Dhowakula dha Mabasa na Yeddelo Yehu ya Okristu
4-10 YA FEVERERO
MAFUMO A MAZU A MULUGU | ROMA 1-3
“Kutxelele Owaraliha Mubuwelo Wawo”
(Roma 2:14, 15) Txibarene amalabo kanziwa malamulo alogile Mulugu; ahiziwilevi, agera dhinruma malamulo bari munlogela mmurimani mwawa, jijiwene enakalela malamulo awa. 15 Mweddelo wawa onoziwa wi mmurimani mwawa mulebiwa dhinruma malamulo. Nzu na mmurimani mwawa, ovahedhana wawa malago, dhinowasunziha enfwanyelelani wira: masiku mena dhinowasumulula, masiku mena dhinowasongorhiha.
lv 16 ddima 6
Mubuwelo Oneddihiwa Na Mulugu Onokala Waderetu
6 Mvaho obu wa mubuwelo bwa adharivi a Yehova? Koona mazu a owubuwelihiwa a murumiwi Paulo: “Txibarene amalabo kanziwa malamulo alogile Mulugu; ahiziwilevi, agera dhinruma malamulo bari munlogela mmurimani mwawa, jijiwene enakalela malamulo awa. Mweddelo wawa onoziwa wi mmurimani mwawa mulebiwa dhinruma malamulo. Nzu na mmurimani mwawa, ovahedhana wawa malago, dhinowasunziha enfwanyelelani wira: masiku mena dhinowasumulula, masiku mena dhinowasongorhiha.” (Roma 2:14, 15) Masiki abale ahinziwa-wene malamulo a Yehova dila dhiina anosoriha malamulo aba sabwa ya okwekwethiwa na namoona oddu wa mwari bagakosa dhilobo mowiwanana na magano a Mulugu.
(Roma 2:15) Mweddelo wawa onoziwa wi mmurimani mwawa mulebiwa dhinruma malamulo. Nzu na mmurimani mwawa, ovahedhana wawa malago, dhinowasunziha enfwanyelelani wira: masiku mena dhinowasumulula, masiku mena dhinowasongorhiha.
Mubuwelo Oneddihiwa Na Mulugu Onokala Waderetu
8 Osakule dhavi elobo modheela mubuwelo? Enkala ninga athu ena anañgana bahi mmirimani mwawa, ampepesa bahi esile dhiniwani venevo basakula yokosaya. Vasongorhova baloga: “Mubuwelo waga kunkooddiha ejene”. Dhifunelo dha murima podi okala dha guru vaddiddi mpaka omeza mubuwelo. Bibilia onloga dhahi: “Bani onwodha onona murima wa muthu? Kaiwo yotakala enpitha murima wawota! Murima obo kunlageya.” (Jeremiya 17:9) Ejile enfuna murima wehu txino kaiwo ejile elitxi ya makamaka. Mbwenye voroma ninfuna nike vasogorho ejile enimuhagalaliha Yehova Mulugu.
9 Akala yosakula enowiwanana-wene na mubuwelo wehu wosunzihiwa, enela wooniha yawila ninomova Mulugu othiya wovaga dhifunelo dhehu. Koona nipadduwo nthi nintonyihedha ejene. Guvernadoro Nehemiya wanfanyeela wapitxiha athu akala mu Jeruzalemi misoko na dhilobo dhiina. Mbwenye iyene kakosile. Sabwa yani? Kafuna-wene oludduweliwa na Yehova sabwa ya wooniha goi nlogo na Mulugu. Wahiloga dhahi: “Miyo n’omuriha Mulugu, kaddikosile dhawene.” (Nehemiya 5:15) Enofuneya omova Mulugu watxibarene, wova na murima wotene wa omusilidhiha Babi wehu wa odhulu. Wova oku wa nrhemezo onela onitameliha musogorhelo wa Nzu na Mulugu nigafunaga osakula okosa dhilobo.
