Kamulabihedhe jw.org Mmabasani Awo a Olaleya

Web site wehu epano yaderetu vaddiddi enkamihedha ovuwiha miselu dhapama “mwilaboni mwetemwene ofiyedha okomoniwa.” (Merelo a Arumiwi 1:8) Anamurala enjene kanimuziwa obe kanwodha onfanya woka jw.org. Mwadhawene, aweneya onofiyedha omuziwa modheela nikamihedho na anamalaleya.

Nameddelela milogo wahikosa download wa vidiyu Ninimusunzelani Bibilia? mmuttittoni mwaye wanlagiha mudhidhi wotene onkaana iyene gari. Motagiha, mudhidhi wadhowiye numba na numba iyene wanloga: “Miyo ddinoweddelela mmuruddani mpu ddakamihedhaga attu ofanya dhowakula dha mavuzo mararu amakamaka: Mwilaboni mudhaleleni masoso? Mulugu onagomihe dhavi? Vina ninawodhe dhavi owanana ejuwene? Vidiyu eji yomaguva enolagiha mavuzo aba.” Iyene onottapunya botawu na orumihana vidiyuya amwag’anaga akala onoziveliwa. Vidiyuya joziva vaddiddi nanda anamoonaya anowag’anavi mpaka omamalelo. Nameddelelaya mulogo onologa: “Weyo ohimala wiwa wila jowodheya okumbirha nsunzo na Bibilia mu online. Dhahene eji eli miyo veneva, Ddigaziveliwa wulagiha momaguva ovanene.” Mwanamuralaya agarumeela, iyene onolagiha mukalelo wa nsunzo alabihedhaga brochura Miselu Dhapama. Akala mwanamurala kana mudhidhi, iyene onokosa masasanyedho a wiyela mudhidhi mwina. Mudhidhi ondowa iyene mpule mungulihiwa elobo yoja yomaguva, iyene onowita makani na muttu ogilatile vakuvi na iyene mudhidhi onlogani makani omarho. Weyo onomulabihedha jw.org mmabasani awo a olaleya?