NSUNZO 36
Kakala Wokuluveleya na Dhilobo Dhotene
Attu otene anofuna okana amarho okuluveleya. Yehova vina onofuna. Okala muttu okuluveleya mwilaboni mudhalile attu ohikuluveleya enorutxa. Masiki dhawene, ekaleli eni yaderetu ovilibihedha okala wokuluveleya?
1. Txini ennittukulela okala attu okuluveleya?
Nigakala attu okuluveleya ninotonyihedha wi ninomukuluvela vina ninomuriha Yehova. Kobuwela dhahi: Yehova onoziwa dhotene dhinubuwelihu vina dhinkosihu. (Ahebreu 4:13) Iyene onoziwa nigagana okala attu okuluveleya vina onovaha ttima ejoya. Nzu naye ninloga: ‘Yehova onohugiwa mara na attu ahina magano, oku onandana na abale anvirihamo.’—Gano 3:32.
2. Ninawodhe dhavi okala attu okuluveleya malabo otene?
Yehova onfuna wi iyo nikale attu ‘anloga ebaribari.’ (Zakariya 8:16, 17) Ejo entapulela eni? Entapulela wi kaninfwanyela ozivala nne otxinja ebaribari nigalogaga na amudhihu, akwehu omabasani, abali a mmulogoni obe na alamuleli. Muttu wokuluveleya kaniya nne kanaranjula attu ena. (Kengesa Gano 24:28 na Éfeso 4:28.) Muttu wokuluveleya onopitxa misoko dhotene. (Roma 13:5-7) Obe kuloga, iyo ‘ninotamela wedda pama mwa dhotene.’—Ahebreu 13:18.
3. Ekaleleni yapama okala muttu wokuluveleya?
Nigakala attu okuluveleya, attu ena anele oniroromela. Mwa dhawene ninokamihedha mulogo okala mburo wa attu okuluveleya ninga anamudhi ebaribari. Ottiya ejo, ninele okana mubuwelo wotxena. Okuluveleya wehu onodhaga ottittimiha “masunziho a Mulugu Mvulumutxi wehu,” vina okosiha wi attu ena asunze mwaha wa Yehova.—Tito 2:10.
KASUNZAVI
Koona wi okuluveleya wawo onopatta mandano aniwena na Yehova. Koona vina enawukamihedhe okala wokuluveleya mu vipaddi dhottiyana-ttiyana dha mwigumini.
4. Okuluveleya onomwagaliha Yehova
Kengesa Masalmo 44:21 na Malakiya 3:16, mugamala mutanaalele mavuzo aba:
Wonamo wawo, sabwaya jani kaninfwanyela wubuwela wi ninowodha onvitela Yehova elobo-txilobo?
Weyo ononamo dhavi mukalelo oniwamo Yehova nigagana ologa ebaribari, masiki ekalaga yorutxa?
Ayima agalogaga ebaribari amambali anowagalala. Iyo vina nigalogaga ebaribari Yehova onowagalala
5. Kakala wokuluveleya mwa dhotedhene
Attu enji anubuwela wi kinwodheya masaka mena okala wokuluveleya. Mbwenye koona sabwaya enfwanyelihu okala wokuluveleya mwa dhotene. Karumiha VIDIYU.
Kengesa Ahebreu 13:18, mugamala mutanaalelo enaniwodhihe okala wokuluveleya . . .
na anamudhi ehu.
omabasani obe oskola.
obe wego-wegovi.
6. Okuluveleya ononipurelamo nanya
Ebaribari wi okala muttu wokuluveleya masaka mena onodhana makattamiho. Mbwenye omamalelowa ninowona wi ji elobo ya makamakaya enfwanyelihu okala. Kengesa Masalmo 34:12-16, mugamala mutanaalele nivuzo ntti:
Okuluveleya onkamihedha dhavi egumi yawo?
Atelani ankuluvelana anolibiha matelo awa
Anamalaba okuluveleya anororomeliwa na azugwawa
Attu okuluveleya anorihiwa na alamuleli
ATTU ENA ANLOGA WI: “Ozivala vang’onovi kahiyo yabure.”
Weyo onrumeelelani wi Yehova onowidda ottambi wotene?
OGWADDELA
Yehova onfuna wi amarho aye akale okuluveleya mwa dhotene dhinlogani vina dhinkosani.
Kobuwela Dhisunziliwe
Mikalelo dhina dha okala attu okuluveleya sivi?
Sabwaya jani kaninfwanyela wubuwela wi ninowodha onvitela elobo Yehova?
Weyo onfunela eni okala muttu wokuluveleya mwa dhotene?
TAMELÁ ONONELAMO DERETU
Amambali anasunzihe dhavi anawa okala okuluveleya?
Ekaleleni yaderetu wakwanihedha ejile epikirelihu?
Koona sabwaya jani enfwanyelelihu opitxa misoko masiki dhihilabihedhiwaga deretu.
“Devemos—pagar impostos?” (A Sentinela, 1.º de Setembro de 2011)
Txini yamuttukuleli mulobwana wohikuluveleya otxinja egumi yaye?
“Aprendi que Jeová é Misericordioso e Perdoador” (A Sentinela, 1.º de Maio de 2015)