Dhowakula dha Mabasa na Yeddelo Yehu ya Okristu
5-11 YA JULIYU
MAFUMO A MAZU A MULUGU | OLIBIHA 11-12
“Yehova Onfuna Nimwebedhe na Mukalelo Gani?”
it-1 93 ddima 4
Guru Dhotene
Olaba na Guru Dhotene. “muzimu” entapulela muttu wantero, ninga moonelihu. Nona manivuru mena a Bibilia anonikokomedha, omukwela vina omulabela Mulugu ‘na murima wehu wotene vina n’omuttu wehu wotene’ (Olib 4:29; 11:13, 18), vowi Olibiha 6:5 onloga: “Mmukwele Nabuya Mulugu wenyu na murima wenyu wotene, n’omuttu wenyu wotene, na guru dhehu dhotene.” Yezu ohiloga wi jofuneya olaba na omuttu wehu wotene vina guru dhehu dhotene, mowenjedhedha ‘na zelu dhawo dhotene’. (Mk 12:30; Lk 10:27) Omulabela Mulugu “na guru dhehu dhotene” entapulela omulabela na omuttu wehu wotene, ottiya epaddi mmodha. Mulabelo, ewodhelo obe efunelo.—Koona Mt 5:28-30; Lk 21:34-36; Ef 6:6-9; Fil 3:19; Kol 3:23, 24.
it-1 97 ddima 7
Ebuwa
Ana Izrayeli ahirumiwa wi abwanyule dhibuwa, wattwa malugu ebedhani vina otokora miri dhaleveliwa amulugu. (Obud 34:13; Olib 7:5, 6; 12:1-3) Kafwanyela waddumeya anawa wi attittimihena ninga mwakosa akadda Kaná. (Olib 12:30, 31; 16:21) Ottiya okana dhibuwa dhottiyana-ttiyana ana Izrayeli anfwanyela okana ebuwa mmodha wi amwebedhe Mulugu webaribari ebuwaya egakalile vamburoni vagasakulile Yehova. (Olib 12: 2-6, 13, 14, 27; mottiyana na Babiloniya mwali dhibuwa dhofiyedha 180 vamwebedhani mulugu wakuweliwa Istar.) Vamaromo ahishagihiwa omaga dhibuwa dhamalugu ohisemiwa, mumalelani wabuwa mwinje Jordau (Olib 27:4-8), ebuwaya wamagile ddi Josuwé va Mwango Ebal. (Jos 8:30-32) Mmalele ogawiwa elabo, mahimo a Ruben na Gad na epaddi mmodha ya nihimo na Manassé ahimaga ebuwa waddamana na mwinje wa Jordau, ototile owanawana na mahimo mena mpaka oziweya wi ebuwa esasanyiwe kiyali ezinddiyelo ya osadduwela ebaribari, mbwenye yali ezinddiyelo ya wila awene annimuroromela Yehova ninga Mulugu webaribari.—Jos 22:10-34.
Nipepese Mafumo Omuyani
it-2 208
Mwango Garizim
Mowiwanana na mashagiho avahiwe Mizé, mahimo akadda Izrayeli antugumana vamodha waddamana na mwango Garizim na Ebal, eddihiwaga na Josuwé vamalilani ompembera Ai. Venevale nlogo nahiwa wengesiwa wa maruriho agakelilani komwiwelela Yehova, vina nttowa nigagwelile kohimwiwelela. Mahimo a Simeau, Levi, Judá, Isakar, Jozé na Benjamim akala owimelene osogorho wa mwango Garizim. A levita vamodha na yobo ya nipagano ali owimelene nikome, mahimo mena ali osogorho wa mwango Ebal. (Olib 11:29, 30; 27:11-13; Jos 8:28-35) Enoneya ninga, mahimo emelile osogorho wa mwango Garizim ahakula mareliho engesiwa osogorho wawa, mahimo mena ahakula nttowa nengesiwe osogorho wa mwango Ebal. Mazuya ahengesiwa ‘na lizu nowiweya osogorho wa nlogo notene na ana Izrayeli nali venevo; agumanavo ayana, aima na anawedda akala na awene’. (Jos 8:35.)—Koona MWANGO, EBAL.
