Erimu Eswa N’elaboya Eswa Dhinela Onittabiha-wene

Izaiya kapitulu 65 enologa mazu anlagiha yawi Yehova ohimala okuluveliha ovenyihedha elabo; enloga Yehova kinaganyedheya sabwani kanvonya wakwanihedha epikireliye.

Yehova onele opaddutxa erimu n’elabo eswa, dhawale dhotedhene dhinela odduwaliwa kakamwe

65:17

Erimu eji eswa, enlogiwana erimu gani?

• Olamulela oswa onadhena oligana elabo yotene ya vati

• Olamulela oku wimetxiwe yaka ya 1914 venevale vagilatihiwe Kristu vampaddoni, babalihiwa mwereko wa Mwene, W’omwene wa Mulugu

Elabo eji eswa, enlogiwana elabo gani?

• Nikuru na attu a malogo otene, vilogelo dhotedhene, na mahimoya, otene anele wiwelela erimu eswa obe olamulela oswa

Dhawale dhinadduwaliwe n’ekalelo gani?

• Dhotedhene dhinsuva yubuwelo—masoso annigwela, segedho, na dhozuzumihadha—dhinela ototowa-mutotowelo

• Attu otene ana nroromelo anele ottaba n’egumi yawakwana vina anelege okaana mubuwelo wottorora labo na labo