NSUNZO 58
Kakalavi Oweddeyana na Yehova
Akristu ebaribari ahigana ohittiya nne elobo obe muttu wamwalaniha na Yehova. Mwebaribari weyo vina oniwamo dhawene. Yehova onovaha venjene ttima weddeyana wawo. (Kengesa 1 Mapadduwo 28:9.) Dhilobo gani dhigadhile weha weddeyana wawo vina ogakosile eni na makani ninga aba?
1. Attu ena agadhile dhavi weha weddeyana wehu na Yehova?
Attu ena anele okosa muli mwetemwene wi anittiyihe omulabela Yehova. Mbwenye bani agakosile ejuwene? Ena attiyile ebaribari anologa dhozivala sabwa ya nlogo na Mulugu wi obanihe nroromelo nehu. Awene ankuweliwa asadduweli. Ottiya ejo, asogorheli ena a marelijiau anowaza dhottambi mwaha wa iyo na efunelo ya wattiyiha attu ena ebaribari. Jowopiya otamela ologa na abale annisadduwela, wengesa manivuru awa, wona miselu dhawa mwinternetini, odhowa mu site mwawa vina wonaga manivuru awa. Yezu wahiloga sabwa ya abale antamela wattiyiha ena omulabela Yehova: “Kamwazuzumele. Abale aliba ohona, anaweddiha aliba ohona akwawa. Akala muttu wohona, onomweddiha muttu wohona mukwaye, oheli anogwela muttoloni.”—Mateu 15:14.
2. Dhogana dhehu dhintonyihedha dhavi wi nili oweddeyana na Yehova?
Omukwela wehu Yehova onele onittukulela ohikosa mpaddi wa marelijiau ottambi. Ejo entapulela wi kaninkosa epaddi ya nikuru eniwanana na marelijiau ottambi, nne mabasa ehu obe elobo yina enkosihu. Yehova ononaddela: ‘Budduwanimo mmuttetteni mpo w’o Babilónia.’—Ovuhulela 18:2, 4.
KASUNZAVI
Koona enfwanyeliwe okosa wi ohimuttiye muttu wobaniha weddeyana wawo na Yehova. Koona vina enakosiwe wi otonyihedhe weddeyana wawo na Yehova modhela obudduwa mBabilónia Munddimuwa.
3. Porhe-porhe na masunziho ottambi
Ninakose eni nigewa dhilobo dhabure sabwa ya nikuru na Yehova? Kengesa Gano 14:15, mugamala mutanaalele nivuzo ntti:
Ninfwanyelela eni okala txenjewa wi nihirumeele dhotene dhiniwihu?
Kengesa 2 Joau 9-11, mugamala mutanaalele mavuzo aba:
Ninaweddihe dhavi asadduweli?
Ninoziwa wi kahiyo yamalago ologaga na asadduweli, mbwenye nigadhile dhavi okwekwetteya na dhubuwelo dhawa?
Yehova agewilemo dhavi iyo kovuruwana dhilobo dhohikala dhinlogiwa mwaha wa iyene vina nikuru naye?
4. Kakalavi oweddeyana na Mulugu masiki akala mbali onokosa yottega
Ninfwanyela okosa eni akala mbali mmulogoni onokosa yottega enddimuwa? Koona yalogile Mulugu na nlogo na Izrayel. Kengesa Onamakutha 5:1.
Ninga munlogela versu eji, nigaziwa wi mbali ohikosa yottega enddimuwa, ninofwanyela wawaddela anddimuwa a mmulogoni. Mbwenye egahikala yaderetu ologa na mwinya wi awaddele anddimuwa a mmulogoni. Akala iyene kanakose ejoya, weddeyana wehu na Yehova onele onittukulela wawaddela anddimuwa a mmulogoni ejile enziwihu. Okosa ejuwene entonyihedha dhavi okwela woweddeyana . . .
na Yehova Mulugu?
na muttuya okosile yottega?
na attu ena mmulogoni?
Akala mbali onogumanana makattamiho kuttiye omukamihedha!
5. Kakala wolapawene na Babilónia Munddimuwa
Kengesa Luka 4:8 na Ovuhulela 18:4, 5, mugamala mutanaalele mavuzo aba:
Nzina naga ninofwanyeyavi mmanivuruni a marelijiau ottambi?
Ddinokosa mpaddi wa nikuru niniwanana na marelijiau ottambi?
Mabasa ankosimi anokamihedha marelijiau ottambi?
Dhikalawo dhipaddi dha mwigumini mwaga dhinfwanyelelimi wogolela wi ddigwadde mandano na marelijiau ottambi?
Akala ddinowakula ndde mwa mavuzo aba, matxinjo gani anfwanyelimi okosa?
Mwa dhilobo dhotene kagana otonyihedha weddeyana wawo na Yehova vina ottiya mubuwelo wawo wotxenene.
Txini egakosiliwe kokumbiriwa ovaha elobo-txilobo nikuru na relijiau ninkosa mabasa okamihedha?
ATTU ENA ANLOGA WI: “Miyo ddinofwanyela oziwa dhinloga asadduweli mwaha wa Anamoona a Yehova, wi ddiwodhe obarela ebaribari.”
Onona ninga egahikala yaderetu okosa ejoya? Sabwaya jani?
OGWADDELA
Ninofwanyela okalavi attu oweddeyana na Yehova, nona enofuneya ogwadda mandano na abale antamela oninyengetta.
Kobuwela Dhisunziliwe
Sabwaya jani kaninfwanyela wona, wengesa obe wiwa dhinloga asadduweli?
Ninaweddihe dhavi attu abale akoseile yottega enddimuwa?
Ninewelele dhavi nikokomezo na ottawa marelijiau ottambi?
TAMELÁ ONONELAMO DERETU
Koona txini enakosiwe attu ena agavuwihaga dhottambi mwaha wa Anamoona a Yehova.
“Weyo Ohikana Ebaribari ya Miseludha Esi?” (Mwang’aneli, Agosto de 2018)
Onawodhe dhavi ozinddiyela akala nikuru obe mabasa anokamihedha Babilónia Munddimuwa?
Txini ekosile asadduweli wi yobanihe nroromelo nehu?
Wi ononelemo emuttukuleli namakutta xintoísta obudduwa mu relijiauni yottambi, kengesa nipadduwo “Eu tinha procurado por Deus desde a infância”.