12-18 YA JULIYU
MAFUMO A MAZU A MULUGU | OLIBIHA 13-15
“Nlamulo Natonyihedha Dhavi Wila Yehova Onowazuzumela Ayelegi”
it-1 732 ddima 7
Mvaho
Enkala niga wahikalawo nvaho mwina, wakoyiwa yaka-yaka, wi okosiwena mabasa mena, ottiya wakamihedha aleviti akanaga gari ejo. Nvahoya obo walabihedhiwa wi okamihedhiwena ana Izrayeli agagumana vamattangani manddimuwa. Mburoya ogakala wolapelana Jerusalemi ahiwodhaga ottukulelawo dhinfwanyelani omulevela Yehova anfwanyela oguliha, muttengoya adhowena mmusanani wa Yehova, wi awenene alabihedhe agakala vamattangani manddimuwa akosiwa o Jeruzalemi. (Olib 12:4-7, 11, 17, 18; 14:22-27) Osogorowa vyaka tharu-tharu munvenyihegevo nèkumi wa dhotedhene wa yaka ejo, mwapereke mmuttetteni mwenyu wi avahiwe aleviti, anawedda, amamukwela na anapawi anakalege na nyuwo wi awodhe oja.—Olib 14:28, 29; 26:12.
it-3 476
Yaka ya Sabuddu
Yaka ya sabuddu yakuweliwa vina “yaka ya oleveliwa [hash·shemit·táh]”. (Olib 15:9; 31:10) Mwari mwa yaka eji, mattaka ankana gari ya ovumeliwa, modhela ohilimiwa. (Obud 23:11) Yanfwanyela vina ovumeliwa obe oleveleliwa mangau. Yali “olevelela watonyihedhiwa Yehova,” womuttittimihana. (Olib 15:1-3) Anamasunziha magano ena ankana mubuwelo wawi mangau avahedhiwa weddela ttagaraga, wi amukamihedhe mbali wa muyelegi, anleveleliwa, mbwenye mangau afiyariwa mmaronddani anttiyana. Awene aloga wi, viyaka zana dhoroma Kristu babaliwe, Hillel wahita obe wahigwiha malamulo wi muliba ofiyariha agahidhowa omparani muttongiwa vina ottikitta njangara wi mangahuya anaduwaliwe.—The Pentateuch and Haftorahs (O Pentateuco e as Haftorás), editado por J. Hertz, Londres, 1972, pp. 811, 812.
it-1 836 ddima 5
Mudhari
Malamulo aneddiha wandana wa adhari na anabuyawa. Vari va ana Izrayel, adhari ali akadda Hebreu anttiyana na adhari a anawedda, aba vina anttiyana na adhari addamana na awene. Ottiya ejo abale ahali a Hebreu andhowavi ninga adhari a nabuyawa, yanwondheya wattiyedha anawa odhari wi alabele ana nabuyawa (Onam 25:44-46), mudhari wa akadda mu Hebreu yaka ya netanu nowili eyelele ofuru waye ahipitxaga elo. Mwari mwa mudhidhi wa mabasa aye, mudhari wa akadda Hebreu wanfwanyela weddihiwa na mukalelo wofwanyelela. (Obud 21:2; Onam 25:10; Olib 15:12) Muhebreu waviguliha ninga mudhari, mwanamwanddamani onkosa epaddi ya mwanamurala, wankaana ofuru wa ofuruliwa mudhidhi-mudhidhivi obe wogoleliwa na muttu wana ewodhelo yonfurula. Oviwobolela waye dhiniwanana na vyaka dhihalilewo ofiyedha Jubileu obe yaka ya neutano na wili ya mabasa aye. (Onam 25:47-52; Olib 15:12) Nabuyaye agamburutxaga mudhariya wa akadda Hebreu kamuttiye odhowa madavi, elobo txilobo wila awodhe oromana ovikalihanawo. (Olib 15:13-15) Akala oromile okala mudhari batelile, wanfwanyela ofuruliwa vamodha na mwadhiye. Akala mudhari welomuteliha (mohaganyedha, muyanaya mwanawedda, wahana ofuru wa ofuruliwa yaka ya neutano na wili ya olaba ninga mudhari), iyene vamodha na anaye ankalavi adhari a nabuyawa. Egakala dhawene mudhari wamuhebreu wakana ofuru wosakula akala onofunavi olaba ninga mudhari wa nabuye. Apo ttukulani nfunddo mutorolena niyaru na mudhariya oddo dhahene onkala mudhari wenyu-wene namukalakala.—Obud 21:2-6; Olib 15:16, 17.
Nipepese Mafumo Omuyani
w06 1/4 31
Mavuzo Ankosa Anamengesa
Ninsunzavo eni okoddihiwa enlogiwa va Obudduwa 23:19: ‘Kunpiye mwana-mbuzi mmukakani mwa maye’?
Nikokomezo ntti ninfwanyeya dila tharu Mbibiliani ninofwanyeya vina Mmalamuloni a Mizé, enonikamihedha ononelamo ya wila moonelo wa Yehova bwadereto modhela supaje eniye vina nriho. Ottiya ejo enotonyihedha kakamwe mukalelo onidda Yehova webedha wottambi.—Obudduwa 34:26; Olibiha 14:21.