Nipepese Mafumo a Omuyani
(Roma 3:4) Nneni kenwodheya. Masiki athu avonyege, Mulugu kansadduwa. M’bíbiliani mulebiwe dhahi: Nyuwo Mulugu, mulogani mwenyu muner’oziweya wi muli woligana; muwaganyedhiwani mwenyu muner’opemberha.
w08 15/6 30 ddima 5
Otapuleliwa wa Nivuru na Roma
3:4. Mazu a attu agahiwananege na mazu a Mulugu, iyo ninalagihe wi ‘Mulugu ddwa ebaribari’ mwa ororomela muselu dha mBibiliani vina nikalagawo mowiwanana na efunelo ya Mulugu. Sabwa ya ozuzumeletxa olaleya Omwene, wakosa anamasunza, ninodha wakamihedha attu ena orumela wi Mulugu ddwa ebaribari.
(Roma 3:24, 25) Ovano Mulugu na nthebwa naye bahi oavulumutxa etene mahalene àrumelaga Yezu Kristu wawobolele. 25 Iyene omurumela Yezu okala mukutho onthimiha dhothega dha abale animuroromela n’okwa waye vapingirhizini. Veneva Mulugu onowoniha okoddela waye murima: wale wanvilela kàkona athu amuthegela.
w08 15/6 29 ddima 6
Otapuleliwa wa Nivuru na Roma
3:24, 25—“Yezu Kristu wawobolele” dhavi attu attegile “wale” iyene ahinatti odha mwilaboni? Nivuhulo noroma naloga esile dhigampadduwele Muttikitteliwi, nilebiwe va nivuruni na Wita 3:15, nakwanihedheyile yaka ya 33 N.K mmalele Yezu okomeliwa vapingirhizini. (Gal. 3:13, 16) Yehova valogiliye nivuhulo ntti, mwa iyene opitxiwa wa yobolo wahimala opadduwa, vowi kaiwo elobo enimurutxiha wakwaniha nipikirelo naye. Noona, mwa abale aroromela wakwanihedheya wa nipikirelo ntti nawi Yehova onela omuruma mwanaye wi akale mukutto onttimiha dhottega dha adhuli a Abramu, anleveleliwa. Mukutto obu vina onela ovaha ewodhelo ya ovenyihiwa mukwani wa Akrisitu a masaka oroma.—Merelo 24:15.
11-17 YA FEVERERO
MAFUMO A MAZU A MULUGU | ROMA 4-6
“Mulugu Onowoniha Onikwela Waye”
(Roma 5:8) Vano Kristu ovilevela opeliwa iyo, oku banilivi athegi. Eji jinoniha wi Mulugu ononikwela
(Roma 5:12) Ovanya wa muthu mmodha bahi ovolotxa othega mwilaboni;othegawá ototelamo okwa. Ddabuno okwa onomuthidda muthu-muthu, vowi etene athega.
w11 15/6 12 ddima 5
Mulugu Onowoniha Onikwela Waye
5 Paulo oromile makaniya alogaga ebaribari eji: “Ovanya wa muthu mmodha bahi ovolotxa othega mwilaboni; othegawá ototelamo okwa ddabuno okwa onomuthidda muthu-muthu, vowi etene athega.” (Roma. 5:12) Iyo nikana ewodhelo ya ononelamo makani aba sabwani Mulugu olebiha mukalelo oromile egumi ya attu. Voroma-vene iyene wattanddile mulobwana na muyana, Adamu na Eva. Ababihu aba oroma attanddiwe awakwanene, vowi Mulugu ddoligana. Mbwenye otowa nriho n’ohiwelelawa malamulo a Mulugu, ohattukulela attu aba ototowa. (Wita. 2:17) Yottabwaya jawi, awene karomile wimela batanalela oputtuwa wa olupa magano a Mulugu; apanele olupa magano a Mulugu, amwikaga ekotti Mulamuleli wawa Wowodha-wodha.—Olib. 32:4, 5.
