Kabarela Matelo Awo

Yehova onottittimiha vaddiddi matelo vina onjedhela wi vamateloniva muttu- muttu avilibihedhe wakwaniha nipikirelo naye. (Mt 19:5, 6) Atelani enji  ali anamoona a Yehova ahikana murala wohagalala. Mbwenye kawo matelo oligana nona kanintikina nigagumana na makattamiho. Attu ahinimuziwa Yehova, agagumana na makattamiho vamuralani anona wi mukalelo wa ogomiha makattamihoya bwa ovumelana obe omwalana. Mbwenye iyo kaninfwanyela wubuwela dhawene. Atelani anawodhe dhavi obarela matelo awa?

Koona ttaro tanu dhinakamihedhe.

1. Kabarela murima wawo mwa orabela omuzuzumela muttu ohili mwadhiyo obe mamuno vina owona mavego onyakuwa sabwani dhilobo esi dhinowobaniha murala.—Mt 5:28; 2Ped 2:14.

2. Olibihe mandano awo na Mulugu vina ovilibihedhe okana matelo animuzivela.—Masal 97:10.

3. Katamelavi wabala omuttu oswa vina katamela okosa dhilobo dhing’ono-dhing’ono dhinamwagalalihe mamuno obe mwadhiyo.—Kol 3:8-10, 12-14.

4. Mufugulelegena murima vina mulogege na nriho.—Kol 4:6.

5. Muteli anvahedhege mwadhiye eninfwanyelela, muteliwi akosege yakakene na okwela.—1Kor 7:3, 4; 10:24.

Yehova Dditile matelo nona nigarihaga matelo ehu, ninomuriha iyene vina.

KOONA VIDIYU NDOWENI “NITHAMAGE NA NTIDI”—WIWELELE MALAMULO A MUTTAMAGOYA, OGAMALA WAKULE MAVUZO ANFWARELA:

• 

  Masiki matelo arome deretu makattamiho gani anda ogumana na atelaniya?

• 

  Magano a Mbibiliani animukamihedha dhavi muttu onubuwela wila okwela vamateloni vaye ogoma?

• 

  Yehova wavahile magano gani atelani?

• Txini enfwanyela okosa atelani wila akane matelo ohagalala?