Opiya mbuzi obe mwana enama mwina mmukakani mwa maye egali yottiyana nikokomezo nagwihile Yehova. Mukaka wa maye yannimukamihedha mwanaye okana egumi yaderetu vina wunuwa deretu. Ompiya mwanambuzi mmukakani mwa maye “egali ohivaha ttima wiwanana ona maye na mwanaye, enisunzihile nriho na Mulugu.”
Ottiya ejo, ena anloga wila ompiya mwana mbuzi mmukakani mwa maye endaga okala elemelelo ya amalabo wila arubwihe muzogwe. Ejo akala ebaribari okoddihiwa okule wanabarela ana Izrayeli mwa dhilemelelo dha mareligiau otabala vina ottimbwini a malogo addamananina. Nlamulo na Mizé nanakoddiha maka-maka ana Izrayeli ofwara dhilemelelo dha malogo aba.—Onamakutha 20:23.
Omamalelowa, munlamuloni ntti ninowona nriho vina ttagaraga ya Yehova. Mwebaribari munlamuloni na Mizé mwahikala makokomezo owinjiva akoddiha opa enama mmukakani mwa maye. Motagiha nlamulo nankoddiha okuttiwa na mukutto mwana enama wakala na maye ahinatti wakwaniha masiku matanu nameli vina opa enama na maye sikunenentto ottiya kiyafwanyela otomola enddara na mayinyaya na mazayi obe na ananayeya.—Onamakutha 22:27, 28; Olibiha 22:6, 7.
Enowoneya wi Malamulo kaali winjiva wa magano akoddiha muttu okosa dhilobo. Ottiya ejo magano anonikamihedha orabela dhilobo dhotakala wi niwodhe otonyihedha mikalelo dhokoddela dha Yehova.—Masal 19:7-11.
19-25 YA JULIYU
MAFUMO A MAZU A MULUGU | OLIBIHA 16-18
“Magano Ottonga Noligana”
it-1 479 ddima 5
Manyigalo
Manyigalo anofuga mento a anamattonga, ofiyedha namattongaya ottonga na mukalelo wohiligana. ‘Manyigalo anowafuga mento aliba owarala.’ (Obud 23:8) ‘Manyigalo anowafuga mento aziwetxi.’ (Olib 16:19) Mazu a Mulugu anologa wi manyigalo anowapatta attu ena nona anonaddela: ‘Mugattongaga miladdu, fwaragani muddilanimwá: Kammululuvihedhe muyelegi muladdu waye, kamupibe muladdo wa fumu.’ (Onam 19:15) Sabwa ya ttagaraga, anamwinji vina na dhinloga attu enji, namattonga kanfwanyela onvuna muyelegi mmuladduni mwaye sabwa yokala muyelegi, kanfwanyela omukona mureli sabwa yokala mureli.—Obud 23:2, 3.
it-3 106 ddima 7
Olebeliwa, Manumero
Eli. Namasumeliwa onopiwa, agakalawo anamoona eli. Agakalawo anamoona eli obe araru, yannakwana wi namattonga attonge makaniya. Magano aba anolabihedhiwa mmulogoni. (Olib 17:6; 19:15; Mt 18:16; 2Kor 13:1; 1Tim 5:19; Aheb 10:28) Mulugu onivahile magano aba modhela ompereka mwanaye ninga mukutto wi aavune attu. Yezu ohiloga: ‘Malamulo enyu anloga wi ‘enrumela athu eli, ejo ebaribari.’ Miyo ddinovikalela namona meka; Baba vina oddirumile onoddikalela namona.’—Jo 8:17, 18.
it-3 486 ddima 7
Anamakutta
Anamakutta ankana gari ya otapulelamo malamulo a Mulugu, vina awene ankosa mabasa amaka-maka mmuttegoni mwa akada Izrayeli. Mmittetteni mwankala anamattonga, anamakutta ali omala nawale wi akamihedhe anamattonga ottonga makani orutxa vina manddimuwa yahawodheya ottongiwa na anamattonga. (Olib 17:8, 9) Yanfuneya okalavo vamodha na anddimuwa a mittette vamakanini a okwa wa muttu ohiziweyile ompileya, wi eddihe makaniya na mukalelo wofwanyelela attawihaga muladdo muttette waddamelivo. (Olib 21:1, 2, 5) Mulobwana wa aje agamwaganyedha mwadhiye oraruwa moviteyani, iyene wanfwanyela ottukuleliwa mmuttegoni amuttukulelaga mvaho onfwanyelela mmakattamihoni ninga abene, mulobwanaya afiye na mwadhiye vamentoni va Yehova dhawene kana muladdu akala muyana wavirigana onele wona goyi dhitotiliye novirigana waye. (Oleb 5:11-31) Makani otene attongiwa na anamakutta attomiwe, anfwanyela orihiwa vina ole wahewelela, wattongeliwa opiwa.—Oleb 15:30; Olib 17:10-13.
