• Mattanga Otene Anomwagalaliha Mulugu?
    Kajavo Egumi Yamukalakala!—Kursu ya masunzo a Bibilia

    • Kengesa Éfeso 5:10, mugamala mutanaalele mavuzo aba:

      • Dhilobo gani dhinfunihu ononelamo akala nintamela oja mattanga?

      • Mattanga gani ankosiwetxa mmuruddani mwawo?

      • Onona ninga mattanga aba anomwagalaliha Yehova?

      Motagiha, wahiromaga ovivuza sabwa ya ejile eniwamo Mulugu mwaha wa ottabela mattanga obaliwa? Bibilia kanimuloga nne mwimeleli mmodha wa Yehova waromilege okosa mattanga obaliwa waye. Attu eli analoga Bibilia aromile oja mattanga obaliwa, kamulabela Mulugu. Kengesa Wita 40:20-22 na Mateu 14:6-10. Mugamala mutanaalele mavuzo aba:

      • Dhilobo gani dhipadduwile vamattangani aba omeli?

      • Mowiwanana na Bibilia, txini enubuwela Yehova mwaha wa mattanga aba obaliwa?

      Txino onovivuza, ‘Yehova onowikela konta akala ninoja mattanga obaliwa obe mattanga mena ahiniwanana na esile dhinsunziha Bibilia?’ Kengesa Obudduwa 32:1-8. Karumiha VIDIYU mugamala mutanaalele mavuzo aba.

      VIDIYU: Mattanga Animusilidha Yehova (5:07)

      • Ekaleleni yamakamaka okana ebaribari mwa ejile enimwagalaliha Yehova?

      • Ninawodhe dhavi okosa ejoya?

      Ninawodhe dhavi oziwa mattanga animusilidha Mulugu?

      • Anowiwanana na masunziho ahinda mBibiliani? Katamela ononelamo witiwe mattangaya.

      • Enattittimihetxa attu, miparha obe elabo? Iyo ninomuttittimiha Yehova opitta dhotene vina ninokuluvela wi iyene onele ogomiha makattamiho otene a mwilaboni.

      • Dhilobo dhinkosa attu mmattangani aba dhinowiwanana na esile dhinsunziha Bibilia? Ninofwanyela okala wokoddelene dhipaddi dhotene.

  • Kasakula Mavego Animwagalaliha Yehova
    Kajavo Egumi Yamukalakala!—Kursu ya masunzo a Bibilia
    • Nsunzo 53. Babi, mai na mwanawa ejaga pipoka yonaga tv.

      NSUNZO 53

      Kasakula Mavego Animwagalaliha Yehova

      Yehova, “Mulugu wowagalala.” (1 Timóteo 1:11) Iyene onfuna wi iyo nagalale vina nijevo egumi. Onoziveliwa nigatamelaga mudhidhi wovuma. Mwari mwa nsunzo ntti, ninele wona marhe ananikamihedhe ojavo mudhidhi wehu wa ovuma—nihidduwalaga omwagalaliha Yehova.

      1. Txini enfwanyelihu wubuwela nigasakulaga mavego?

      Txini enziveliwa weyo okosa mudhidhi wa ovuma? Attu ena ansakula okala vatakulu—bagengesa manivuru, ovuruwana jibo, wona mafilimi obe ovolowa mwinternetini. Ena kanziveliwetxa okala vatakulu—anosakula wedda, odhowa wabelela obe ojugari na amarho awa. Mavego-mavegovi ansakulihu, ninofwanyela okana ebaribari akala “anomuzivela Nabuya.” (Éfeso 5:10) Jamakamaka wubuwela dhawene sabwani dhilobo dhinji dhinsakula attu wi avegegena sisile dhinidda Yehova, ninga kani, mararuwo na ologa na muya dhabure. (Kengesa Masalmo 11:5.) Txini enanikamihedhe osakula deretu mavego ehu?

      Nigasakula amarho animukwela Yehova, ninele okana mandano aderetu vina ninele osakula deretu mavego ehu. Ninga monelihu nsunzo 48, “Nigedda n’aziwitxi ninopura ononelamo wawa.” Mwa mpaddi mwina nigakalaga mudhidhi mwinjene na attu ahinimukwela Yehova “ninorava obure wawa.”—Gano 13:20.

      2. Ekalelini yamakamaka wag’anela mudhidhi onlabiyedhihu na mavego?

      Masiki osakula wehu wa mavego okale waderetu, ninofwanyela okala pasope wi nihinongetxe mudhidhi na mavegoya. Enodhaga opadduwa iyo ohikana mudhidhi wa okosa dhilobo dhamakamaka. Bibilia ononikokomeza wi ‘Ninofwanyela olabihedha deretu mudhidhi wehu.’—Kengesa Éfeso 5:15, 16.

      KASUNZAVI

      Koona enawukamihedhe okosa dhogana dhapama mwaha wa mavego.

