Kakosa Malabihedho Ofanyeelela a Marevista Awale

Moziweya wi marevista awale kanimukamihedha muttu agakala oburutxiwa munkweyiwani battiyiwa dhawene, iyo nigahifanyeela weha olaleyana. Revista nimodha podi odhiha efunelo mwibaribarini vina ninovaha guru ya oroma ottittimiha nzina na Yehova. (Rom 10:13, 14) Apa vahikala mitoma dhig’onovi dha marevista a wale.

• Ogalaleyaga mirudda dhihinlabiwetxa, txino weyo podi ottiya nimodha vatakulu vahili muttu.

• Ogalaleyaga mwenemo muli attu bagajeedha, ninga munweliwa karera obe kumboiyo, kaavuze attuyamo akala agahiziveliwa elobo ya wengesa, kaalagihe marevista ottiyana awale, vina kaattiye wi asakule.

• Ogeyelelaga mwego munfuliwa, munkweyiwa anakalaba, musipitale eg’ono, obe mimburo dholigana dhili mwari mwa murudda wa mulogo wawo, kattiya marevista mag’onovi apale vanjeedha aredda. Mudhidhi wotene jamakamaka omukumbirha muttu onimelela mburoya agakalavo. Akala weyo onoziwa wi ahikalavo marevista owakwana kuttiye meena.

• Ogavisasanyedhaga wi wiyelele, katanalela efunelo ya muttuya onfuna weyo omwiyelela. Iyene ohikaana anamudhi? Onoziveliwa okosa oleddo? Onoziveliwa osasanyedha mundda wa marhuwa? Kag’ana modheela marevista awale wi woone akala muhikala marevista agaziveliwe wengesa, vina kamulagihe labo ninfuniwe wiyela.

• Oganfanya muttu wefunelo vatakulu dila yanawili ogamala okosa masasanyedho onfanya iyene, kamulagihe marevista awale ayeleelile iyene.