Amwiddani A Mulugu Bani?

Mwiddani munddimuwaya wa Mulugu ddi Satana, Ddiabo. Iyene muthu wa omuyani omusadduweli Yehova. Satana onowanavi momusadduwela Mulugu nanda onowatotela athu makathamiho manddimuwa. Satana ddabure. Iyene muthambi vina timbwini.—Joau 8:44.

Athu ena a omuyani ahigumana na Satana mwa omusadduwela Mulugu. Bibilia onatxemerha adomonyo. Dhaene ninga mukaleli Satana, adomonyo amwiddani a nlogo na athu. Anoziveliwa waputhula athu. (Mateus 9:32, 33; 12:22) Yehova onela omutolotxa na mukalakala Satana na adomonyo aye. Ahalinawo mudhidhi muñgonovi wa watotela athu makathamiho.—Ovuhulela 12:12.

Ogafuna okala marho wa Mulugu, kukose esile dhinfuna Satana wila okose. Satana na adomonyo aye anomwidda Yehova. Awene amwiddani a Mulugu nanda anfuna wila weyo vina okale mwiddani wa Mulugu. Weyo onofanyela omusakula oddule onamulabiwe—Satana obe Yehova. Ogafuna egumi ya mukalakala, onofanyela osakula okosa efunelo ya Mulugu. Satana ohikana marhe menjene vina makalelo owanyengethana athu. Athu enjiya annyengethiwa na iyene.—Ovuhulela 12:9.