5. Goi Enele Ogoma?

Ekalele Nni Yofuneya Oziwa Yowakula ya Nivuzo Ntti

Akala iyo ninojedha wi goi enela ogoma, njedhelo ntti nigahikosiha egumi yehu okala mbwenye-mbwenye vina nigannimuriha Mulugu.

Karoma Wubuwela

Kowiliwa attu ela okana ewodhelo ya ogomihana goi, agahigomiha; mbwenye kana guru ya ogomihana goi dhimpadduwa. Karoma wona dhologa esi:

Masiki na winjiva wa mirobwe . . .

• Eredda ya murima enodhowavi yapaga attu.

• Eredda ya cancer enowapa attu vyaka dhotedhene.

• Dr. David Bloom ohileba mu jornal Fronteiras em Imunologia, muselu wawi: “Elabo enodhowa epuranyiwaga mwari mwa vyaka dhinjene na maredda oraveya.”

Masiki dhilabo dhina dhikanaga mafumo menjene . . .

• Vyaka dhotedhene, amiliau a ayima anokwa esi dhimpadduwetxa mmuruddani muyelegiwetxe.

• Amiliau a attu anotabuwa sabwa ya ohikana mburo wofwanyelela okala.

• Attu matxikwi na matxikwi kanwodha okana manje ofwanyelela.

Masiki akalagawo malamulo anawamelela attu . . .

• Wiyiwa wa attu onowinjivavi mwari mwa dhilabo dhinjene vina avutiya ankosa esi masaka mena nne kantameliwaga, sabwani ninga munlogela muselu wa Nações Unidas, “asupayiya kankana ezinddiyelo ya watamelana.”

  KASUNZAVI MISELU DHINA

  Kang’ana vidiyu ena mutoma, Omwene wa Mulugu Txini? eli mu jw.org

Txini Ensunziha Bibilia

Mulugu ononikoya.

Iyene onokubanya aganonaga nitabuwaga.

‘Pumwenemo, Mulugu kapwazile, katanyile segedho dha mutabuwi; kamvitele kove yaye; omvuruwana vamulobiliye okamyedhiwa.’ —MASALMO 22:24.

‘Thiyaní mmadani mwaye dhetene dhinukathamihani, vowi ddi iyene onukoyani.’—1 PEDRO 5:7.

Segedho dhinele ogoma.

Bibilia onopikirela wi, ofuna wa Mulugu onele wakwanihedheya.

‘Mulugu . . . onele okuputha mutori bu muntori wa mmentoni mwawa, kunakale vina okwa, kutho, obulela, segedho, vowi dha mwilaboni yawale dhivira.’—OVUHULELA 21:3, 4.

Mulugu onele ogomiha dhotedhene dhinatotela attu segedho.

Mabasa aba, iyene onakose nsaka ninarome olamulela Omwene waye velaboni ya vati.

‘Mulugu w’odhulu onele wita omwene ohinamale-wene, ohinawodheye na malogo mena . . . onele ogonela okala n’okala-wene.’ —DANIYEL 2:44.