• Kalibiha nroromelo mwa esile dhinjedhiwe
    Mwang’aneli (Wosunzana)—2016 | Otuburu

    • 2 Bibilia onloga wila “omuroromela Mulugu thi nikoma” n’owakela dhinjyedhihu. Eji entapulela wila abale ana nroromelo, akaana ebaribari yawi dhetene dhilibeli Mulugu dhinele wakwanihedheya. (Ahebreu 11:1) Masaka abano attu enjene anojedhaga woona dhilobo esi, mbwenye kaana ebaribari wi dhinele wakwanihedheya. Motagiha, attu enjene anojedhaga opemberha mugunddu, mbwenye mudhidhi mwina empadduwaya kahiyo ejuwene. Mutoma obu onele onikamihedha ononelamo mukalelo onfanyeelihu olibiha nroromelo nehu mowiwanana na dholibela esi. Ninele woona wila olibiha nroromelo ovanene ononikamihedha.

      3. Ninkanela eni ekuluvelo wila dholibela dha Yehova dhinele wakwanihedheya?

      3 Mwa iyo notene kavo obaaliwe na nroromelo. Akala ninofuna okaana nroromelo, nittiye wila muya wokoddela wa Mulugu weeddihe mirima dhehu. (Galásia 5:22) Muya wokoddela onele onikamihedha omuziwa mowakwana Yehova. Niganonelamo wila iyene ddwa ewodhelo vina muziwetxi, ninele okuluvela wila onele wakwanihedha dholibela dhetene dhiganiliye. Yehova mwinyene onowadda dholibela ninga dhimalile wakwanihedheya eraga “Dhetene dhimala wireya!” (Kengesa Ovuhulela 21:3-6.) Iyo ninoziwa wila Yehova onowakwanihedha dhetene dhinlibeliye. Iyene ‘ddi Mulugu wororomeleya.’ Ji sabwaya enrumeelihu dhetene dhinlibeliye okosa musogorho.​—Olibiha 7:9.

      EMELELI A YEHOVA ALIBIHILE NROROMELO NAWA MASAKA A MUNDDUNI

      4. Elobo gani yaroromela emeleli a Yehova masaka a mundduni?

      4 Va Ahebreu 11 vanologiwa attu owakwana 16 alobwana na ayana, alibihile nroromelo nawa mwa dholibela dha Yehova. Vina vanologiwa attu enjene amukwela Yehova sabwa ya ‘nroromelo nawa.’ (Ahebreu 11:39) Otene anjeedha woona “ziza” nattagile ologa Yehova. Awene anziwa wila muttu oddo wa “ziza” agahatolotxa amwiddani etene a Mulugu vina agahikosiha elabo okala paraizu ninga mwalani omaromo. (Wita 3:15) Txibarene emeleli abo anroromela wila Mulugu, agahawiyihedha egumi. Noona, aweneya kajedhela ovenyihiwa mu okwani wi aakele egumi ya wirimu, sabwani Yezu wali ahinatti ofugula dila. (Galásia 3:16) Ottiya ejo, ajeedhela ovenyihiwa wi aakele egumi yamukalakala velaboni ya vati mparaizu wokoddela.​—Masalmo 37:11; Izaiya 26:19; Ozeya 13:14.

  • Kalibiha nroromelo mwa esile dhinjedhiwe
    Mwang’aneli (Wosunzana)—2016 | Otuburu

    • 7. Txini enivahile Yehova wila nilibihena nroromelo nehu, nanda ninfanyeela okosa eni?

      7 Txini enanikamihedhe olibiha nroromelo nehu? Yehova onivaha Bibilia wi anisunzihe sabwa ya dholibela dhaye dha musogorho. Onologa vina ejile enfanyeelihu okosa wi nihagalale. Ji ejene ekalelani yamakamaka omwengesa Bibilia malabo otene vina ovirihamo maganoya. (Masalmo 1:1-3; kengesa Merelo 17:11.) Yehova ononigawela “poso mudhidhi ogafiya” eji entapulela mabasa ankosiwa na “mwimeleli wororomeleya, wamalago.” (Mateu 24:45) Natagihaga emeleli a Mulugu masaka a mundduni, ninofanyeela wengesa sabwa ya dholibela dha Mulugu, vina otamelaga mudhidhi wi nitanaalele. Ejo enele onikamihedha omuroromela Mulugu, vina ojeedhela n’ottaba mudhidhi onalamule Omwene waye velaboni ya vati.

      Yehova agakula malobelo ehu, nroromelo nehu mwa iyene ninoliba

  • Dhowakula dha Mabasa na Yeddelo Yehu ya Okristu ya Setemburu
    Dhowakula dha mwb (2019) | Setemburu

    • 6 Va Ahebreu 11:​1, Bibilia onologa entapulela nroromelo. (Kengesa.) (1) Nroromelo “thi nikoma n’owakela dhinjyedhihu.” Ologa “dhinjyedhihu” entaganyiheya na dholibela dha Yehova dha musogorho. Motagiha, nikaana ebaribari wi obure onele ogoma, nanda onele okala elabo eswa. (2) Nroromelo “thi nikoma ninniziwiha dhiliwo dhihinoneya,” obe ezinddiyelo ya ‘esile dhiliwo dhihinwodhihu woona.’ Iyo nihiziwa wila Yehova Mulugu, Yezu Kristu, angelo, na Omwene wa wirimu dhihikalawo mbwenye iyo kannonaga na mento ehu. (Ahebreu 11:3) Ninalagihe dhavi wila ninororomela dholibela dha Mulugu na esile dhihinona iyo? Ninolagiha na mweddelo wehu, malogelo na merelo ehu.