(Roma 5:13, 14) Txibarene nlamulo na Mizé nihinakalawo, othega walivi mwilaboni. Vahili nlamulo, kavagali osaddeyeliwa yothega. 14 Vàtoweyilevi nlamulo, okwa wanathiddavi athu etene, oromana Adamu ofiyedha Mizé; wanathidda vina abale ahithegile ninga Adamu, ovanyile nlamulo na Mulugu. Adamu wamutonya ole wafuna odha.
w11 15/6 12 ddima 6
Mulugu Onowoniha Onikwela Waye
6 Mmalele Adamu ottega, venevo paromileyi okana aima, noona iyene oharaviha attu etene yottega yaye. Kuloga awene al’olupa vina magano a Yehova dhahene ninga mukosele Adamu? Nne-wene, okoniwa wawa ohittiyana na muladdu okoniwena Adamu, vowi awene kana nlamulo navahiwani wi eddena. (Wita. 2:17) Ana Adamu aravile yottega. Okwa n’ottegawa, wanafwanyavi attu, ofiyedha masakene abale avahiwe ana Izrayeli malamulo na Mulugu; malamulo abale ahazinddiyeliha-wene wi awene ahirava yottega ya Adamu. (Kengesa Roma 5:13, 14.) Muravelo oraviwe yottega onoliganihiwa na muraveliwo wa eredda obe lanta n’oponddowa ninubiwana mikatte; ninga eredda ya makwiyo. Ogawodha kengesa yopadduwa ya Alexei, mwana wa mulobwana dhahi o Russia onkuweliwa Czar Nicolau II na Alexandra, iyene wahirava eredda ya ababe. Enoziweya wi aima ena kanravaga viredda dha amambali awa; mbwenye eji empadduwa amambaliya agahabarela deretu. Kawo onwodha ottawa yottega dhahene ninga munttawiwa eredda. Ovapeya wa yottega ohittabwa. Kina murobwe ommaliha. Yottega enowafwanya n’owali attu otene. Mwana ddi mwana onobaliwana. Yawopiha eji enatototxa attu egahiwodhiwa ogomihiwa?
(Roma 5:18) Dhahene muthu mmodha bahi oatotela okoneya athu etene; mmodha mwina, omurumelele Mulugu, oavuna athu mukoneyanimwá, oawandaniha na Mulugu, mwinha wa egumi.
(Roma 5:21) Yothega ehoniha guru dhaye enitotelaga okwa; mahala a Mulugu anowoniha guru dhawa anivunaga muthegani, anivahaga egumi yohimala n’ovilevela wa Yezu Kristu Nabuyehu
w11 15/6 13 ddima 9-10
Mulugu Onowoniha Onikwela Waye
9 Mazu aba alogiwe n’Egrego awi ‘mvaho wakelilehu mahala, onandaniha na Mulugu’ na aba ena awi ‘abale anakela winjiva wa mahala a Mulugu’ anfuna aninonihedhemo nipara gani? Namatapulela dhahi wa Bibilia ohigwadda: “Esi dhologa dhawakwana-wene dhinladdaniha makani aba. Oku osadduwa wa egumi ya muttu vamentoni va Mulugu, kahiye ovisaddula wa muttu yeka. Nladdaniho ntti ninimutonya Mulugu ninga namattonga muladdu onlogela ofuruliwa wa mukoniwi, odhiwena vamentoni va Mulugu wi attongiwe sabwa ya ohiligana waye. Venevo agamala Mulugu onfurula muddawani mwaye.”
10 Txini enimukosiha muligani oli “Namathonga wa elabo yotene” onfurula muttegi? (Wita 18:25) Niparana niromile mwarhi mwa mabasa manddimuwa vaddiddi, Mulugu n’okwela omuruma Nammodha waye mwilaboni. Yezu okosa efunelo ya Babe noligana, masiki na dhowehiwa, otanyiwa vina opujiwa. Iyene wahikala wowimelene mpaka okomeliwa vapingirhizini. (Aheb. 2:10) Yezu ohikutta mukutto odhile osaddula obe otxinja totela ya ottega na okwawa wa ana Adamu.—Mt. 20:28; Rom. 5:6-8.