      3. Karabela dhilobo dhinimusilidha Yehova

      Ninfwanyelelani osakula deretu mavego ehu? Karumiha VIDIYU, mugamala mutanaalele mavuzo aba.

      VIDIYU: Ddisakule Mavego Gani? (4:39)

      • Mavego akosiwa wale o Roma anladdana dhavi na mavego a masaka abano?

      • Mvidiyuni, txini esunzile Daniel sabwa ya mavego?

      Kengesa Roma 12:9, mugamala mutanaalele nivuzo ntti:

      • Nlebo ntti nimpatta dhavi mukalelo onsakuliwe mavego awo?

      Dhilobo gani dhinidda Yehova? Kengesa Gano 6:16, 17 na Galásia 5:19-21. Mugamala wengesa malebo aba mutanaalele nivuzo ntti:

      • Dhilobo gani dhilogiwe mmaversuni mpu dhinonetxa weyo masaka abano?

      Onawodhe dhavi osakula deretu mavego awo

      Karoma otanaalela:

      • Txini? Dhinvegana miyo dhinowiwanana na esile dhinidda Yehova?

      • Mudhidhi gani? Dhinogudulana na mabasa a makamaka?

      • Bani? Dhinoddittukulela omaga mandano na attu ahinimukwela Yehova?

      Yamakamakaya ja okala wolapelana na dhilobo dhowopiha. Noona akala ninowaganyedha mavegoya okala abure, yaderetuya jottiya momaguva

      Karo egali nikome na rampa vamwangoni. Epaddi ya mundduni ehaddamela vaddiddi nikomena.

      4. Kalabihedha deretu mudhidhi wawo

      Karumiha VIDIYU, mugamala mutanaalele nivuzo ntti.

      VIDIYU: Onlabihedha Dhavi Mudhidhi Wawo? (2:45)

      • Masiki mbali mvidiyuni ahonaga yabure na dhakosiye, olabihedha mudhidhi waye wa ofuru ompattile dhavi?

      Kengesa Filipi 1:10, mugamala mutanaalele nivuzo ntti:

      • Nlebo ntti, ninanikamihedhe dhavi ogana mudhidhi onakalihu mmavegoni?

      5. Kafwaseyela osakula mavego awo

      Ebaribari wi mavego mena anomusilidha Yehova, mbwenye dhikalawo dhilobo dhinji dhinakosihu wi nivegegena. Kengesa Kohelét 8:15 na Filipi 4:8, mugamala mutanaalele nivuzo ntti:

      • Mavego gani anziveliwetxa weyo?

      Mafoto: Attu a vyaka dhottiyana owagalalene mwaha wa mavego aderetu asakulilani. 1. Muyana wa muzombwe avuruwanaga jibo vina alebaga vakaderinoni. 2. Azombwe araru amujugarigi basket. 3. Ayima eli eddihaga sikaleta. 4. Mima mmodha akosaga karo yowaredhana. 5. Mulobwana obaga ng’oma. 6. Mima ajugarigi vidiyu gemi na babe. 7. Muyana apidaga foto.

      Dhihikalawo dhilobo dhinji dhaderetu dhinfwanyelela iyo osakula wi nivegena

      ATTU ENA ANLOGA WI: “Kawuli makani wona filimi obe wengesa nivuru ninloga dha opanga, mararuwo vina ologa na muya dhabure. Ya makamakaya kuhikosa dhilobodha esi.”

      • Ogakulile dhavi?

      OGWADDELA

      Yehova onfuna wi nisakulege deretu mavego ehu vina naredhegena dhilobo dhinanidhelena opama wehu.

      Kobuwela Dhisunziliwe

      • Mavego gani anfwanyelela Mukristu osakula?

      • Ninfwanyelelani okala pasope na mudhidhi onlabiyedhihu mmavegoni?

      • Ekalelini yaderetu osakula mavego animwagalaliha Yehova?

      Yogana

      TAMELÁ ONONELAMO DERETU

      Koona bani onfwanyelela osakula mavego awo.

      “Será que as Testemunhas de Jeová proíbem certos filmes, músicas ou livros?” (Mitoma dha mu jw.org)

      Koona mukalelo onawodhiwe okosa yosakula ya mavego aderetu.

      “Será que a sua recreação é benéfica?” (A Sentinela, 15 de Outubro de 2011)

      Wi wone emukamihedhile mulobwana dhahi otxinja musakulelo waye wa mavego, kengesa nipadduwo “Até venci o preconceito”.

      “A Bíblia Muda Vidas” (A Sentinela, 1 de fevereiro de 2010)

      Koona emukamihedhile mambali okosa yogana yaderetu sabwa ya okala pasope wi ahisakule mavego aniwanana na muya dhabure.

      Orabele Mavego Aniwanana na Dhamuniya (2:02)