Mukalelo Muswa vina Wowagalaliha wa Olaleyana Vattaddo
1. Milogo dhina mirudda dhinvira attu gwe dhilibihiwe wi dhikose eni?
1 Milogo dhina mirudda dhinvira attu gwe dhihilibihiwa wi dhikosege onamoona wa vattaddo, dhilabihedhaga meza obe estanti ya manivuru. Akala anamalaleya anolabihedha estanti, enofanyeelela mmodha ogilati vakuvi. Dhahene, anamalaleya eeli anofanyeela okala owimelene vakuvi na estanti. Abale attomiwe wi akale vestantiniva anofanyeela okosa guru ya okala ofiyedheya, na mikalelo dha omarho vina akale okwela. Akala muttu onowang’ana vestantiniva, namalaleya mmodha onofanyeela oroma makani na muttuya, txino onologa, “wahiromaga ovivuza na ejile enloga Bibilia modheela mutoma obu?” Namalaleya mmodha obe eli anofanyeela okala ang’anaga vestantiniva mudhidhi onvaha mukwawa onamoona wagari.
2. Kaloga yotagiha entonyihedha yopurelamo ya ovaha onamoona wa vattaddo na estanti.
2 Masasanyedho abo olaleya anopurihagamo okaana masunzo menjene maswa a Bibilia. Muyana dhahi wakosa masunzo a vadhulu wahifuna opepesa mukalelo wa Anamoona a Yehova, mbwenye kawodhile ofanya numba ya Omwene. Sumana modha musogorho iyene wahoona estanti na manivuru ehu mburo onkosiwa masunzo manddimuwa. Venevo nsunzo na Bibilia oromiwa, ovano namasunzaya oddu namalaleya wobatiziwa vina onokosa mukalelo wakakene wa ovaha onamoona.
3. Anamalaleya eena anoonamo dhavi mukalelo obu wovaha onamoona vattaddo?
3 Murogora dhahi wana gari ya okosa mabasene abo a olaleya ohiloga: “Attu ena anowimela vina anottukula marevista maswa. Akalawo eena ahinatti wiwaga modheela Anamoona a Yehova. Miyo ddinowodha wona wi na mukalelo obu wa ovaha onamoona attu enji anowodha ofiyedhiwana muselu wapama”. Murogora mwina ohiloga: “Obu mukalelo muswa vina wohagalaliha wa ovahana onamoona sabwani attu anodha vali weyo, anowuvuruwana, masiki awene ahitonyihedhaga efunelo mbwenye anofuna ononelamo.”
4. Ekaleleni yopurelamo oveda mburo wa estanti ya manivuru mudhidhi wakakene labo nakakene vasumanani?
4 Elobo yaderetu vaddiddi oveda mburo mmodhene malabo akakene mudhidhi wakakene vasumanani. Ninga yopurelamo attu onowoonaga vina anofanya dhopurelamo modheela okosa mavuzo obe okumbirha manivuru. Mulogo wawo osasanyedha mukalelo wa olaleya vattaddo? Akala ohikosa, txino weyo onofanyeela okalamo mmabasanimwa vowi mukalelo wa ‘olaleya Omwene wa Mulugu’.—Luka 9:60.