Muselu onlogetxa Bibilia, Omwene wa Mulugu. Yehova onele olabihedha Omwene obu wi asaddulena elabo ya vati ekale paraizu. Kito Omwene wa Mulugu txini? Ninziwa dhavi wi Omwene obu onolamulela? Txini dhiwodhile okosa Omwene wa Mulugu? Omwene obu onakose eni musogorho? Nsunzo ntti na mena meeli anfwarela anele wakula mavuzo aba.

1. Omwene wa Mulugu Txini nanda Mweneya bani?

Omwene wa Mulugu, olamulela witile Yehova. Mweneya ddi Yezu Kristu, iyeneya onalamulele ovenyana wirimu. (Mateu 4:17; Joau 18:36) Bibilia onloga wi Yezu: ‘Onele okala Mwene . . . wa mukalakala.’ (Luka 1:32, 33) Egali dhawene Mwene wa Omwene wa Mulugu Yezu, onele walamulela attu a elabo yotene.

2. Bani onalamulele na Yezu?

Yezu kanalamulele yeka. Attu a ‘mahimo etene, a vilogelo dhetene, a malogo na vilabo dhetene . . . anele olamulela na iyene.’ (Ovuhulela 5:9, 10) Attu angasi analamulele na Yezu Kristu? Ovenyana mudhidhi odhile Yezu velaboni ya vati, attu matxikwi menjene anosunza ebaribari. Mbwenye kuloga Akristu otene anele olamulela na iyene? Nne. Attu owakwana 144,000 banalamulele vamodha na Yezu ovenyana wirimu. (Kengesa Ovuhulela 14:1-4.) Akristu ena anele okosa mpaddi wa nlogo na Mulugu velaboni ya vati.—Masalmo 37:29.

3. Omwene wa Mulugu okalelini wa makamaka mottiyana na olamulela wa attu?

Masiki alamuleli vanvilibihedhani okosa dhilobo dhaderetu, awene kana ewodhelo yokosa dhilobo dhotene dhinajombela attu. Onofiya vina mudhidhi ontxinjiwa mweneya, avahiwaga omweneya muttu mwina, txino ohinfuna oderetu wa nlogo. Mbwenye mulamuleli wa Omwene wa Mulugu txipo kanatxinjiwe na muttu mwina. Mulugu onele ‘wimetxa omwene ohinatolotxiwe-wene.’ (Daniyel 2:44) Yezu onele olamulela elabo yotene, kanaweddihege attu na nsakulano. Iyene ddokwela, ddwapama, vina ddoligana, onele wasunziha attu mukalelo woweddihana muttu na mukwaye—na okwela, na opama vina oligana.—Kengesa Izaiya 11:9.

4. Omwene wa Mulugu onele olamulela elabo yotene

Owodha ona Yezu wa ottonga, onopitta owodha wa alamuleli otene akalilewo. Kengesa Mateu 28:18, mugamala mutanaalele nivuzo ntti:

• Ottiyana gani oliwo wa ewodhelo ena Yezu ya olamulela na ewodhelo ya olamulela wa attu?

Alamuleli a mwilaboni anotxinjana mmodha na mwina, muttu-muttu onttonga elabo yaye. Kito ninaloge dhavi wa Omwene wa Mulugu? Kengesa Daniyel 7:14, mugamala mutanaalele mavuzo aba:

• Ekaleleni yaderetu oziwa wi Omwene wa Mulugu “kunatolotxiwe”?

• Ekaleleni yamakamaka oziwa wi Omwene wa Mulugu onele olamulela elabo yotene?

5. Olamulela wa omuttu anofwanyela otxinjiwa

Omwene wa Mulugu onfunelani otxinja olamulela wa attu? Karumiha VIDIYU, mugamala mutanaalele nivuzo ntti.

VIDIYU: Omwene wa Mulugu Txini?—Yogwaddela (1:41)

• Dhopadduwa gani dhinoneya sabwa ya olamulela wa attu?

Kengesa Kohelét 8:9, mugamala mutanaalele nivuzo ntti:

• Ononamo dhavi, Omwene wa Mulugu onofwanyelela watxinja alamuleli a attu? Sabwaya?

6. Omwene wa Mulugu ohikana alamuleli anniziwa pama

Mwene wehu Yezu Kristu ohikala velaboni ya vati ninga muttu womaningoni, nona iyene ‘onoziwelamo deretu dhowobana dhehu.’ (Ahebreu 4:15) Ottiya ejo, Yehova ohasakula attu owakwana 144,000 analamulele na Yezu, attu a ‘mahimo otene, a vilogelo dhotene a malogo na vilabo dhotene.’—Ovuhulela 5:9.