Nipepese Mafumo a Omuyani
(Roma 6:3-5) Kamunziwa wi iyo, niriwe vyano dha Yezu Kristu n’obatizo, nili vina vyano dhaye mukwani mwaye? 4 Iyo mubatizoni nikwa, nihekiwa vamodha na iyene, wi n’ekalelo evenyihiweyena mukwani na owodha onddimuwa wa Babe, iyo vina niwodhe othukula mweddelo muswa. 5 Nigakala mumodhani na iyene, nigakwa na mukwelo onladdana na waye, ninokala vina vamodha na iyene nivenyaga mukwani na nvenyelo onladdana na waye.
w08 15/6 29 ddima 7
Otapuleliwa wa Nivuru na Roma
6:3-5—Enlogeliwani wi “iyo mubatizoni nikwa” vina “nihekiwa vamodha” na Yezu? Yehova agattikittela muya wokoddela anamafwara a Kristu, awene anokala mumodhani na Yezuya vina anokala nikuru nimodhene na mulogo, oli nningo na Yezu Kristu. (1 Kor 12:12, 13, 27; Kol 1:18) Oku ku okwa mubatizoni na Yezu Kristu. Akristu ottikitteliwa ‘ahekiwa vamodha na Kristu’ mwa oleva egumi yawa na efunelo ya olaleya njedhelo na okalawo na mukalakala onapadduwe velaboni ya vati. Okwa wawa, mukutto, dhahene ninga mukwele Yezu, mbwenye ttima ya mukuttoya kinliganihiwa na ya Yezu. Wekiwa wawa na Kristu, onakwanihedheya awene agakwa veli-veli avenyihedhiwa okala wirimu.
(Roma 6:7) Ole okwile kanwodha othega vina.
w14 1/6 11 ddima 1
Njedhelo Gani nina Amudhehu Abale Akwile?
Abale akwile agavenyihiwa mukwani, anattongiwe mowiwanani na dhottega dhirilani wale? Nne. Roma 6:7 onologa: “Ole okwile kanwodha othega vina”. Muttu wabure agakwa dhotega dhaye dhimala oleveleliwa. Dhawene anele ottongiwa na merelo anakosani agavenyiwa mukwani, kanattongiwe na muladdu okosilani ahinakwa. Anakane mareliho gani?
18-24 YA FEVERERO
MAFUMO A MAZU A MULUGU | ROMA 7-8
“Weyo ‘Onojedha na Nikuluvelo Nddimuwa’?”
(Roma 8:19) Dhopaddutxiwa dhotene dhinojyedha n’okuluvela onddimuwa nsaka ninonihe Mulugu kove ya anaye.
w12 15/7 11 ddima 17
Kamuttiye Yehova Autonyihedhe Ofuru Webaribari
17 Alogaga dha ofuru onakoyela Yehova adhari aye mwilaboni, Paulo oleba: “Dhopaddutxiwa dhotene dhinojyedha n’okuluvela onddimuwa nsaka ninonihe Mulugu kove ya anaye.” Vina owenjedhedha: “ Yireyilevi dhawene, dhopaddutxiwa dhinojyedha ovuniwa mmadani modhari ontolotxa, dhidhé ojavo ofuru, nthithimiho ninakele ana Mulugu.” (Rom. 8:19-21) “Dhopaddutxiwa” dhinaddiwana attu anna njedhelo n’okala elabo ya vati, anakane gari ya ‘olagihiwa’ ana a Mulugu attikitteliwe na muya. Olagihiwa oku onarome nsaka ninfuna “ana” aba wenjedhiwa muya wawa, wi avitaganyihe na Kristu n’efunelo ya oroma mabasa a okoddeliha elabo emale otakalihiwa n’obure; tti nsakanene ntto ninafuruliwe “muthithi munddimuwa wa athu” anavolowe mwilaboni eswa.—Ovuh. 7:9, 14.
