• Kasakule Deretu Amarho Awo
    Kajavo Egumi Yamukalakala!—Kursu ya masunzo a Bibilia

    • 1. Amarho awo anupatta dhavi?

      Nigakalaga mudhidhi mwinjene na muttu mwinternetini obe nigakala mumodhani, ninorava mikalelo dha muttuya oddo. Ejo enodhaga okala elobo yaderetu obe—yabure. Eli ninga enloga Bibilia: “Ogedda n’aziwitxi, onopura ononelamo wawa; ogavitaganyiha na avuti, onorava obure wawa.” (Gano 13:20) Amarho animukwela vina animulabela Yehova anowukamihedha onfiyedha iyene vina okosa dhogana dhaderetu. Mbwenye okana amarho ahinimukwela Yehova, anodhaga onimwalaniha na iyene. Nona Bibilia aganikokomezaga wasakula deretu amarho ehu! Amarho ehu agakala attu animukwela Mulugu ejo enokala yaderetu mwa iyo vina mwa awene. Dhahene ninowodha ‘olibihana vina opangarhazana muttu na mukwaye.’—1 Tesalónika 5:11.

  • Ninawodhe Dhavi Omwagalaliha Yehova na Malogelo Ehu?
    Kajavo Egumi Yamukalakala!—Kursu ya masunzo a Bibilia

    • Yehova ohinivaha mvaho waderetu—ewodhelo ya ologa. Iyene onotanala mukalelo onlabihedhihu mvaho obu? Onotanala txibarene! (Kengesa Tiago 1:26.) Nona, ninawodhe dhavi olabihedha mvaho wa ologa wi nimwagalalihena Yehova?

      1. Ninalabihedhe dhavi mvaho obu wa ologa?

      Bibilia ononaddela wi “libihanina murima, mukamyedhagane ninga mulemelelinyu wira.” (1 Tesalónika 5:11) Weyo onomuziwa muttu onfuna nipangarhazo? Txini enakosiwe wi iyene aviwemo deretu? Kamwaddele muttuya oddo wi weyo onomutanaala. Txino omutamaalelaga sabwa ya oderetu waye. Ononamo dhavi olabihedha nlebo na mBibiliani wi omukamihedhena? Ahikalawo malebo menjene agawodhile weyo osakula. Kobuwela wi mulogelo wawo onompatta venjene muttuya, nona ogalogaga, kalogaga na mukalelo woriheya vina wotanaleleya.—Gano 15:1.

      2. Mazu gani anfwanyelelihu orabela?

      Bibilia onloga: “Mwano mwenyu muhibudduwe-wene mazu ovuta.” (Kengesa Éfeso 4:29.) Eji entapulela wi kaninfwanyela ologa mazu abure obe dhologa dhinanyimula attu ena. Ottiya ejo, ninofwanyela otxatxama waba vina wamagedha attu ena.—Kengesa Gano 16:28.

      3. Txini enanikamihedhe oziwa ologa mazu analibiha attu ena?

      Ebaribari wi dhinlogihu sisile dhili mmirimani. (Luka 6:45) Nona, ninofwanyela ovilibihedha otamela—dhili dhebaribari, dhottittimiheya, dhomyala, dhokoddela, dhofuneya, dhoriheya. (Filipi 4:8) Wi ejo epadduwe, enofuneya wasakula deretu amarho vina mavego ehu. (Gano 13:20) Eji vina enowukamihedha wubuwela ohinatti ologa. Karoma otanaalela, mazu awo anaapatte dhavi attu ena. Bibilia onloga: ‘Akalawo attu ovadda mwano, anna mazu ansuva ninga supadda, mazu a aziwetxi anodha ovoliha makwaddayá.’—Gano 12:18.

      KASUNZAVI

      Kasunza ologa na mukalelo onimwagalaliha Yehova vina mazu analibiha attu ena.

      4. Porhe-porhe na dhinlogiwe

      Masaka mena iyo ninologa dhilobo ngamala banitxinuwa. (Tiago 3:2) Kengesa Galásia 5:22, 23, mugamala mutanaalele nivuzo ntti:

      • Nlebo ntti ninologa dhilobo dhinji dhinawukamihedhe ogalogaga. Dhilobo gani dhigaziveliwiwe omukumbirha Yehova? Nanda dhinawukamihedhe dhavi?

