NSUNZO 22
Weyo Onawodhe Dhavi Ologa na Attu Ena Mwaha wa Miselu Dhapama?
Weyo omala osunza dhilobo dhinji mwaha wa Yehova, txino onowubuwela: ‘Attu otene anofwanyela oziwa mwaha wa miselu esi!’ Ejo ebaribari, attu otene anofwanyelela oziwa miselu dhapama! Masiki dhawene, onodhaga okana manyazo ologa na attu ena mwaha wa esile dhinsunza weyo. Mwari mwa nsunzo ntti, ninele wona dhilobo dhinawukamihedhe opemberha wova vina ofwanya wagalala modhela ologa na attu ena mwaha wa miselu dhapama.
1. Weyo onawodhe dhavi ologa esile dhisunziliwe na attu anaziwiwe?
Anamafwara a Yezu ahiloga: “Iyo kaninwodha omalana dhonilehu, dhiwalehu.” (Merelo 4:20) Awene ankwela vaddiddi ebaribari eji, nona anfuna ologa na attu owinjiva. Weyo vina oniwamo dhawene? Akala jijuwene, katamela mudhidhi wi ologe na anamudhi vina amarho awo mwaha wa esile dhinsunziwe.—Kengesa Kolosi 4:6.
Nikamihedho
Ogafunaga ologa na mwanamudhi, karoma ologa dhahi: “ddisunza elobo yamakamaka sumana eji.”
Kamutonyihedhe nlebo na Bibilia mukwawo oli muredda obe ona mazuzumo.
Akwawo omabasani agawuvuza mukalelo weddiliwe omamalelo wa sumana, kaloga esile dhisunziliwe omatugumanoni obe munsunzoni nawo na Bibilia.
Katonyihedhe akwawo site jw.org.
Kawobe akwawo wi akale vamodha na weyo vansunzoni nawo obe katonyihedhe mukalelo onkumbirhiwa nsunzo na Bibilia mu jw.org.
2. Ekaleleni yamakamaka olaleya vamodha na abali ena a mmulogoni?
Anamafwara a Yezu ahikosa dhilobo dhinji ottiya ologa na attu ena mwaha wa miselu dhapama, awene vina anlaleya na mukalelo wovisasanyedha. Yezu oharuma anamafwara aye wi alaleye ‘eli-eli osogorho waye mmittetteni dhotene’. (Luka 10:1) Ejo, ehavaha attu enji gari yovuruwana miselu dhapama. Ottiya ejo, olaleya vamodha na attu ena yanakamihedha okana wagalala. (Luka 10:17) Weyo ogahiziveliwa olaleya na attu ena a mmulogoni?
KASUNZAVI
Koona enawukamihedhe okwaranya wova olaleya vina okana wagalala mmabasani olaleya miselu dhapama.
3. Yehova onele okalavi na weyo
Attu ena anofuna olaleya mbwenye anozuzuma mwaha wa mukalelo onfunani ottambirhiwa vina onfunani wakeliwa miselu dhawa.
Weyo onowovaga ologa na attu ena sabwa ya esile dhinsunziwe? Sabwaya jani?
Karumiha VIDIYU, mugamala mutanaalele nivuzo ntti.
Azombwe aba a Anamoona a Yehova, awodhile dhavi okwaranya wova?
Kengesa Izaiya 41:10, mugamala mutanaalele nivuzo ntti:
Nlobelo ntti ninawukamihedhe dhavi ogattiddiwa wova?
Wanziwa?
Enji ali Anamoona a Yehova masaka abano, obuwela wi kagawodhile olaleya miselu dhapama. Koona yotagiha ya mbali onkuweliwa Sergey, wo’Rússia iyene kavyonana ttima vina yannimurutxa vaddiddi ologa na attu ena. Mbwenye muromeliye omusunza Bibilia, ohiloga: “Masiki ddovaga, ddahiroma ologa na attu ena mwaha wa esile dhasunzimi. Ologa na attu ena mwaha wa Bibilia, ehiddikamihedha ovyonana ttima. Vina ehiddilibiha okoya mmirimani mwaga dhotedhene dharoromelimi.”
4. Kaloga na mukalelo wofwaseya
Ogalogaga na attu ena mwaha wa miselu dhapama, kuwubuwele bahi dhinfuniwe ologa mbwenye wubuwele vina mukalelo wologawa. Kengesa 2 Timóteo 2:24 na 1 Pedro 3:15, mugamala mutanaalele mavuzo aba:
Onawodhe dhavi olabihedha maversu aba ogalogaga na attu ena mwaha wa Bibilia?
Anamudhi vina amarho awo anodhaga ohirumeela esile dhinlogiwe. Txini efwanyeleliwe okosa?
Monelo wamalago buvi: ologa na awene na mukalelo wofwaseya vina waderetu obe wadidela orumela esile dhinlogiwe? Sabwaya jani?
5. Ologa na attu ena mwaha wa miselu dhapama enowagalaliha
Yehova wahimuttomela Yezu mabasa olaleya miselu dhapama. Yezu wona dhavi mabasa aba? Kengesa Joau 4:34, mugamala mutanaalele mavuzo aba:
Oja ononagalaliha vina ononikamihedha okalawo. Yezu oladdanihele eni okosa efunelo ya Yehova—ya olaleya miselu dhapama—na oja?
Wagalala gani ondana mabasa olaleya?
Malago Anawukamihedhe
Mmatugumanoni a vari va sumana, kafwaseyela wona dhotagiha dhinawukamihedhe oroma ologa mwaha wa miselu dhapama na attu ena.
Kobuwela ovilebeliha mu eskola ya anamalaleya wila okosege dhipaddi dha mmatugumanoni a vari va sumana. Dhottomeliwa dha anamasunza dhinakeliwe dhinele wukamihedha okana nikuluvelo nologa na attu ena mwaha wa esile dhinsunziwe.
Kalabihedha dhipaddi “Attu Ena Anloga Wi” obe “Muttu Agawuvuza” wila ovisasanyedhele wakula mavuzo mena vina wila owodhe wakamihedha attu ahinrumela esile dhinlogiwe.
MUTTU AGAWUVUZA: “Okana miselu dhiswa?”
Ogalabihedhile dhavi gari ejo wi ologe esile dhinsunziwe mBibiliani?
OGWADDELA
Ologa na attu ena mwaha wa miselu dhapama enonivaha wagalala vina kinrutxa.
Kobuwela Dhisunziliwe
Ninlogela eni miselu dhapama na attu ena?
Onawodhe dhavi okosa ejuwene na mukalelo wa deretu?
Onawodhe dhavi okwaranya wova wolaleya?
TAMELÁ ONONELAMO DERETU
Koona mikalelo minai dhohirutxa, dhinawukamihedhe ologa mwaha wa miselu dhapama olabihedhaga kartau novolowana mu site jw.org.
Apresentação Modelo Dos Cartões de Visita do Site JW.ORG (1:43)
Kansunza mikalelo minai dhinawodhe wukamihedha ologa na attu ena mwaha wa miselu dhapama.
“Oli Womala Nawale Wi Okale Namattadda wa Attu?” (Mwang’aneli, wa Setemburu wa 2020)
Koona yotagiha ya mBibiliani enanikamihedhe oliba murima wila nilaleye miselu dhapama, Masiki nikalaga azombwe.
Kasunza marhe anawukamihedhe ologa mwaha wa Bibilia na anamudhi ahili Anamoona a Yehova.
“Como Tocar o Coração De Familiares Discrentes” (A Sentinela, 15 de Março de 2014)