(Roma 8:20) Dhopaddutxiwadhá dhihitakaliwa, kayiye n’ofuna wawa; dhitakalihiwé na ole wakukuselemo.
w12 15/3 23 ddima 11
Nagalale Munjedheloni Mwehu
11 “Dhopaddutxiwa dhotene dhinojyedha” opikirela wa Yehova wawi onela odhana ofuru mwa otolotxa “nowa endimuwa”, Satana Ddiabo; onatolotxe ddi “mbaleliwi” wajedhiwa. (Ovuh. 12:9; Wita. 3:15) “Mbaleliwi” oddu omaromo-wene wali Yezu Kristu bahi. (Gal. 3:16) Modhela okwa na ovenyihiwa waye mukwani, Yezu ovaha niparha n’ovadda na njedhelo nawi attu anele ofuruliwa mudharini mwa ottega na w’okwa. Wakwanihedheya wa njedhelo ntti onowiwanana na ‘olagihiwa wa ana a Mulugu’. Attikitteliwi ottittimihiwa anokosa mpaddi wanawili wa “mbaleliwi”. Awene ‘analagihiwe’ agakala na Kristu atolotxaga elabo eji yotakala ya Satana. (Ovuh. 2:26, 27) Eji enatapulele ovuniwa wa mabila mena anaviluwe mwa goyi enddimuwa.—Ovuh. 7:9, 10, 14.
(Roma 8:21) Yireyilevi dhawene, dhopaddutxiwa dhinojyedha ovuniwa mmadani modhari ontolotxa, dhidhé ojavo ofuru, nthithimiho ninakele ana Mulugu.
w12 15/3 23 ddima 12
Nagalale Munjedheloni Mwehu
12 “Dhopaddutxiwa” dhinela opura murenddele munddimuwa vaddiddi mwari mwa ottonga wa Yezu Kristu onagonele vyaka Txikwi! Mudhidhene obo “ana a Mulugu” ottittimiheya anele ‘wonihiwa’, agaroma olaba ninga anamakutta vamodha na Kristu, agawelaga malogo otene ttima ya mukutto wa Yezu Kristu. Ninga alamuleliwi a Omwene wa wirimu, “dhopaddutxiwa” dhinele ofuruliwa muttegani vina mukwani. Attu a vati anewelele anele ovuneya mmadani mwa “odhari w’omaningoni”. Agakalavi ororomeleyani-wene na Yehova mwari mwa vyaka Txikwi vina mwa wehiwa womariha wa nsakanene ntto, mazina awa anele olebiwa “munivuruni mwa egumi”. Anele ofwanya “ofuru wottittimiheya wa ana a Mulugu”. (Ovuh. 20:7, 8, 11, 12) Mohaganyedha ntti njedhelo nottittimiheya!
Nipepese Mafumo a Omuyani
(Roma 8:6) Ofwara dhinfuna mwili, ongomelana wukwani; oku ofwara dhinfuna muya, ofwanyihaga egumi, murenddele
Weyo Onowubuwela?
“Ofwara dhinfuna mwili” onttiyana dhavi na “ofwara dhinfuna muya”? (Rom 8:6)
Onfwara dhinfuna mwili onubuwela bahi okosa dhinfuniye, dhinimuzivela, vina onottiya olamuleliwa na mubuwelo waye wohakwana, mudhidhi wotene onubuwela dhilobo dha omaningoni bahi. Mbwenye onfwara dhinfuna muya onoziwa wi yamaka-makaya mwigumini, omulabela Yehova ninga Mukristu; onottiya muya wokoddela osaddula mukalelo waye wowubuwela. Ofwara dhinfuna muya entapulela egumi na murenddele, mbwenye ofwara dhinfuna mwili entapulela okwa.—w16-T.12, ddima. 15-17.
(Roma 8:26, 27) Apa muya wa Mulugu onodha onilibiha muwobanani mwehu, vowi kaninziwa enfwanyela iyo oloba. Ddi muya onnilogela wa Mulugu na monlelo ahinziwelamo iyo, ahinwodha iyo ologa. 27 Mulugu, onnona dha mmurimani, onoziwa enunlela muya, vowi muyayá onowalogela aroromeli aye, ewananihagana enafunana Mulugu.
w09 15/11 7 ddima 20
Nilogege Eni Mmalobeloni Mwehu?