Nipepese Mafumo Omuyani
it-2 87
Ottamagihiwa
Malamulo aloga dhahi: Muttu wattongeliwa opiwa wanfwanyela okana anamona eli wila dhosumeliwadha dhiwodhe omukona. (Olib 19:15) Anamona abo arome onvokedha myarha dhompana. (Olib 17:7) Ejo yantonyihedha okwela wawa malamulo a Mulugu vina okoddeliha mulogo wa ana Izrayeli, yanakona anamona aloga ottambi azuzumela makaniya.
26 YA JULIYU 1–YA AGOSTO
MAFUMO A MAZU A MULUGU | OLEBELIWA 19-21
“Egumi ya Attu Ekana Ttima Vamentoni va Yehova”
Kasanza Oligana vina Ttagaraga dha Yehova
4 Yehova wahikosa masasanyedho wi dhimagiwe mittette mitanu na mmodha wila muttaweliwege. Wahawaddela ana Izrayeli dhahi; mugamwabuwa Jordau, muvolowa mwilaboni mpo, musakulemo mittette miraru dhikale dhottawelagamo. Sabwaya? Wila muttawelegemo momaguva vina wi avuneye ole okoyeliwe ntxiga. (Olebeliwa 35:11-14) Diladha, dhali dhapama-dhene. (Olibiha 19:3) Mowiwanana na dhilemelelo dha Ayuda, yalogiwa wi murampanimwa mwahikala dhizinddiyelo dhinjene dhamukamihedha namattawa ofiya mmittetteni eso. Namattawa ompile muttu s’ohifuna agattawela mmittetteni eso, wakala wobareleya, opitta odhowa dhilabo dhina mugadhiliye okwekwetteliwa wawebedha amulugu ottambi.
Kasanza Oligana vina Ttagaraga dha Yehova
9 Elobo modha ekosihile omagiwa mittette dh’ottawelamo mu Izrayeli, yali yawi abareliwe vina avuniwe, muttu okuttulile nikami na mukwaye ahifunaga. (Olibiha 19:10) Yehova onowika ttima egumi vina onowidda opanga. (Gano 6:16, 17) Noona sabwa ya ejuwene, Mulugu kapwaza muladdu wa muttu ompile mukwaye ahifunaga. Ejo ebaribari sabwani ole ompile mukwaye s’ohifuna waneddeliwa ttagaraga. Mbwenye voroma, namapaya wanfuniwana wawaddela anddimuwa a mmuttetteni muladdu waye. Anddimuwa abo ansekeserha makaniya, nanda agoona wi kampile na pudha, namattawa wanttiyiwa okala mmuttetteni mpaka nsaka nigakwile namakutta munddimuwa wa muttette ototiliye muladduya. Dila yina ejo yatapulela wila namattawa agahikala mmuttetteni mottawela okalawo waye wotene. Masasanyedho abo anakamihedha ana Izrayel woona wila egumi jorihiwa. Wila amuttittimihe namavaha wa egumi, awene anfuniwana onyanyala dhilobo dhigekile egumi yawa obe ya muttu mwina vangovini.
it-3 522
Nikami
Muttu wanfwanyela ojavo egumi envahile Mulugu, muttu wanbarela mukwaye ojavo nofuru egumi envahile Mulugu wanakulela vamentoni va Mulugu. Eji ehoneya mudhidhi ologile Mulugu na Kayini: ‘Nikami na mbalawo ninokuwa mwilaboni mpaka oddifiyedha miyo.’ (Wita 4:10) Kanimukanele ntxiga mbalihu nifiyedhaga ofuna omona bakwile, obe omuttotela makani na dhottambi, kanimwirele mukwenyu yawopiha enda omutotela okwa.—Onam 19:16; Olib 19:18-21; 1Jo 3:15.
Nipepese Mafumo Omuyani
it-3 741 ddima 1
Muttego Munttongiwa Makani
Muttego mwattongiwa makani wakala vamulago wa muttette. (Olib 16:18; 21:19; 22:15, 24; 25:7; Ruti 4:1) Mazo aba ‘vamulago’ anaddiwana mburo wofuguwa mwari mwa muttette waddamana vamavolowelo wamuttetteya. Vamulago wali mburo vengeseliwa nlogo malamulo. (Nem 8:1-3) Vamulago kiyarutxa wafwanya anamona a makani ba makani, ninga a oguliha elobo txilobo na dhina, sabwani attu enji anvolowa vina anbudduwa masiku otene. Txibarene wahikalawo mburo waddamana na mulago wa muttette vattonga anamattonga nottugareya. (Job 29:7) Samuel wankosa oleddo o Beteli, o Gilgal vina o Mispá, ‘attongaga miladdu dha akadda Izrayeli minburo esi dhotene’ vina wanttonga muttette wo’Ramá mwakaliye.—1Sam 7:16, 17.
