Jibo Dh’omwene Dhinokomavi Nroromelo

Paulo vamodha na Sila valani mukamburha ahimwibela Mulugu Jibo. (Mer 16:25) Malabo abano, ahikalawo abalihu eba jibo mudhidhi watxedheliwawo mburho onkuweliwa Sachsenhausen wenewo wattukuleliwa attu mudhidhi obule wa nsaka na akadda Nazista o’Germane; vina vatxedheliwani o’Siberia abalihu kadduwale wiba jibo. Dhotagiha esi dhinlagiha guru ena jibo; jibo dhinotxeyavi nroromelo na Akristu anfwanyiwa segedho dhottiyana-ttiyana.

Anokosiwa masasanyedho wi dhilogelo dhinji dhikaane nivuru na jibo na elogelo yawa; nivuru ntti mutomaya bubu: “Nimwibele Yehova N’ottaba.” Akala ninokaana mpaddi mung’onovi wa jibo esi, nikapuleleni mazuya muyubuweloni mwehu, vina nikaaneni elemelelo ya wibaga va webedhani wa ntakulu. (Ef 5:19) Dhahene, nigakanani jibo esi muyubuweloni mwehu muya wa Mulugu onela onikamihedha wubuwela nigakala mmasosoni. Jibo dh’omwene dhinonikosiha okaana elemelelo ya ojedhavi yottuviwa yehu. Dhinonilibiha nigafwanyiwaga dhodhugudha. Vina nigakaana osanzaya, jibo esi dhoziva-ziva dhinonivaha emweru-mweru ya “omwibela Yehova n’ottaba” wotene, vowi murima wehu oli woridha nono-no. (1 Map 15:16; Masal 33:1-3) Ndoweni noteneni nittangarhameni vina nibeni n’emweru-mweru jibo esi dh’omwene!

KOONA VIDIYU ENA MUTOMA UM CÂNTICO QUE NOS FORTALECEU OGAMALA WAKULE MAVUZO ABA:

• Txini emukosihile Mbali Frost wita jibo?

• Jibo dhalibihile dhavi abali o’Sachsenhausen mpaddi obule watxedheliwawo awene?

• Masakagani vina mpaddigani onawodhe weyo okala wolibiheya na jibo dh’omwene?

• Jibo gani ya omwene egaziveliwiwe wika muyubuweloni mwawo?