20 Masaka mena, nigalobelaga ninorutxiwa ologa obe ninodduwalaga dhili okomoni wa murima wehu. Paulo ohiloga: “Apa muya wa Mulugu onodha onilibiha muwobanani mwehu, vowi kaninziwa enfwanyela iyo ologa. Mulugu, onnona dha mmurimani, onoziwa enunlela muya.” (Rom. 8:26, 27) Yehova ohilebiha malobelo menji mBibiliani. Wilele wi nitagihe dhokumbirha esi dha emeleli aye attikitteliye muya wokoddela. Mulugu ononiziwa vina onoziwa txini entapulela mazu arumiliye muya ologa na anamaleba a Bibilia. Yehova onowakula dhowunla dhehu muya oganilogelelaga. Mbwenye na mudhidhi onfunihu omuziwa deretu Mulugu, mmubuweloni mwehu txino ninele owodha ologa dhinfunehu mmalobeloni.
25 YA FEVERERO–3 YA MARSU
MAFUMO A MAZU A MULUGU | ROMA 9-11
“Musibo wa Muri wa Mulivera”
(Roma 11:16) Akala milima dhoroma dhileveliwe Mulugu, dhetene dha mmuddanimwá soleveliwa vina.
w11 15/5 23 ddima 13
‘Hee Mulugu, Munuwelo Gani wa Ononelamo Wenyu!’
13 Murumiwi Paulo onoladdaniha ziza na Abramu na musibo wa murayi wa mulivera. (Rom. 11:21) Mulivera obu olimiwe, ontapulela ohakwanihedheya wa efunelo ya Mulugu na nipagano nakosiliye na Abramu. Mutxitxi wa muriya botxena; ontonyihedha wi Yehova ddininvaha egumi Izrayeli womuyani. (Iza. 10:20; Rom. 11:16) Pingirhiziya entonyihedha wi Yezu ddi munddimuwaya wa nipagano, vowi odhile mwa ziza ya Abramu. Mirayidha dhinladdanihiwa na “muttengo munddimuwa” vamodha na abaleya ankuweliwa beu yanawili ya adhuli a Abramu.
(Roma 11:17) Nlogo na Izrayel nili ninga muri wa mulivera; Mulugu okasavo mirayi mina, vanburonivá ouwuluganyedhavo weyo ohili muyuda wali ninga murayi wa mulivera wamutakwani, wi wakele orhongozi wawakwana, ondha mmutxitxinimwá.
(Roma 11:20, 21) Txibarene! Mirayidhá dhigwaddeliwé ohiroromela wawa; weyo ohalavo mwaha w’ororomela wawo. Ejiyá kugayena, tamelá weddana txenjewa, 21 vowi akala Mulugu kawovelele ayuda, ali miri dhobaliwana , onothabwa na weyo oli murayi wowuluganyedhiwa.
w11 15/5 24 ddima 15
‘Hee Mulugu, Munuwelo Gani wa Ononelamo Wenyu!’
15 Yehova wakosile eni wi akwanihe efunelo yaye? Paulo wahinonihedhamo wi jofuneya otxinjiwa mirayi dhigwaddiwe dha mulivera walimiwe, dhiwuluganyedhiwavo mirayi dhina vamuliveraniva. (Kengesa Roma 11:17, 18.) Dhawene, Akristu attikitteliwé na muya agadhele mwari mwa malogo mena, ninga mmulogoni wa Roma, a wuluganyedhiwe vamuliverani wa musaje. Mwa dhawene awene ahidha okosa mpaddi wa ziza na Abramu. Awene ahinatti, ali ninga mirayi dha mulivera dhagwaddiwe, kana gari yokosa mpaddi wa nipagano na vawoka. Mbwenye Yehova wahifugula dila wi akale Ayuda o’muyani.—Rom. 2:28, 29.
(Roma 11:25, 26) Amudhaga, miyo veneva ddinouziwihani mobuwelelo oviteya a Mulugu, wi munadhe ovithukulela: athu ena mw’Izrayel anokalavi addiyamaru, ofiyedha nsaka ninavulumutxiwe malogo mena otene. 26 Nsaka nenentho akadda Izrayel etene anere ovulumutxiwa. Silebiwe m’Bíbiliani wi: namavulumutxa onabudduwe mu Sioni, onere omalihamo dhovirigana dha ana Jakobi.
w11 15/5 25 ddima 19
‘Hee Mulugu, Munuwelo Gani wa Ononelamo Wenyu!’