2-8 YA AGOSTO
MAFUMO A MAZU A MULUGU | 22-23 YA OLIBIHA
“Malamulo Antonyihedha wi Yehova Wanzuzumela Dhinama”
it-2 105 ddima 3
Muttoro
Masaka a mundduni mudhidhi mwinjine yanlabehedhiwa dhinenama wila dhittebe muttoro, nona ana Izrayeli ahaddeliwa wi ogafwanya buru ya mwiddani wawo jigwile nolemela wa muttoro, kadhowa wamukamihedhe mwiddani wawo ‘orulagavo muttoroyá’. (Obud 23:5) Muttengo wa dhilobo watteba mwane-nama onkuweliwa muttoro, ‘muttoro onttebiwa na dhinama bili.’—2Amwe 5:17.
it-1 701 ddima 3
Olibiha
Dhine-nama vina dhantanaliwa ninga munlogela nivuru na Olibiha. Ana Izrayeli ankoddihiwa omuttukula mayinyaya bahattiya anabalame, sabwani iyene wali mbareli. Yanrumeliwa omuttiya mayinyaya odhowa battukula anaye. Dhahene mayinya wanfuruleya wi amage enddara yina. (Olib 22:6, 7) Kiyarumelihiwa olimiha buru na ng’ombe wi abarele makattamiho agadhile okana mwane-nama wawobanaya. (22:10) Ng’ombe kiyafwanyela otxutxiwa egamususuraga tirigo wi anatabuwe na dala vagali vakuvi dhoja obe tirigu, vowi iyene wankosa guru ya omususurula.—25:4.
w03 15/10 32 ddima 1-2
‘Kamuvijele Kanga Yottiyana’
NINGA munonela iyo vanikukuni ntti, ng’ombe na buru anlaba vamodha, enkala ninga mmodhaya onotabuwa. Kanga eji enagumaniha—ekoseliwe dhinenama bili dholaddana—vina dhina guru dhakakene nona enowatabutxa oheli. Mwaha wa oderetu wa dhinenama esi, Mulugu ologa na ana Izrayeli dhahi: ‘Kamulimihe ng’ombe na buru txaruwa mmodhene.’ (Olibiha 22:10) Magano aba onowapatta vina dhinama ninga ng’ombe na kamelo.
Na mukalelo wofwanyelela namalima kagatabutxile dhinenama dhaye. Mbwenye iyene agahikane ng’ombe bili, txino onowalabihedha ane-nama eli ana iyene. Mohaganyedha jijiwene ekosile namalima wa sekulu 19, otonyihedhiwe va fotoni. Sabwa ya ottiyana wa guru vina munuweloya, mwanenama mung’onoya wanfwanela okosa kukuttu wi akane guru yakakene.
Nipepese Mafumo Omuyani
it-1 725
Mangawu, Namafiari
Mangawu anaddiwana elobo eninfiyariwe mukwawo, osogorowa bupitxa mangawuya obe bunvaha elobo yina ninga mukalelo wopitxa. Ana Izrayeli ankosa mangawu sabwa ya oyelega. Ana Izrayeli agakosa mangawu ankana makattamiho, ole waboleya wakala mudhari wa muliba oboliha. (Gano 22:7) Nona nlogo na Mulugu nahaddeliwa wi anfwanyela okala namavaha vina a ttagaraga, agaboleyaga ana Izrayeli dhilobo dhawa, katamelege waranjula agaalogosaga mangawu. (Obud 22:25; Olib 15:7, 8; Masal 37:26; 112:5) Yanrumeliwa omukoka nrajulo mwanawedda. (Olib 23:20) Ayuda anonelamo wi enorumeliwa oboleyiha vamaronddani, ottiya muttu agayelega. Anawedda ali mwizrayeli mwamudhidhi mungonovi, masaka mena ninga anamarondda, vina yali yovevuwa opitxa nranjulo, makamaka awene anziwa wi anaboleyiha ena na maranjulo.
9-15 YA AGOSTO
MAFUMO A MAZU A MULUGU | Olibiha 24-26
“Malamulo Antonyihedha wi Yehova Wanazuzumela Ayana”
it-3 34 ddima 8
Muyana
Malamulo a anyakoddo aninvaha ofuru muyana wateliwa, yaka yoroma, mamune kafwanyela odhowa okoddoni. Ejo yanavaha gari atelaniya ya okana mwana, egadhile okala nipangarazo ninddimuwa na muyana mudhidhi ogavenyilevo mamunaye, yottabwaya akala mulobwanaya wela okwa mukoddoni.—Olib 20:7; 24:5.
it-3 429 ddima 2
Wurula
Jowoneya wi masasanyedho aba ahikala mwa ayelegi mwilabonimwa, vakokomeziwani okala anamavaha ozuzumelana vina okuluvela maruriho a Yehova kiyatota owara. David ohiloga: ‘Kaddinamona muttu wapama opwaziwe, kaddinawona anaye alobaga dhoja.’ (Masal 37:25) Mwaha wa masasanyedho aba ayelegi anpura venjene na mabasawa awene vamodha na anawa kakwa dala, nne vina kaloba dhoja.
w11 1/3 ddima 23
Wanziwa?
