Onowubuwela?

Ohengesa mitoma dha Mwang’aneli wa yaka ejino? Akala pumwenemo, katagiha wakula mavuzo aba:

Txini entapulela otxinja mubuwelo wehu? (Rom. 12:2)

Akala nihiwodha okosa merelo apama ejo kintapulela wi nitxinja mubuwelo wehu. Ninofwanyela wang’anela omuttu wehu vina okosa matxinjo anfuneya mwigumini mwehu anlagiha wi ninoweeddiha egumi yehu mowiwanana na magano a Yehova.—w23.01, nikuku 8-9.

Ninawodhe dhavi ovipimelela nigonaga dhimpadduwa mwilaboni masaka abano?

Nikana efunelo ya wona dhimpadduwa masaka abano dhinakwanihedha mavuhulo a mBibiliani. Mbwenyi ottiya ologaga dhihinihuna ebaribari, dhologa dhehu dhigewananaga na dhinvuwiha nikuru na Yehova, ninele okamihedha mulogo okala wowiwanana. (1 Kor. 1:10)—w23.02, nikuku 16.

Obatiziwa wa Yezu onttiyana dhavi na obatiziwa wa anamafwara aye?

Mottiyana na iyo, kiyali yofuneya Yezu oviperheka wa Yehova sabwani wabaliwe mu nlogoni naviperhekeli Mulugu. Kayali yofuneya otxinuwa dhottega vowi iyene wali muttu woligana.—w23.03, nikuku 5.

Onakamihedhe dhavi ena ovaha dhowakula mmatugumanoni?

Nivahege dhowakula dhohigonela, nigakosa dhawene ena anele okana gari ya ovaha dhowakula. Vina kuloge makani otene ali vaddimani. Vowi ogaloga makani otene ena kanakane yowakula.—w23.04, nikuku 23.

Dila Yokoddela enlogiwa va Izaiya 35:​8, txini?

Dila eji ya nladdaniho entonya oleddo ogakosile Ayuda, obudduwa o Babilónia mpaka o Jeruzalemi. Entapulelani mwa iyo? Vyaka dhinjene ehinatti ofiya yaka ya 1919, yahisasanyiwa dila—kuloga, otapuleliwa, opidiwa wa Bibilia, na dhina. Nlogo na Mulugu ninoweddavi Mudila Yokoddela nidhowaga mparaizu womuyani onanittukulele wakela mareliho a Omwene.—w23.05, nikuku 15-19.

Kapitulu 9 ya Gano ennivaha magano gani a ayana eli?

Kapitulu eji enomuloga muyana wotowa malago onkosa niwobo ninimuttukulela muttu omasiye vina enomuloga muyana wa eziwelo onkosa niwobo ninimuttukulela muttu okana eziwelo vina egumi. (Gano 9:​1, 6, 13, 18)—w23.06, nikuku 22-24.

Yehova omweddihile dhavi Loti na ovyeviha vina ofewa murima?

Yehova wahimwaddela Loti wi attawele omwangoni. Mbwenyi Loti wahiloba wi attawele o Sowar, Mulugu wahirumela yoloba yaye.—w23.07, nikuku 21.

Txini enfwanyela okosa muteliwi akala mamune onowawona attu bali yowi?

Muteliwiya kavipwattelihe Muladdu. Azuzumele mandano aye na Yehova vina atanalele dhotagiha dha ayana anlogiwa mBibiliani ewile opa vaddiddi mbwenyi afwanyile nipangarhazo. Iyene onowodha omukamihedha mamune otxatxama dhoweha dhigadhile omuttukulela okosa yovonya yakene.—w23.08, nikuku 14-17.

Nigapampihiwa sabwa ya esile dhinrumelihu, ononelamo makaniya onanikamihedhe dhavi olagiha okurumuwa?

Ottiya wona nivuzona ninga makani a ovurhana, egahikala yapama wona ninga gari wi niziwe enubuweliye. Dhawene ninele owodha omwakula na okurumuwa.—w23.09, nikuku 17.

Txini ensunzihu na Maria sabwa ya otamela nikamihedho?

Muziweliye wi agahikala mayi wa Mesiya, Maria wahitamela nikamihedho na attu ena. Anju Gabrieli vina Elizabeti ahimpangarhaza Maria na Malebo olibiha. Iyo vina ninele wakela guru na nikamihedho na abalihu.—w23.10, nikuku 15.

Koddi Yehova onakula dhavi malobelo ehu?

Iyene ohiddubela ovuruwana vina wakula malobelo ehu mowiwanana na efunelo yaye. (Jer. 29:12) Yehova onowakula na mikalelo dhottiyana-ttiyana malobelo akosiwe nekalelo yakakene, masiki na ottiyana oku iyene ononikamihedha.—w23.11, nikuku 21-22.

Va Roma 5:2 vanologiwa njedhelo, sabwaya jani versu 4 egaloga wili sabwa ya njedhelo?

Muttu agewa miselu dhapama, onokana njedhelo na okala mparaizu velaboni ya vati. Mbwenyi agumanana makattamiho, onowodha ovilela vina onowona wi onorumeliwa na Yehova, sabwa ya oziwa ejuwene njedhelo naye ninoliba vina ninopatta egumi yaye yotene.—w23.12, nikuku 12-13.