19 Mohaganyedha efunelo ya Yehova na “nlogo naye” enowakwanihedheya mofwanyelela-mwene. (Gal. 6:16) Ninga mulogeli Paulo, “akadda Izrayel etene anere ovulumutxiwa”. (Rom. 11:26) Mudhidhi opikireli Yehova ogakwana, “Izrayel etene”—obe ana Izrayel etene o’muyani—anere olaba ninga anamakutta wirimu. Kawo elobo enazuzumihe efunelo ya Yehova!
Nipepese Mafumo a Omuyani
(Roma 9:21-23) Namubayá onowira na ologo enfuneye, onowubana biya dhothiddana mabasa oriheya, vina biya dhothiddana mabasa onyemuleya. 22 Mulugu kófuna, agawodha woba owali waye, vina woniha guru dhaye; vano omaga murima, oavilela abale anfwanyeliye wawoniha goyi, watolotxa. 23 Eji okoselé aninonihena munuwelo wa owodha na thagaraga yaye, wi iyo onisakulileye mwa ayuda na mmalogoni mena, niwodhe ojavo nthithimiho naye,
w13 15/6 25 ddima 5
Nimuttiye Yehova Onilaga Vina Onisaddula
5 Kito akala attu oziwene, anokodda osadduliwa na Namuba Munddimuwa? Mulugu onalagihe dhavi owodha waye onddimuwa? Kobuwela, txini empadduwa akala namuba onowuba elobo mbwenye eloboya s’ohibudduwa ninga mwafuniye? Ekalaga dhawene namubaya onosakula akala onfuna oobe elobo yina obe akala onfuna arahile. Masaka mena yosasanyiwaya egahibudduwe deretu onvonyavo ddi namubaya. Mbwenye eji kininpadduwela Namuba wehu. (Olib. 32:4) Akala muttu kanrumela osadduliwa na Yehova onvonyavo ddiyenene mwinya. Yehova onolabihedha onddimuwa waye ninga namuba wa attu, awogolelaga mukalelo onrumelani agasadduliwaga. Abale anvittiya osadduliwa anojavo. Motagiha akristu athikitheliwe ali ninga ‘Muringa wa thagaraga yaye’ ansadduliwa wi akale ‘Muringa onlabihedhiwa mabasa othithimiheya.’ Oku abale animuzugunuwela Mulugu aziwaga, ankala ‘muringa wa owali, osasanyedhiwe otolotxiwa.’—Rom. 9:19-23.
(Roma 10:2) Murima wa Izrayel ogaweya. N’ejo onere otabutxeliwa dhothega dhaye. Nabuya onere obwanyula vibuwadhá, onere wanyenyeretxa maluguyá.
it-1517 ddima 5
Widda, N’owali
Wedda na Murima Wabure. Akalawo attu ana murima wofwewa, mbwenye ena murima wawa bwa aje; awene anokana mwahaya onattukulela okana aje eji. Eji yampadduwa vaddiddi na ayuda akala nsaka noroma. Awene ahikana efunelo ya woniwaga ninga attu anvirihamo mwawakwana-mwene malamulo a Mizé. Mbwenye Paulo wahitonyihedha wi sabwa ya awene ojombeliwa ononelamo w’ebaribari, eziwelo yawa kalabihedha deretu. Nona kawodhile okana oligana w’ebaribari ondha wa Mulugu. Yanfuneya awene otxinuwa bamurugunutxela Mulugu murima wawa na mwanaye Kristu; dhahene paganani oligana vina pagafuruliwani mwari mwa nlamulo. (Rom 10:1-10) Saulo w’oTarsu wali mmodha wazuzumeletxa magano a ayuda mpaka “ofwarafwara mulogo wa Mulugu vina omwalamwadha”. Wankweya vaddiddi Malamulo afiyedhaga oviwona ninga muttu “woligana n’ovirihamo maganoyá”. (Gal. 1:13, 14; Fil. 3:6) Mudhidhi wotene aje yaye kalabihedha deretu. Mbwenye iyene wahikana murima woweddeyana, nona bakela mahala a Yehova, modhela Yezu Kristu omulagihile dila ya webedha webaribari.—1Tim 1:12, 13.