Ana Izrayeli, akala mulobwana wele okwa ahimuttiyile mwana, yanjedheliwa wi mbale amutele mamukwelaya wi ambalele mbalaye ziza na marafulaya. (Wita 38:8) Mukalelo obo ohidha oziwiwa mo mlamuloni na Mizé ninga otelana wolamu. (Olibiha 25:5, 6) Merelo a Booz alebiwe munivuruni na Ruti, anowoniha wi mukalelo obu wanlabihedhiwa mwa anamudhi ena alobwana a marafula, akala marafulaya kana mbale.—Ruti 1:3, 4; 2:19, 20; 4:1-6.
Oteliwa muttu na mulamwe wanninreya nsaka na Yezu. Eji enowoneya mwari mwa mavuzo akoseliwe Yezu na asaduseu va Marko 12:20-22. Flávio Josefo, historiador wa muyuda wa nsaka zana noroma, ohiloga wi elemelelo eji kiyakoya bahi nzina na ziza, yanbarela maddebe a anamudhi vina yanninbarela mamukwela. Nsaka nttile, muteliwiya kakana mwaha wa ohalana maddebe na dhina dha marafula mamunaye. Masiki dhawene, mwana wabaliwa muteliwani wolamu wankana mwaha wa ohalana dha marafula.
Nipepese Mafumo Omuyani
it-1 729 ddima 1
Omwalana
Njangara Nomwalana. ‘Onvahe njangara nomwalana.’ Mulobwana aganmwala mwadhiye. ‘Anvahe pette yaye amuttiye.’ (Olib 24:1) Masiki malebo ahitapulelagamo mowakwana mwene, yogana eji yamfwanyelela onvuza muttu wattomeliwa okosa mabasaya, txino agatameli voroma wawiwananiha. Mudhidhi wasasanyiwa njangara nosukumihana, mulobwana wafuna ommwala mwadhiye wankana mudhidhi wa wubuwela akala onofuna wene omwalana na mwadhiye obe nne. Yanfwanyela okalawo mwaha wa omwalana, vina maganoya agalabihedhiwa mofwanyelela, yankamihedha akala muttuya welofuna omwalana ahikanaga mwahaya. Dhahene dhanfwanyelela mwadhiyeya na dhofuna dhaye dhambareliwa. Malebo kantalihedhamo dhalebiwa va ‘njangara nomwalana.’
16-22 YA AGOSTO
MAFUMO A MAZU A MULUGU | OLIBIHA 27-28
“Otene Anele Wakela Mareliho . . . Modhela Weyo”
w10 15/12 19 ddima 18
Kakela Marelio Modhela Mwene Oneddihiwa na Muya Wa Mulugo!
18 Ovuruwana emtapulela olabihedha mazu a Mulugu mwigumini mwehu vina hoja yoja yomuyani enivaha Yehova. (Mt. 24:45) Emtapulela omwiwelela Mulugu vina mwanaye. Yezu ohiloga: ‘Onvolowa mumweneni wa wirimu kahiye ole onddiromoala: ‘Nabuya, Nabuya’, onvolowamo ddule onvirihamo ofuna wa Babaga oli wirimu.’ (Mat. 7:21) Ottiya ejo omwiwelela Mulugu entapulela wiwelela na murima wehu wotene masasanyedho aye mmulogoni vina asogoreli attomeliwe ‘oagawela attu mivaho dhaye’.—Ef. 4:8.
w01 15/9 10 ddima 2
Mareliho a Yehova Anele Wafwanya Emeleli Aye Owiwelela?
2 Mazu aba “wiwelela” agatapuleliwa na hebraiko va Olibiha 28:2, anaddiwana elobo enddowavi. Nlogo na Yehova kanninfwanyela onvuruwana mudhidhi na mudhidhi mbwenye okalawo wawa wotene. Agakosa dhahene anele ofwanya mareliho a Yehova. Mazu aba “ofwanya” na hebraiko anoziwiwa vina ninga otota masaka menji antapulela “otota vina ofwanya” obe “ottidda yatotiwe.”
w10 15/9 8 ddima 4
Katamela Wene Maruriho a Yehova
4 Ana Izrayeli afwanyela omwiwelela na mukalelo gani? Malamulo a Mulugu anloga wi Yehova kagaziveliwe nlogo naye kohimulabela “na murima woziveliwa, wovilevela.” (Kengesa Olibiha 28:45-47.) Yehova onofwanyela wiweleliwa na murima wotene ottiya iyo oddideliwa omwiwelela ninga enpadduwa na dhinama vina adomonyo. (Mk. 1:27; Tia. 3:3) Omwiwelela Mulugu mofwanyelela mukalelo wa omukwela. Ononeya modhela wagalala webaribari ononiha wi malamulo a Mulugu kanlemela vina Mulugu ‘onowattuva abale animutamela’.—Aheb. 11:6; 1 Joau 5:3.
