Onowodha Ozinddiyela Mikalelo Dhohoneya dha Mulugu?

Onowodha ozinddiyela mabasa a Muttanddi wehu mwari mwa marhuwa ottiyana-ttiyana, neneri dha wirimu, wiweya wa oruma wa dhottanddiwa, na oridha wa omyo onyettiha mattaka? Dhotedhene esi dhinowoniha wi, ovenyana vapaddutxile Mulugu elabo, attu na zelu yawa anowodha wona makalelo aye mvitaganoni dhipaddutxiliye. (Rom 1:20) Nigang’ana dhottanddiwa dhotedhene, ninele owodha ozinddiyela guru, okwela, eziwelo, oligana, vina na nttebwana na Mulugu.—Masal 104:24.

Dhottandda gani dha Yehova dhinoniwe siku na siku? Akala weyo onkala mmuttetteni, onowonaga balame obe miri. Nigakalela fwasee wang’ana mabasa a mada a Yehova, ninovugulela odhugudheya wehu, ninela okurumuwa mmakattamihoni mwehu, ororomela wehu guru dha Yehova onela wunuwavi vina nikuluvelo nehu nawi iyene onela onikweya okala-n’okalawene ninowinjiva. (Mt 6:25-32) Akala weyo okana aima, kasunzihege dhottandda dhawumiha milomo dha Yehova. Nigenjedha matamalo mmirimani mwehu sabwa ya dhottanddiwa dhinnirugunuwa, ninela wenjedhedha efunelo ya wedda na Muttanddi wehu.—Masal 8:3, 4.

KOONA VIDIYU DHOTANDDIWA DHOTIKINIHA DHINOWONIHA NTTITTIMIHO NA MULUGU—TXEZA NA KORI, OGAMALA WAKULE MAVUZO AMFWARELA:

• Etagano enkuweliwa pigmento enniwodhiha dhavi ozinddiyela kori?

• Txini enkosiha nzuwa, mwamweri, na neneri ovaha txeza?

• Etagano gani enniwodhiha wona kori dhottiyana-ttiyana dh’odhulu?

• Dhottanddiwa gani dhottikiniha dhinoniwe ogakala vatakulu vawo?

• Sabwaya jani enfwanyelihu otamela mudhidhi wi nang’anege dhottanddiwa?