Nsunzo 6
Omwene Wa Mulugu Txini?
Omwene wa Mulugu onkala uvi? (1) Mweneya bani? (2)
Aikalawo ena ankamiyedha othonga na Mwene? Mwa ejene, ali angasi? (3)
Txini enlagiha wi ninkala mmalabo omariya? (4)
Omwene wa Mulugu onakose nya, musongorho, wa oderetu wa athu a mwilaboni? (5-7)
1. Yezu agali elabo ya vati, iyene owasunziya anamasunza aye olobelela Omwene wa Mulugu. Omwene nlamulelo mutxiddo mwa othonga wa mwene. Omwene wa Mulugu nlamulelo na thima. Nikiwe odhulu vina ninele othonga elabo eji ya vati. Ninela othithimiya nzina na Mulugu. Ninela okosa wi ofuna wa Mulugu okoseye elabo ya vati ninga munkoseyelani odhulu.—Mateus 6:9, 10.
2. Mulugu olibela wila Yezu ddigakalile Mwene wa Omwene Waye. (Lukas 1:30-33) Yezu agali elabo ya vati, olagiha wi onelokala Namathonga a nthebwa, oligana na emuthu. Mwiyeleliye odhulu, kagilatihiwe ninga Mwene wa Omwene wa Mulugu vomaguvavene. (Aebreo 10:12, 13) Mu yaka ya 1914, Yehova ohinvaya Yezu onddimuwa wamulibeliye onvaya. Oromana venevale, Yezu onothonga odhulu ninga Mwene wothomiwa na Yehova.—Danieli 7:13, 14.
3. Yehova owasakula vina alobwana ena na ayana a vati apano ororomeleia wi adhowe odhulu. Vamodha na Yezu, awene anela walamulela athu mwilaboni ninga amwene, anamathonga vina anamakutha. (Lukas 22:28-30; Ovuhulela 5:9, 10) Yezu owatxemera aba anamathonga akwaye mu Omwene waye “nikuru niñgono”. Ali 144.000 mwa muthengo.—Lukas 12:32; Ovuhulela 14:1-3.
4. Dhaene Yezu mukalelie Mwene, iyene ohinvokawo odhulu Satana vamodha na angelo aye abure, bagaddamela elabo ya vati. Eji ji sabwa enkalela dhilobo dha elabo ya vati dhabure vaddiddi oromana 1914. (Ovuhulela 12:9, 12) Koddo, dala, maredda, winjiva wa olupa malamulo—dhotene esi dhinokosa epaddi ya “ezinddielo” enlagiha wi Yezu onolamulela yowi mukalelo obu wa elabo oli mmasikuni omariya.—Mateus 24:3, 7, 8, 12; Lukas 21:10, 11; 2 Timoteo 3:1-5.
5. Momaguvamwene, Yezu onele wathonga athu, bagathiyaniha dhaene ninga mukumbuzi munthianiheliye mabila na mbuzi. Ali “mabila” babale anlagiya okala alamuleliwi ororomeleya aye. Anele othambira egumi yohimala mu elaboni ya vati. Ali “mbuzi” babale akoddile Omwene wa Mulugu. (Mateus 25:31-34, 46) Musongorho vakukuvi, Yezu onele wanonga otene abale ali ninga mbuzi. (2 Tesalónika 1:6-9) Akala weyo onofuna okala mmodha wa “mabila” a Yezu, onofanyela ovuruwana kakamwe mazu a Omwene vina othiddiedhe mabassa esile dhinasunze weyo.—Mateus 24:14.
6. Ovanene elabo eli yogawiwa mwa dhilabo dhinjidhene. Elabo eli yotene ehikana nlamulelo naiyenene. Malogo aba mudhidhi wotene anowana mukalelani. Mbwenye Omwene wa Mulugu onele okala vamburoni va malamulelo otene a athu. Onele othonga elabo yotene ninga nlamulelo nimodha nomariya. (Danieli 2:44) Mwa dhaene kunakale vina koddo, opanga na otimbwini. Otene anele okalawo vamodha na murenddele vina wiwanana.—Mikeya 4:3, 4.
7. Mwari mwa Vyaka Txikwi Dhotonga wa Yezu, athu ororomeleya anele okala na omuthu vina elabo yotene enele okala paraizu. Omagomelo wa vyaka txikwi, Yezu onele omala okosa dhotene dhimurumile Mulugu wi akose. Mwa dhaene iyene onele opereka Omwene wa Babe. (1 Korinto 15:24) Sabwa gani enkoddela weyo wapanga akwawo na amudhi awo enfuna okosa Omwene wa Mulugu?
[Foto vanikukuni 13]
Mutxiddo mwa nlamulelo na Yezu, kunakale owogo ne waganyedhana