Nunuwihaga Ewodhelo Yehu Mmabasani a Omwene—Oroma wa Makani wi Ovahe Onamoona wa Gari

Ekaleleni Yamakamaka: Nigalaleyaga numba na numba, iyo ninowoona wi attu enji kanfanyeya vatakulu. Mwadhahene, iyo podi wafanya mmukukuttani, bagamujedhela g’anga wosipitale, mudhidhi wovuma wa mmabasani obe woskola, vina mimburo dhiina. Efunelo ya Yehova jawi etene ewe miselu dha Omwene. (1 Tim 2:3, 4) Mwa dhahene, wi nivahe onamoona, ninofanyeela okaana efunelo yoroma makani.

Ninakose Dhavi:

• Okale wosakula. Muttuya ddofiyedheya obe onologeyana? Mikalelodha dhinotiya wi nikaane makani ofwaseya? Anamalaleyaya eena voroma anomwag’ana muttuya vina anomuteyela. Muttuya agateyela vina, awene anoroma makani.

• Akala kulibile murima wi ologe, kakosa nlobelo nomaguva vina mwari-mwari.​—Nem 2:4; Merelo a Arumiwi 4:29.

• Orome na mazu ohirutxa obe olejela. Yezu karomile makani aye na muyana Osamariya alogaga mwaha wa Omwene. (Joau 4:7) Mudhidhi mwina podi oroma makani otamaalelaga: “Anawo akaana meeddelo aderetu!” Okosa nivuzo mukalelo mwina wa oromana makani: “Weyo ohiwa miselu dhovuwiha mattiyu avirile?”

• Ogaroma makaniya kaveda mudhidhi wa ovaha onamoona mbwenye kuzuzume. Kattiya makaniya wi adhowevi na mukalelo waderetu. Txino weyo podi ologa mazu animukosiha muttuya ovuza. Ninga yotagiha akala weyo onologa mwaha wa murala, onofanyeela ologa, “Ddifanya nlelo nokuluveleya na walelana aima.” Akala onologa mwaha wa dhovuwiha, ogahifanyeela ologa, “Miyo ddihengesa ovanenevi miselu dhapama dha masadduwo.” Kunyimuwe akala makaniya anomala ohinatti ovaha onamoona.

• Ottukule matratado na marevista meena wi onvahe muttu olagihile efunelo.

Kakosa Ejuwene Mwari mwa Mweri:

• Sumana dhotene kaveda oroma makani na etanaalelo ya ovaha onamoona wa gari.