‘Okwela wa Kristu enonittukulela wakwela attu ena.’—2Kor 5:14
YEDDELO YA OKRISTU
Onele Olaba Ninga Pionero Wokamihedha, Mweri wa Marsu na Abrili?
Ogahiziveliwa omulabela Yehova venjene nsaka na wubuwela okwa wa Yezu? (2Kor 5:14, 15) Mweri wa Marsu na Abrili pionero wokamihedha onosakula operheka mawora 30- obe 50. Enowodheya weyo okamihedha mabasa aba, ogattkitta njagarana ogamala bunperhekela mbali Onsogorela Mabasa Mmulogoni mwawo. Mweri-mweri mbali onattikitte njagarana nzina naye ninele ovuwihiwa mmulogoni. Na mukalelo obu apiyonero anele wakamihedha abali ena obudduwa mmabasani wolaleya. Enowodheya iyo notene olaba ninga a piyonero nsaka na wubuwela okwa wa Yezu niwunuwihaga ewodhelo yehu mmabasani wolaleya vina nilibihihagana muttu na mukwaye.—1Tes 5:11.