      Kengesa 1 Korinto 15:33, mugamala mutanaalele nivuzo ntti:

      • Mavego na amarho anasakuliwe anawupatte dhavi ogalogaga?

      Mafoto: Merelo abure a mulobwana amunyanyuwelaga mwadhiye. 1. Iyene ewaga jibo dhabure. 2. Iyene wozuzumene onaga vidiyu ya masoko mu teveni na mukwaye. Mafoto: Merelo oriheya a mulobwana alogaga na mwadhiye. 1. Iyene amwengesaga Bibilia. 2. Na mwadhiye alogaga na mbali o nyumbani ya Omwene.

      Mukalelo onlogihu onanipatte dhavi?

      Kengesa Kohelét 3:1, 7, mugamala mutanaalele nivuzo ntti:

      • Mudhidhi gani ogakalile wamalago okala womaalene vina ojedhela mudhidhi waderetu wi ologe?

      5. Walogege deretu attu ena

      Ninarabele dhavi wanyimula attu ena na dhinlogihu? Karumiha VIDIYU, mugamala mutanaalele mavuzo aba.

      VIDIYU: Ologe Mazu Apama Analibiha Attu Ena (4:07)

      • Mvidiyuni, mbali wahizinddiyela wi wahikana elemelelo ya wapambiha attu ena, yafuneyelani wi iyene atxinje?

      • Txini ekosiliye wi atxinje?

      Kengesa Kohelét 7:16, mugamala mutanaalele nivuzo ntti:

      • Eganidhelamo omuloga bure muttu ninfwanyela wubuwela eni?

      Kengesa Kohelét 7:21, 22, mugamala mutanaalele nivuzo ntti:

      • Nlebo ntti ninawukamihedhe dhavi muttu agawulogaga bure?

      6. Katonyihedha nriho ogalogaga na amudhawo

      Yehova onfuna wi nigalogaga na amudhihu nilabihedhege mazu okwela vina oriheya. Karumiha VIDIYU, mugamala mutanaalele nivuzo ntti.

      VIDIYU: Okwela na Nriho Dhinowiwananiha Murala (3:08)

      • Txini enanikamihedhe ologaga na nriho na anamudhi ehu?

      Kengesa Éfeso 4:31, 32, mugamala mutanaalele nivuzo ntti:

      • Mazu gani oriheya analibihe anamudhi?

      Yehova wahiloga wi wannimukwela mwanaye, Yezu. Kengesa Mateu 17:5, mugamala mutanaalele nivuzo ntti:

      • Onawodhe dhavi omutagiha Yehova ogalogaga na amudhawo?

      Mambali amutamalelaga mwanaye mmaleliye oleba desenyo.

      Katamela mudhidhi wi watamaalele ena

      ATTU ENA ANLOGA WI: “Miyo ddinloga enubuwelimi. Akala attu ena kanziveliwa miyo kaddimportariwo.”

      • Onorumela ejiya? Sabwaya jani?

      OGWADDELA

      Mazu ahikana ewodhelo. Ninofwanyela okala pasope nigalogaga vina osakula mazuya anlogihu.

      Kobuwela Dhisunziliwe

      • Onawodhe dhavi olabihedha mazu wi wakamihedhena attu ena?

      • Mazu gani ahinfwanyeleliwe olabihedha ogalogaga?

      • Txini enanikamihedhe ologa na nriho vina walibiha attu ena na mazu ehu?

      Yogana

      TAMELÁ ONONELAMO DERETU

      Txini enanikamihedhe olabihedha pama mvaho wa ologa?

      Tenha a Língua dos Sábios (8:04)

      Koona txini enokamihedhe ottiya ologa kambo.

      “Será que dizer palavrões é assim tão mau?” (Mitoma dha mu jw.org)

      Koona enanikamihedhe orabela waloga bure attu ena.

      Warabele Aliba Waba (2:36)

      Koona nikamihedho ninvahile Yehova mulobwana dhahi ottiya ologa kambo.

      ‘Comecei a pensar no rumo que a minha vida estava a tomar’ (A Sentinela, 1 de Agosto de 2013)