Kamelela Malamulo a Yehova

Yehova Mulugu ohivaha malamulo a waweddihana attu. Walene, iyene wahiloga yawi matelo ankosiwa mulobwana na muyina. (Mt 19:4-6, 9) Iyene onokoodda ogonihana wotene wabure. (1 Kor 6:9, 10) Ohivaha malamulo awi abale animulabela akale okoddelene vina mwabalelo wawa ottiyanege na attu a mwilaboni.—Olib 22:5; 1 Tim 2:9, 10.

Masaka a ovanene attu enjeene anokoodda weddihiwa na Yehova. (Rom 1:18-32) Awene anonyengetteya na dhubuwelo dhozaforo dhiniwanana na wabala, etxibante, vamodha na yeddeloya. Enjiya anottabwiha-wene dhowabala dhawa, nanda yabureya enkosani jawi agawoona attu ankala na ekalelo yottiyana na yawa awene anowasisigula.—1 Ped 4:3, 4.

Yofuna yehu ja wamelela malamulo a Mulugu, vowi nili Anamoona a Yehova. (Rom 12:9) Nameleleni dhavi? Mweddelo wehu waziwihege attu  esile dhinrumeelihu. Vina kanidduwaleni orava emuttu yottittimiheya mwigumini mwehu. Nigasakulaga dhowabala vina dh’etxibante yehu, nivikosege mavuzo aba: Dhosakula dhaga dhinowiwanana na malamulo a Yehova obe ddinttukula yeddelo ya elabo? Dhowabala dhaga na dh’etxibantidha dhinodditonya ninga muttu ontanala mweddelo w’Ekristu? Obe akala ninosakula porograma dha wona, nivivuzeni dhahi: Yehova agahiziveliwa na yovegana eji? Ejiya enddittukulela okaana mweddelo gani? Dhovegana dhaga dhinokosiha omuttu waga osumuleliwa? (Masal 101:3) Esidha kadhinanyagula amudhaga obe attu ena anddonana?’—1 Kor 10:31-33.

Ekalele nni yofuneya vaddiddi iyo wamelelaga malamulo a Yehova? Nabuya Yezu Kristu onela wattukulela wutolowani attu a malogo na abaleya otene ali addiyamaru. (Ezek 9:4-7) Wotene ole onkosa efunelo ya Mulugu onela oviluwa. (1 Jo 2:15-17) Ndoweni nivaddeleni malamulo a Yehova; ninela opemberhani, dhahene abale otene annona anela omuttittimiha Mulugu sabwa ya dhawira dhehu.—1 Ped 2:11, 12.

KOONA VIDIYU TORNE-SE AMIGO DE JEOVÁ—UM HOMEM E UMA MULHER OGAMALA OVIKOSE MAVUZO ABA:

• Ekalele nni yaderetu weddihiwa na magano a Yehova?

• Enfuneyela nni wi amambali asunzihege anawa magano a Yehova oromana muhimani-mwene mpaka wunuwa?

• Azombwe vamodha na abale onuwile vang’onovi anawodhe dhavi wakamihedha attu wonaga ofwewa murima wa Mulugu?