Kamulabihedhe jw.org Mmalaleyeloni Mwawo—‘Torne-se Amigo de Jeová’
Mpaddi wa “Ensinos Bíblicos” onfanyeya mu jw.org okoseliwe aima ontxemerhiwa “Torne-se Amigo de Jeová” muhikala mavidiyu, jibo vina mabasa a aima. Onolabihedhaga mmabasani mwawo olaleya? Akala weyo onomusunza Bibilia na ababi ana aima ang’ono, onofanyeela wi walagihe. Eji enele wakosiha awene otamelavi dhipaddi dhiina dha Web site wehu.
Mbali dhahi vagawiye Miselu dha Omwene wa Mulugu N.° 38 wahinfanya muyana waromile wengesa mwakeleliye vomaguva-wene. Iyene wahikaana aima enjene atonyihedhile efunelo enddimuwa ya tratadoya. Mbaliya mohigoneela wahimulagiha muyanaya dhaali vataratadoniva vina wahimulagiha Web site wali ondduni wa tratadoya. Vowi muyanaya wahilagiha efunelo, venevo mbali wahipura gari ya omutonyihedha vidiyu ya Pedro mmuttittoni mwaye wi iyene vamodha na anaye oone.
Murogora dhahi weela omwaddela mukwaye womabasani ona aima, sabwa ya Web site wehu mpaddi ona miselu dha anamudhi. Muyanaya wahipepesa mu jw.org na anaye. Mvirele mudhidhi mung’onovi muyanaya wahiloga yawila anaye anwerewera numba ebaga jibo ‘Pregue a Palavra’ enfanyeya epaddi enloga “Torne-se Amigo de Jeová.”
Weyo vina onofanyeela opepesa mu jw.org vina okosaga download wa mavidiyu, jibo, obe olabihedhaga mabasa meena mmuttittoni mwawo. Mudhidhi mwina weyo onele owodha osunza mukalelo wa olabihedha masunziho a jw.org mmabasani mwawo a olaleya. Eji epano yamakamaka vaddiddi evahiwehu enniwodhiha omulaba Nabuya ninga adhari!—Mer. 20:19.