Nipepese Mafumo Omuyani
it-2 767
Ezinddiyelo ya Maddile
Malamulo a Yehova akoddihedhani omwaliha ezinddiyelo ya maddile. (Olib 19:14; kona vina Gano 22:28.) Mwebaribari, omwaliha ezinddiyelo ya maddile “wankana ntowa.” (Olib 27:17) Vowi anya aliba maddebeya agayela milima dhabudduwa mmunddani mwene mpule, omwaliha ezinddiyelo ya maddile yatapulela omukoddiha mwanamwanddamani okana epaddi ya ovikalihanawo. Masaka a wale eji yali ombava. (Job 24:2) Mbwenye ahikalawo attu ohiroromeleya apuja na mukalelwene obo, ana muladdu a omwaliha maddile vina anddimuwa a mu Juda masaka a Ozeya ahiladdanihiwa na abale amwaliha ezinddiyelo ya maddile.—Oz 5:10.
23-29 YA AGOSTO
MAFUMO A MAZU A MULUGU | OLIBIHA 29-30
“Omulabela Yehova Kahiyo Elobo Yorutxa”
w09 1/11 31 ddima 2
Yehova Ononivaha Ofuru Wosakula
Onona ninga enourutxa oziwa vina okosa ennifunana Mulugu? Mizé oleba: ‘Malamulo aba anuvahani miyo ddabuno, kahiyo orutxelani bure kayo ohiviriheyamo.’ (Versíkulu 11) Yehova kannikumbira ehinwodhihu. dhinikumbira iyene sovevuwa vina enowodheya iyo ovirihamo. Kahiyo yohiziweya. Kaninfwanyela owela “odhulu” obe odhowa “okobela wa bara” wi niziwe txini enjedhela Mulugu wa iyo. (Versíkulu 12, 13) Bibilia ononaddela mowakwana mwene mukalelo onfwanyelela iyo weddiha egumi yehu.—Mikeya 6:8.
w09 1/11 31 ddima 1
Yehova Ononivaha Ofuru Wosakula
“MASAKA mena ddinowovaga okana mubuwelo ohifwanyelela vamentoni va Yehova.” Aba mazu alogile mukristu wobuwela wi dhilobo dhabure dhimpadduweli bali mwana dhannimuttonga mubureni. Ebaribari? Kaninwodha ovibarela egapadduwa elobo ya bure? Nne. Yehova onivaha ofuru yosakula okosa enfunihu mwigumini mwehu. Iyene onfuna wi nikose yosakula yapama vina nzu naye Bibilia ononaddela mukalelo onfwanyelihu okosa elobo. Koona mazu a Mizé apa va Olibiha 30.
w09 1/11 31 ddima 4
Yehova Ononivaha Ofuru Wosakula
Yehova onozuzumela dhosakula dhehu? Ndde onozuzumela! Avudheleliwaga na Mulugu, Mizé ologa: ‘Kasakula okalawo.’ (Versikulu 19) Ninasakule dhavi okalawo? Mizé otapulela: ‘Mumukwela Yehova Mulugu wenyu, muvuruwanege dhinloga iyene mukale owiwananeyana na iyene.’ (Versíkulu 20) Nigawunuwiha omukwela wehu Yehova, ninele ofuna onvuruwana vina omwiwelela, masiki epadduwe elobo elobovi ninele okala maro waye. Dhahene ninosakula okalawo—mukalelo wadereto wa okalawo ovanene vina njedhelo na okalawo na mukalakala mwilaboni eswa.—2Pedro 3:11-13; 1Joau 5:3.
Nipepese Mafumo Omuyani
it-3 149 ddima 7
Niyaru
Yehova modhela alabeli aye, awadagana ana Izrayeli ana musoro wovadda, owuma murima vina ‘addiyamaru.’ (Jer 6:10; Mer 7:51) Yakala ninga afugeyile na elobo yaabarela wiwa. Yali maru ahafuguwile na Yehova, onvaha maru ononelamo vina owiwelela mwa abale animutamela, mbwenyi, onotiya maru omuyani a abale ahiniwelela okala ozuzumene. (Oleb 29:4; Rom 11:8) Murumiwi Paulo ohiloga mudhidhi ogakalilewo anamasadduwela a nroromelo nebaribari, ahifunaga ovuruwana ebaribari ya Mazu a Mulugu mbwenye afwaraga ‘masunziho awota’ arumelaga masunziho ópela malago. (2Tim 4:3, 4; 1Tim 4:1); 1Sam 3:11; 2Amwe 21:12; Jer 19:3.
