“Mazu aba . . . Anofanyeela Okala Mmirimani Mwawo”
Ababi ali ninga anamakumbuza. Awene anofanyeela wabarela deretu anawa, abuwene ampupuruwa mohirutxa vina ankwekwetteya momaguva. (Gano 27:23) Na mukalelo gani onawodhe ababi wakwaniha mabasa ninga aba? Awene anofanyeela ononga mudhidhi labo na labo alogaga na anawa wi aziwe esile dhili muyubuweloni mwawa vina mmirimani, ejuwene enakamihedhe oziwa enubuwela anawa vina eli mmirimani mwawa. (Gano 20:5) Agamala, ababiya anofanyeela osasanyedha dhipano dhovadda wi alibihe nroromelo na anawaya. (1 Kor. 3:10-15) Vidiyu “Estas Palavras . . . Têm de Estar Sobre o Seu Coração”, enologa yopurelamo ya webedha wa ntakulu. Koona na anamudhi awo, ogamala katanaalela mavuzo aba.
(1) Txini emuttukulele mbali Roman ohitanalaga dhilobo dha omuyani? (2) Vamaromo mbali Roman wakwekwetteyile dhavi nanda akosa webedha wa ntakulu wohifanyeela? (3) Nivuru gani na makamaka ninkamihedha oleliwana aima mofanyeelela? (Olib. 6:6, 7) (4) Txini enkamihedha wi anamudhi alogege makani ofiyedhana? (5) Mukalelo gani wa guru onfuna aima wi ababawa aakosele? (6) Mbali na murogora Barrow akalile dhavi yotagiha yaderetu wa anamudhi a Roman? (Gano 27:17) (7) Masasanyedho gani anfanyeela okosa mwazambo wa ntakulu na mutanene wi webedha wa ntakulu okale wopureleyamo? (8) Vina mbali Roman oromile okosa dhavi masasanyedho abo wi ogolele ntakulu naye? (9) Ekalele nni yaderetu odidelagavi okosa webedha wa ntakulu? (Ef. 6:4) (10) Malago gani aderetu aliwo a webedha wa ntakulu? (11) Na mukalelo gani wali mbali Roman wokurumuwa, nanda omukamihedhile dhavi Marcus oziveliwaga okosa ejile eli yoligana? (Jer. 17:9) (12) Mbali Roman na mwadhiye amukamihedhi dhavi Rebecca okala wogana okosa eli yoligana mwa mandano aye na Justin? (Marko 12:30; 2 Tim. 2:22) (13) Mbali Roman na mwadhiye alagihile dhavi olibiha nroromelo nawa mudhidhi wakosa awene matxinjo a egumawa? (Mt. 6:33) (14) Vidiyu eji enakokomeza dhavi amwazambo a ntakulu ttima ya wajiha anamudhi awa mpaddi w’omuyani? (1 Tim. 5:8) (15) Weyo ninga mwazambo wa ntakulu, yogana yawo jivi?
NIKOKOMEZO NA AMWAZAMBO A NTAKULU: Drama oddu wa malabo abano okosiwe va mutugumanoni wa ttattamwa wa 2011. Mudhidhine obule, weyo wanoona ttima ya wunuwiha mukalelo wawo wa webedha wa ntakulu? Mwa ologa ya ovanene? Okosa matxinjo na mutanene jofuneya vaddiddi, onokumbirhiwa wi olobelegevi wi okose matxinjo anawukamihedhe opurelamo mudhidhi wotene wa egumi yawo na anamudhi awo.—Ef. 5:15-17.