1. Mulugu Ddunnitotela Goi?

Ekalele Nni Yofuneya Oziwa Yowakula ya Nivuzo Ntti

Attu enjene anomukodda Mulugu sabwani anubuwela wi ddi iyene ontota goi.

Karoma Wubuwela

Anddimuwa enjene a marelijiau, anosunziha wi Mulugu ddunnitotela goi. Ninga motagiha, ena anloga wi:

• Dhizini dha elabo dhimpadduwela wi Mulugu atxinutxena attu.

• Ayima ankwela sabwa yawi Mulugu onowafuna anju ena wirimu.

• Mulugu onokamihedha makuru anraba koddo—enatotela goi malogo.

Koddi enowodheya anddimuwa a marelijiau ommagedha Mulugu? Ninofwanyela-wene orumela masunziho awa awi Mulugu ddunnitabutxa?

Txini Dhinloga Bibilia

Mulugu ddunnitotela goi?

Kowiliwa yali dhawene, dhologa dha Bibilia mowiwanana na ejile eli Mulugu dhigahivarana. Ninga motagiha:

“. . . mabasa aye [Mulugu] bawakwana, dhothonga dhaye somyala.”—OLIBIHA 32:4.

“Nyuwo athu a malago muddiwe! Nyuwo muziwa pama wi Mulugu kanira-wene dhohifwanyelela, Namawodha-wodha kanira dhokoromana.” —JOB 34:10.

“Pumwenemo, Mulugu kankosa yabure, Namawodha-wodha kankodda dhomyala.” —JOB 34:12.

Mulugu onokodda marelijiau antakaliha ekalelo yaye.

Iyene onowaweka ekotti abale ansunziha wi Mulugu ddunnitotela goi, na abaleya ani nili alabeli a Mulugu oku bali anyakoddo vina apanga.

“Esodhá dhinloga anamavuhulela na nzina naga [Mulugu], sothambi. Kaddàrumile, kaddavahile mpaganyo-wene, kaddàlogilena. Dhinlaleyani, sorohedhavi; dhinlogani, sayovi, kadhimpadduwa; eso, dhilobo dhiniteya mmusoloni mwawa.”—JEREMIYA 14:14.

Yezu ohakona anddimuwa a marelijiau opela malago.

“Onvolowa mumweneni wa wirimu kaiye ole onddiromola: ‘Nabuya, Nabuya, bahi; onvolowamo ddule onvirihamo ofuna wa Babaga oli wirimu. Siku-ntho enjene anere oddilogana, eraga: ‘Nabuya, Nabuya, iyo kanilaleyile muthaka na nzina nenyu? Kanikopolile muya dhabure na nzina nenyu? Kanirile dhotikiniha dhinjene na nzina nenyu?’ Venevo miyo ddinere ogwadda dhahi: ‘Kadduziwileni-wene. Muddivenyelevo nyuwo mwirile dhovuta.’” —MATEU 7:21-23.