, kopwe chék amwocha óm afalafal. Iwe nge, fán ekkóch epwe wor aramas mi enletin pwapwaiti le aúseling me mochen oupwe pwóróusfengen. Ika ina, ka tongeni eisini ika met meefian usun ewe kapas eis wóón itelapen ena taropwe, álleani ngeni pélúwan kewe seni Paipel mi mak lón ena taropwe me pwóróusfengen wóón eú ekkena pwóróus lón ika mi naf fansoun. Me mwen kopwe ló, áiti ngeni ewe kapas eis lesékúrún ena taropwe fán ewe itelap “Mettóch Kopwe Ekieki” me kopwe akkóta le liwin me oupwe pwóróusfengen wóón.

Ewe Leenien Mas October 1

“Aua chék chuuri aramas pwe aupwe peseer le ákkálleani ewe Paipel. Aua silei pwe ekkóch aramas ra pwapwaiti le álleani ewe Paipel, nge ekkóch rese. Nge en? [Mut ngeni an epwe pélúweni.] Paipel a wesewesen affata ei mettóch. [Álleani 1 Tesalonika 2:13.] Ai lúkú kopwe tipeeú ngeni pwe ika mi enlet pwe ewe Paipel ina eú puk me ren Kot, iwe a aúchea ach sipwe ákkálleani. Ei puk epwe áiti ngonuk ika Paipel met sókkun puk me ewe popun sipwe pwapwaiti le álleani.”