Okalege na Abale Animukwela Yehova

Ninkokomezeliwa nni wandana na abale animukwela Yehova? Attu anandanihuna anoniraviha yeddelo yawa, masiki ekale yaderetu obe yabure. (Gano 13:20) Empadduwele Mwene Jowás enogwadda makini aba, vakaliye na Namakutha Munddimuwa Joyadá, wanira “dhamuzivela Nabuya”. (2Map 24:2) Vano mukwele Joyadá, Jowás ohittiya omulabela Yehova sabwa ya ovitaganyiha na attu otakala murima.—2Map 24:17-19.

Nsaka zana noroma N.K., murumiwi Paulo ohiladdaniha mutugumano wa Akristu na “numba enddimuwa” vina akristuyamo ohaladdaniha na ‘dhobo’ dha mbamwa. Iyo ninawodhe okala “yobo yathima” nigatxelela wedda na muttu-muttuvi ohifuna omukoddelela Yehova, masiki akale mmudhihu. (2Tim 2:20, 21) Nona nigavahiwa malago awi, nikane ekalelo ya wandana n’abale animuziveliha Yehova, awene anela oniraviha efunelo ya omuroromela Mulugu wehu.

KOONA VIDIYU ZIWÁ WARABELA ATHU OTOWA MALAGO, OGAMALA WAKULE MAVUZO ABA:

• Yeddelo yabure ya akwihu endda dhavi onyowela mwigumini mwehu?

• Akristu abale araru alagihiwe mvidiyuni awodhile dhavi wurudha wandana wabure?

• Magano gani a Bibilia anawuwodhihe wasakulana amarho a malago?