YEDDELO YA AKRISTU

Namoyele Abale Awobilehu

Labo na 23 mweri wa Março, onojeedhiwa attu muttengo wa amiliau 12 obe okwaranya, anadhe woona Mattanga a Wubuwela Okwa wa Yezu. Awene anele osunza dhinji vaddiddi agamonaga namakosa diskursu alogaga ttima ya yobolo enivahile Yehova vina mareliho anakaane attu a mahimo otene musogorho! (Iza 11:6-9; 35:5, 6; 65:21-23; Jo 3:16) Iyo vina ninoziwa ttimaya ya labo ntti, kahiye namakosavi diskursu onavahe yotagiha yapama. Yamakamakaya jawila notene iyo, niriganele wamoyela abale awobilehu. (Rom 15:7) Ndoweni nooneni malago aba mang’onovi.

• Ottiya odhowavi vamburoni vawo ojeedhaga oroma wa matugumanoya, kazuzumela walejela n’emwerumweru nekalelo y’omarho anamobiwa na abale attiyile otugumana

• Ogamuzuzumelaga oddule omuwobilewi, kakalele vina txenjewa abale anfiya, awobiwe mudhidhi wapakiwa niwobo. Ogilati na muleddoya wi omukamihedhe woona malebo a mBibiliani vamodha na nivuru na jibo

• Omamalelo wa diskursu, kakala womala na wale wi wakule mavuzo. Akala kawuli mudhidhi sabwa yawi nihikalawo nikuru nina ninavolowe omamalelo wa matugumano enyu, kalagana na muttuya wi onfiyedhe ahinavira malabo menjeene. Akala iyene kana muttitto, kaloga dhahi: “Ddigahiziveliwa oziwa yopurelamo yawo vamatugumanoni aba. Ninagumane dhavi?”