Nunuwihe Ewodhelo Yehu Mmabasani a Olaleya—Nipake Nivuru Ensunziha Bibilia

Ekalelani ya Makamaka: Nivuru ensunziha Bibilia epano yoroma ya makamaka ensunzihagana iyo. Mwadhahene, nihinatti olabihedha nivuru ntti wi nisunze na muttuya, ninofanyeela omuttiyedha. Noona, notene ninofanyeela ovilibiha wi niwodhe opaka nivuru ntti Ensunziha Bibilia mmabasani a olaleya. (Gano 22:29) Akalawo malago menjene, veneva namalaleya agafuna onosakula ninfuniye.

Ninakose Dhavi

• Kakosa nivuzo nili kapitulu esakulilewe ninamukosihe mwanamurala okaana efunelo. Vina kasakula nivuzo omaromelo wa kapituluya. Ogamala ovuruwana yowakula ya mwanamuralaya, kengesa nlebo nofanyeelela, omamalelowa, kamulagihe ddima eli mwari mwa musorhoya vina kasekeserhani motene

• Mukalelo mwina bwa olabihedha makuku oroma wi wunuwihe efunelo ya mwanamurala, ogamala omulagihe nakulo nili mBibiliani nilebiwe munivurunimwa. Ninga motagiha, kaloga nipadduwo nivuwihiwe ovanene, ogamala ologe wi attu enjeene anotikinaga na yowakula ya mavuzo ali va nikukuni 3. Obe kaloga wila onawoona anamwanddamani wi walaleye muselu onvaha monelo waderetu wa musogorho. Kamulagihe foto dhili va makukuni 4-5 vina onvuze “Elobo gani egaziveliwe weyo wakwanihedhiwa?” Mukalelo mwina wamakamaka bwa ologa wi onakamihedha attu ofanya maakulo a mavuzo manddimuwa a mwigumini. Kamulagihe mwanamuralaya nivuzo nili mutxiddo mwa nikuku 6 vina onvuze nimuzivelile.

• Mulagiho ohinrutxa oromana nsunzo na Bibilia. Kaloga dhahi: “Ninalagiha anamwanddamani ehu mitoma esi dha masunzo a Bibilia. Wahiromaga woona? [Omuttiye wi akule.] Kokaana mitala dhing’onovi ddigahulagiha mukalelo onlabihedhiwa wi ofanye malebo mBibiliani mwawo.”

Otagihe Dhahi Mweri Obuno:

• Katagiha mudhidhi onkosinyu webedha wa ntakulu.

• Mugalaleyaga, kamwaddele namalaleya mwina enfuniwe ologa. (Gano 27:17) Akala mukalelo wawo wolagiha kumpureleyamo katxinja.