• Weyo oniwamo dhavi ogaziwa wi Yezu na abale analamulele na iyene anononelamo makattamiho annipatta? Sabwaya jani?

7. Malamulo a Omwene wa Mulugu bamakamaka opitta a attu

Alamuleli anowita malamulo wi akamihedhe vina abarele nlogo. Omwene wa Mulugu vina ohikana malamulo. Kengesa 1 Korinto 6:9-11, mugamala mutanaalele mavuzo aba:

• Onona ninga elabo egakalile dhavi attu otene kowiwelelaga malamulo a Mulugu?a

• Txini enonamo weyo, Yehova ohikana mwaha wa attu wiwelela malamulo aye? Sabwaya jani?

• Txini enoniha wi attu ahiniwelela malamulo aba anodhaga otxinja?—Koona versu 11.

OGWADDELA

Omwene wa Mulugu, olamulela webaribari oli wirimu onalamulele elabo ya vati.

Kobuwela Dhisunziliwe

• Alamuleli a Omwene wa Mulugu bani?

• Omwene wa Mulugu okalelini wa makamaka opitta olamulela wa attu?

• Txini enfuniwana attu wira wi akose mpaddi wa Omwene wa Yehova?

TAMELÁ ONONELAMO DERETU

Koona esunzihile Yezu sabwa ya mburo oli Omwene wa Mulugu.

“Será Que o Reino de Deus é Algo Que Está no Nosso Coração?” (Mitoma dha mu jw.org)

Anamoona a Yehova anoonela eni wi jamakamaka wiwelela Omwene wa Mulugu mottiyana na olamulela wa attu?

Aviperhekele Omwene wa Mulugu (1:43)

Koona enloga Bibilia sabwa ya attu owakwana 144,000 asakulile Yehova wi alamulele na Yezu.

“Quem Vai Para o Céu?” (Mitoma dha mu jw.org)

Txini emuttukuleli muyana dhahi wafugeliwe, oziwa wi ddi Mulugu bahi onagomihe opujiwa?

“A Minha Procura Por Um Mundo Sem Injustiça” (Despertai!, Novembro de 2011)

Yezu ohiloga na anamafwara aye wi “nyuwo kamunkosa mpaddi wa elabo.” (Joau 15:19) Ohikosa mpaddi wa elabo—eniwanana na ohikosa mpaddi wa politika vina ohivivolotxihedha mukoddoni ya mwilaboni. Mwebaribari, kahiye yovevuwa ohikosa mpaddi wa elabo vowi attu ena anonibedda sabwa ya ejuwene. Ninawodhe dhavi okala attu ahinkosa mpaddi wa elabo vina oweddeyana na Yehova?

1. Monelo wa Akristu buvi mwaha wa alamuleli?

Akristu anowariha alamuleli. Neji anokosa ejile elogile Yezu “mumvahe Sésari eli yaye”—ejo enotonyihedha wi iyo ninowiwelela malamulo a elabo, ninga opitxa misoko. (Marko 12:17) Bibilia ononisunziha wi alamuleli anlamulela sabwani Yehova olowattiya wi alamulele. (Roma 13:1) Nona ninoziwa ttima ena alamuleli. Mbwenye awene kana ttima enimukwaranya Mulugu. Ninoziwa wi Omwene wa Mulugu bunagomihe makattamiho otene a mwilaboni.

2. Ninatonyihedhe dhavi wi kaninkosa mpaddi wa elabo?

Ninga Yezu, iyo kaninivivolotxa mpolitikani. Mudhidhi wonile attu matikiniho akosile Yezu, awene ahitamela omukosa mwene mbwenye iyene wahikoodda. (Joau 6:15) Sabwaya jani? Elogiliye vasogorho enonivaha yowakulaya “Omwene waga kuli wa mwilaboni-mpuno.” (Joau 18:36) Sabwa yokala anamafwara a Yezu, ninotonyihedha wi kaninkosa mpaddi wa elabo na mikalelo dhottiyana. Motagiha, kanindhowa okoddoni. (Kengesa Mikeya 4:3.) Ottiya ejo, kaninidda vina kaninkamihedha epaddi yina ya partidu, iyo ninotonyihedha nriho mwilaboni munkalihu—mbwenye kaninebedha bandera—vina kaninkosa dhilobo dhiniwanana na esene. (1 Joau 5:21) Esi mikalelo dhing’onovi dhintonyihedhihu wi nili attu oweddeyana—na Omwene wa Mulugu.

