Weyo Ohikaana Ewodhelo ya Omulibiha Mukristu Ottiyile Otugumana

Sika Txipirhi, labo 11 na mweri wa Abrili, Akristu enjeene attiyile otugumana anela odha va muttuponi wa Siyari ya Nabuya. Iyo nedda vamodha na awene dila ya wigumini, mbwenye sabwa ya dhilobo dhottiyana-ttiyana, ahiroma wobana; enaya babale alebiwe mbrochurani Volte para Jeová. (Aheb 12:1) Abale attiyile olaleya vina attiyile otugumana, kadduwaliwe vamentoni va Yehova, vowi oboleliwe na nikami nathima-thima na Mwanaye. (Mer 20:28; 1 Ped 1:18, 19) Kito ninawodhe dhavi walibiha wi atugumanege dila yanawili?

Anddimuwa a mmulogoni anowavedaga Akristu aba attiyile olaleya wi alagihe dilaya-dilaya; enkosa anddimuwa aba, jakakene enkosa mukumbuzi, nibila naye nigarimela, iyene onotamela n’oribelawa murima. (Lk 15:4-7) Anddimuwa aba aravile okwela wa Yehova; vowi okwela waye onomukosiha onisepula mungovini. (Jer 23:3, 4) Notene iyo nihikanani ewodhelo ya omulibiha muttu-muttu; kahiye anddimuwavi a mmulogoni bahi. Guru enkosihu ya olagiha nipangarhazo vomodha n’ekaleloya yawakubanyedha akwihu, enomuttabiha Yehova vina guru eji enela orurihiwa. (Gano 19:17; Mer 20:35) Ovenyana ddabuno kamubuwele muttu onimoniwena wobana, ogamalaga kumukanele owara omulibihe-wene!

OGAMALA WONA VIDIYU ENA MUTOMA AJUDAR OS INATIVOS, KAVIKOSE MAVUZO ABA:

• Txini ekosile Ebbe munfwanyeliye Munamoona wahamuziwiye?

• Akala ninfuna nimukamihedhe muttu ottiyile olaleya, ekalele nni yofuneya oroma ologa na anddimuwa a mmulogoni?

• Ebbe ovisasanyedhile dhavi wi aloge na Laura dila yanawili?

• Txini enlagiha wi Ebbe wahikala wa ntidi, wovilela, vina wa supaje venevo vatameliye omukamihedha Laura?

• Yoladdaniha eji ya Yezu elebiwe va nivuruni na Luka 15:8-10 ennisunziha nni?

• Mareliho gani adhilevo sabwa ya okosiwa guru enddimuwa ya omukamihedha Laura?