Ovisasanyedhe Ohinatti Osunza

Nigamusunzaga Bibilia, efunelo yehu jawi esile dhinsunzihu mwaha wa Yehova dhiddiginye murima wehu, dhubuwelo dhehu, dhokosa dhehu na dhifunelo dhehu. Enowodheya iyo osunza na Ezdra osasanyedhile murima waye wi asunze Malamulo a Yehova. (Ezd. 7:10) Ninawodhe dhavi omutagiha Ezdra?

Olobele. Ohinatti oroma osunza, kamulobelele Yehova. Kamukumbirhe wi awukamihedhe ononelamo vina ovirihamo dhinsunziwe. —Ms. 119:​18, 34.

Wunuwihe ovyeviha. Mulugu kanaziwiha ebaribari otene anivittukulela vina anubuwela wi kanfuna nikamihedho naye wi amunonelemo Bibilia. (Lk. 10:21) Orabele osunza na efunelo ya wawoniha attu wi onoziwetxa vaddiddi. Ogasunzaga, buzinddiyela wi onofwanyela otxinja elobo mwigumini mwawo, kakala wovyeviha vina okose matxinjo anfuneya.

Otagihe ovuruwana jibo Dhomwene. Jibo ehikana ewodhelo ya opatta dhubuwelo dhehu na dhokosa dhehu. Nona ovuruwana jibo modha y’Omwene ohinaroma osunza, enele okosiha wi esile dhinsunziwe dhiddiginye murima wawo.