KASUNZAVI

3. Akristu ebaribari kankosa mpaddi wa elabo

Yezu na anamafwara aye kakosa mpaddi wa elabo, nona iyo vina ninofwanyelela ofwara yotagiha yawa. Kengesa Roma 13:1, 5-7 na 1 Pedro 2:13, 14. Karumiha VIDIYU mugamala mutanaalele mavuzo aba.

VIDIYU: Akristu Ebaribari Kankosa Mpaddi wa Elabo—Epaddi 1 (4:28)

• Txini ennittukulela wariha alamuleli?

• Ninatonyihedhe dhavi wi ninowawiwelela?

Mudhidhi wa koddo, malogo mena anologa wi kankamihedha koddo, mbwenye masiki dhawenevi omamalelowa awene anokamihedha makuru omeli a koddoya. Txini entapulela ohikosa mpaddi wa elabo? Kengesa Joau 17:16. Karumiha VIDIYU mugamala mutanaalele nivuzo ntti.

VIDIYU: Akristu Ebaribari Kankosa Mpaddi wa Elabo—Epaddi 2 (3:11)

• Ohikosa mpaddi wa elabo entapulela eni?

Kito akala alamuleli anonikumbirha okosa elobo ehiniwanana na malamulo a Mulugu? Kengesa Merelo 5:28, 29.Karumiha VIDIYU mugamala mutanaalele mavuzo aba.

VIDIYU: Akristu Ebaribari Kankosa Mpaddi wa Elabo—Epaddi 3 (1:18)

• Akala nlamulo na attu ninoniruma okosa elobo ehiniwanana na nlamulo na Mulugu, nlamulo gani ninfwanyelela iyo wiwelela?

• Onowodha wubuwela mudhidhi gani ohinfwanyelela Akristu wawiwelela alamuleli?

4. Kakala muttu ohinkosa mpaddi wa elabo muyubuweloni vina mmereloni

Kengesa 1 Joau 5:21. Karumiha VIDIYU mugamala mutanaalele mavuzo aba.

VIDIYU: Enfuneyela Nni Akristu Ebaribari Olibiha Murima—Wi Atxatxame Elabo (2:49)

• Mvidiyuni, txini yamuttukulele Ayenge ohikosa mpaddi wa partidu ya politika vina webedha bandera?

• Weyo onona ninga iyene ohikosa yogana yaderetu?

Dhilobo gani dhina dhigehile ohikosa wehu mpaddi wa elabo? Karumiha VIDIYU, mugamala mutanaalele mavuzo aba.

VIDIYU: Mwangʼaneli—Ohikose Mpaddi wa Elabo Mwilaboni Yogaweya (5:16)

• Ninatonyihedhe dhavi wi kaninkosa mpaddi wa elabo ogaponyiwaga mpirha wa elabo yotene?

• Ninatonyihedhe dhavi wi kaninkosa mpaddi wa elabo akala dhogana dha muttu wa mpolitikani dhinonipatta?

• Dhilobo dhinvuruwanihu na attu ena vina mmanotisiani dhimpatta dhavi ohikosa wehu mpaddi wa elabo?

OGWADDELA

Akristu anovilibihedha okala attu ahinkosa mpaddi wa elabo muyubuweloni, mmazuni vina mmereloni.

Kobuwela Dhisunziliwe

• Txini enfwanyelela iyo wavaha alamuleli?

• Ninfwanyelela eni ohikosa mpaddi wa elabo?

• Dhilobo gani dhigadhile weha ohikosa wehu mpaddi wa elobo?

TAMELÁ ONONELAMO DERETU

Dhilobo gani dhina dhinakosihu wila nitonyihedhe wi kaninkosa mpaddi wa elabo?

Yehova Ononikoyavi (3:14)

Txini enfwanyelela okosa anamudhi wi avisasanyedhe agafwanyiwa yoweha mwaha wa ohikosa mpaddi wa elabo?

Nitxatxame Dhawiriwa Dha Mwilaboni (4:25)

Sabwaya jani owana wi obarele elabo kahiye elobo yamakamakaya egobuweli muttu okosa?

“Para Deus Todas as Coisas são Possiveis” (5:19)

Koona mukalelo onatonyihedhihu wi kaninkosa mpaddi wa elabo, nigakosaga yogana mwaha wa mabasa.

“Cada um levará sua própria carga” (A Sentinela, 15 de Março de 2006)