1. Yezu Bani?

Yezu anju wa guru onkala wirimu. Ahinattandde elobo-elobovi, Yehova oromile omuttandda Yezu. Nona, iyene agakuweliwa ‘muttaji wa dhottanddiwa dhotene.’ (Kolosi 1:15) Bibilia vina onloga wi Yezu ddi “Nammodha” wa Mulugu. Ejo entapulela wi Yezu ddiromile ottanddiwa kakamwe na Yehova. (Joau 3:16) Iyene ohilaba vamodha na babe Yehova, amukamihedhaga ottandda dhilobo dhotene. (Kengesa Gano 8:30.) Yezu ohidhowavi akaanaga mandano oliba na Yehova. Iyene mwimeleli wa Mulugu vina ddinvuwiha miselu na magano a Yehova. Nona, Bibilia agamwittanaga “Nzu.”—Joau 1:14.

Iyo ninottega, ninotabuwa vina ninokwa sabwani Adamu na Eva kamwiweleli Mulugu.a Mbwenye dhotene kadhiyeleliwe. Yehova ohimuruma mwanaye Yezu Kristu wi anivune muttegani vina mukwani. Bibilia ononisunziha wi na okwa waye, Yezu owodha opitxa yobolo. Yobolo muttengo ompitxiwa wi ofuruliwena muttu. Muttengo opitxele Yezu wali egumi yaye yowakwana. (Kengesa Mateu 20:28.) Yezu ohittiya ofuru waye wa okala na mukalakala, mwa dhawene iyene ofugula dila wi niwodhe wobolela dhotedhene dhiyelelile Adamu na Eva. Okwa wa Yezu ohoniha wi iyene na Yehova anonikwela. Nsunzo ntti ninele onikamihedha wenjedhedha otamalela wehu mukutto wa Yezu Kristu.

1. Okwa wa Yezu onanikamidhe dhavi masaka abano?

Iyo nili attegi, nona ninokosa dhilobo dhinji dhinimunyimula Yehova. Mbwenye sabwa ya ejile enikosele Yezu, enowodheya oleveleliwa dhottega dhehu. Mbwenye wila ewodheye, jofuneya otxinuwa na murima wotene, omukumbirha nlevelelo Yehova mwa nzina na Yezu Kristu vina okosa muli mwetemwene wi nihiyelele okosa yottega yakakene. Nigakosa dhawene, ninele owodha okana mandano oliba na Yehova. (1 Joau 2:1) Bibilia onloga dhahi: ‘Kristu vina okwelé kúluwi dhottega dha attu, iyene ohittegilevi opeliwa avuti, wi anidhowena vali Mulugu.’—1 Pedro 3:18.

2. Okwa wa Yezu onawodhe dhavi onikamihedha musogorho?

Yehova ohimuruma Yezu wi aperheke egumi yaye ‘wi animuroromela ahirimele, attidde egumi yohimala.’ (Joau 3:16) Modheela mukutto operhekile Yezu, Yehova onele ogomiha obure wotene ompadduwa sabwa ya ohiwelela wa Adamu. Eji entapulela wi akala ninororomela mukutto wa Yezu, ninele okana gari yokala mparaizu na mukalakala velaboni ya vati!—Izaiya 65:21-23.

KASUNZAVI

3. Mukutto oniperekeli Yezu ononifurula muttegani vina mukwani

VIDIYU: Yezu okweli eni?—Epaddi 1 (2:01)

• Gari gani eyelelile Adamu sabwa ya ohimwiwelela Mulugu?

Kengesa Roma 5:12, mugamala mutanaalele nivuzo ntti:

• Ottega wa Adamu opattile dhavi egumi yehu?

Kengesa Joau 3:16, mugamala mutanaalele nivuzo ntti:

• Yehova omurumelini mwanaye velaboni ya vati?

1. Adamu wali mulobwana woligana, mbwenye sabwa ya ohiwelela waye attu otene anottega vina anokwa

2. Yezu wali mulobwana woligana, mbwenye sabwa ya wiwelela waye attu otene anele owodha okana egumi yowakwana vina okalawo na mukalakala

4. Okwa wa Yezu onowodha wakamihedha attu otene

VIDIYU: Yezu okweli eni?—Epaddi 2 (2:00)

• Okwa wa muttu mmodha bahi, onwodha dhavi wafurula attu otene?

Kengesa 1 Timóteo 2:5, 6, mugamala mutanaalele nivuzo ntti:

• Adamu wali muttu owakwana, mbwenye sabwa yottega yaye attu otene anottega vina anokwa. Yezu vina wali mulobwana owakwana. Iyene odhile dhavi okala yobolo “yafurulile attu otene”?

5. Yobolo nvaho oniperekeli Yehova

Mwa amarho a Yehova yobolo nvaho wa ttima vaddiddi. Ninga motagiha, kengesa Galásia 2:20, mugamala mutanaalele nivuzo ntti:

• Murumiwi Paulo otonyihedhile dhavi wi wannoona yobolo ninga nvaho omperekeli Mulugu?

Muttegeli Adamu, iyene na attu otene abaliwe osogorho attongeliwa okwa. Mbwenye Yehova operheka egumi ya mwanaye wi awuvahe gari ya okalawo na mukalakala.

Mugengesaga maversu aba, kobuwelani mukalelo wewamo Yehova amoonaga mwanaye atabuwaga. Kengesa Joau 19:1-7, 16-18, mugamala mutanaalele nivuzo ntti:

• Onviwamo dhavi mwa esile dhukoseli Yehova vamodha na mwanaye Yezu?

OGWADDELA

Okwa wa Yezu ohimuttukulela Yehova olevelela dhoddawa dhehu, okwa wa Yezu vina ononivaha gari yokalawo na mukalakala.

Kobuwela Dhisunziliwe

• Yezu okweli eni?

• Egumi yowakwana ya Yezu, ewodhile dhavi okala yobolo yawakwanele attu otene?

• Okwa wa Yezu, onawodhe dhavi wukamihedha?

TAMELÁ ONONELAMO DERETU

Kasunza sabwaya enkuweleliwa yobolo egumi yoligana ya Yezu.

“Como é Que o Sacrifício de Jesus Pode Servir Como ‘Resgate em Troca de Muitos’?” (Mitoma dha mu jw.org)

Kazinddiyela txini enfwanyelihu okosa wi nivuniwe.

“Como—É Que Jesus Nos Salva?” (Mitoma dha mu jw.org)

Koddi Yehova onolevelela masiki dhoddawa dhottabwa?

“Perguntas Bíblicas Respondidas” (A sentinela, 1.º Maio de 2013)

Koona mukalelo okamihedhiwe mulobwana wawanana dhubuwelo dhohifwanyelela mumaleliye osunza mwaha wa mukutto oniperekeli Yezu.

“Já não sou escravo da violência” (Mitoma dha mu jw.org)

1. Ninatonyihedhe dhavi wi ninottittimiha ejile enikoseli Yehova vamodha na mwanaye Yezu?

Bibilia onopikirela wi ‘wotene oddule onimuroromela’ Yezu onele okalawo na mukalakala. (Joau 3:16) Mbwenye omuroromela entapulela eni? Kahiyo omuroromela Yezu bahi. Ninofwanyela otonyihedha nroromelo nehu mwari mwa dhogana vina dhowira dhehu. (Tiago 2:17) Nigatonyihedhaga na mazu vina merelo wi nikana nroromelo, ninolibiha mandano ehu na Yezu vina na Babe Yehova.—Kengesa Joau 14:21.