Kapurelamo Venjene Mareferensia Ankala Nikome

Txino weyo ohikana Bibilia wa Tradução do Novo Mundo das Escrituras Sagradas wa elogelo yina, motagiha wa ezugu, munfwanyeya mareferensia ankala nikome. Wi owodhe ofwanya mareferensia aba, vamaromo otamele letra ning’ono nindha osogorho wa nzu nimodha. Nona akala onimulabihedha Bibilia wopidiwa, katamela letra nakakene va kashani enfwanyeya vari wila owodhe ofwanya malebo oladdana. Mu jw.org obe mu aplikativu JW Library^®, otokonye letra nili osogorho wa nzuna wi woone mareferensia menagu a malebo.

Mareferensia aba anowuttukulela dhipaddi esi dhinfwarela na dhina dhinjene:

Nipadduwo noladdana: Referensiaya enowuttukulela ofwanya nipadduwo nina noladdana ninfwanyeya mu nivuruni na mBibiliani nottiyana. Motagiha, koona 2 Samuwel 24:1 vina 1 Mapadduwo 21:1.

Oromoliwa wa nlebo nina na mBibiliani: Referensiaya enolagiha veteyile mazuya obe nzuna. Motagiha, koona Mateu 4:4 vina Olibiha 8:3.

Wakwanihedheya wa nivuhulo: Referensiaya enowiwananiha nivuhulo na wakwanihedheya. Motagiha, koona Mateu 21:5 vina Zakariya 9:9.