30 YA AGOSTO–5 YA SETEMBURU
MAFUMOA MAZU A MULUGU | OLIBIHA 31-32
“Kasunza na Mazu a Foto a Jibo Dhovudheleliwa”
“Eddihaní Murima Waga, wi Ddovege Nzina Nenyu”
8 Ana Izrayel, ahinatti ovolowa Elabo Yopikireliwa, Yehova wahimusunziha Mizé mazu a jibo. (Olib. 31:19) Mmalelani Mizé wahisunziha jiboya nlogo notene. (Kengesa Olibiha 32: 2, 3.) Nigatanalela versu esi 2 na 3 ninottittimiha nzina naye, ninowona-wene wi Yehova kanfuna wi nzina naye nipipirihiwege. Yehova onfuna wi dhottanddiwa dhotene dha eziwelo dhiziwe nzina naye! Yali gari enddimuwa vaddiddi wa attu abale ewa masunziho a Mizé aloga mwaha wa Yehova vina mwaha wa nzina naye nottittimiheya! Masunziho avahiwani na Mizé analibiha vina anapangarhaza, ninga muzogwe onrubwela milima. Ninawodhe dhavi oziwa wi dhinsunziha iyo dhinowalibiha attu?
9 Nigalaleyaga vattaddo obe numba na numba, ninomulabihedha Bibilia wila naziwihena attu wi Mulugu nzina naye ddi Yehova. Egawodheya ninowavaha nivuru, walagiha vidiyu enddiginya murima, na watonyihedha vipano dhili mu site esuwene dhinimuttittimiha Yehova. Nigakala omabasani, oskola, peno nigakosaga oleddo, ninofwanyela olabihedha gari yotene wila nawaddele attu mwaha wa esile dhinimuzivela Mulugu wehu wokwela. Iyo ninowanonihedhamo attu okwela wa Yehova nigawaddelaga mwaha wa supaje yaye, vina n’ejileya enfuniye wakosela attu a malogo otene. Nigawaddelaga attu ebaribari ya Babihu wokwela, ninokamihedha ottittimihiwa wa nzina na Mulugu. Nigakosa dhawene ninela wakamihedha attu ononelamo wi dhilobo dhinsunzihiwani mwaha wa Yehova s’ottambi. Dhahene iyo ninowavaha masunziho aliwo olibiha vina opangarhaza.—Iza. 65:13, 14.
w09 1/5 14 ddima 4
Dholaddaniha Dhili mBibiliani—Weyo Onowodha Ononelamo?
Bíbilia onomuladdaniha Yehova na dhilobo dhihina egumi. Iyene onologiwa ninga ‘Mwango wa Izrayeli’, “mwango” “ttawela”. (2 Samuwel 23:3; Masal 18:2; [Masal 18:3 Tradução do Novo Mundo] Olibiha 32:4) Oliganawa kuvi? Dhahene ninga munuwelo vina oliba wa mwango, Mulugu onodha okala mwango wawo wottawela.
w01 1/10 9 ddima 7
Kamutagihe Yehova Wasunzihaga Anawo
7 Koona okwela wa Yehova mmereloni watonyihedhilihe ana Izayeli. Mizé olabihedha dholaddaniha wila atapulele okwela ona Yehova mwa nlogo na ana Izrayeli. Ninowengesa: ‘Nekalelo enamelela ttangwe enddara yaye, enasunziha iyene anaye ovava, jirile Nabuya notapulela nlogo makapwa aye, attukulagana, asapelaga. Yehova yeka ddimweddihile [Jakobi].’ (Olibiha 32:9, 11, 12) Wila ttangwe asunzihe anaye ovava, ‘onowamelela enddara yaye’, onotapula makapwaye wi asunzihe anaye ovava. Mwanaya agalupela otakulu wa endaraya, enfwanyeya vego vali ngovi, maye ‘onovavela.’ Egawoneya wi mwanaya onomottela vati, maye onotitela mutxiddo wi amuttukule mwanaya amuttiddelaga na ‘makapwa aye’. Na mukalelo wakakene Yehova wanneddiha nlogo na Izrayeli nokwela. Ovaha nlogo Malamulo a Mizé. (Masalmo 78:5-7) Mulugu owaweddiha ana Izrayeli nokwela, vafwanyiwani makattamiho, Yehova wanavuna.
Nipepese Mafumu Omuyani
w04 15/9 27 ddima 12
Otapuleliwa wa Nivuru na Olibiha
31:12. Ayima anofanyela ogilati na amambalawa mmatugumanoni vina azuzumele ovuruwana vina apurelemo dhinsunzani.