Kakamihedha Mulogo Wawo

Orugunuwa elabo yotene, matxikwi-na-matxikwi a attu anomulabela Yehova mmilogoni dhowinjiva. Attuya aba anovaha ttima masunziho anakelani vina anofuna okamihedha mulogoya. Weyo ononamo dhawene sabwa ya mulogo wawo?

1. Onawodhe dhavi olabihedha mudhidhi na guru dhawo wi okamihedhe mulogo?

Enowodheya iyo notene okamihedha mulogo. Motagiha, wattukula abali owunuwelavo obe anfuna nikamihedho wi afiye omatugumanoni, wakamihedha na dhilobo dhina, ninga ogula vina okuputta nyumba yawa. (Kengesa Tiago 1:27.) Jaderetu iyo vina okala omala na wale wi nikamihedhe okuputta vina osasanyedha Nyumba ya Omwene. Kavo ommageleliwa okosa ejuwene. Okwela onihuna na Mulugu vina na abali ehu ‘bunnittukulela oviperheka.’—Masalmo 110:3.

Anamoona a Yehova obatiziwa, anokamihedha mulogo na mikalelo dhottiyana. Ninga motagiha, abali ena anovilibihedha olaba ninga adhari okamihedha vina anddimuwa a mmulogoni. Enowodheya abali na arogora okamihedha mabasa a olaleya akalaga apionero. Anamoona a Yehova ena, anowodha okamihedha omagiwa wa Nyumba dha Omwene oku ena anomwalela mmilogoni munfuneya nikamihedho.

2. Ninawodhe dhavi olabihedha deretu dhokaana dhehu wi nikamihedhena mulogo?

Ninofwanyela ‘omuttittimiha Yehova na dhilobo dhinihuna.’ (Gano 3:9) Mwa iyo gari okosa mivaho wi nikamihedhena mulogo vina mabasa olaleya orugunuwa elabo yotene. (Kengesa 2 Korinto 9:7.) Mivaho dhehu dhinolabihedhiwa wi dhakamihedhena abalihu. Ena anokoya sumana obe myeri dhotene muttengo onfunani wi akosena mivaho. (Kengesa 1 Korinto 16:2.) Enowodheya okosa mivaho dhehu mukashani dhinfwanyeya o Nyumbani dha Omwene obe mu site donete.jw.org. Olabihedha dhokaana dhehu ononivaha gari ya omutonyihedha Yehova omukwela wehu.

KASUNZAVI

3. Kakamihedha milogo na mivaho dhawo

Yehova na Yezu anomukwela oddule onvaha na murima wotene. Ninga motagiha Yezu wahimoona mamukwela akosaga mvaho. Kengesa Luka 21:1-4, mugamala mutanaalele mavuzo aba:

• Enofuneya okosa mivaho na kobiri dhinjene wi nimwagalalihe Yehova?

• Yehova na Yezu anoonamo dhavi mivaho dhinkosihu na murima wotene?

Wi oziwe mukalelo onlabihedhiwa mivaho dhehu, karumiha VIDIYU. Mugamala mutanaalele nivuzo ntti.

VIDIYU: ‘Omukosela Mvaho Yehovaʼ (4:47)

• Mivaho dhehu dhinlabihedhiwa dhavi wi dhikamihedhe milogo elabo yotene?

4. Enowodheya iyo ovivelela wi nikamihedhe

Alabeli a Yehova a masaka a mundduni anziveliwa osasanyedha mimburo dhalabihedhani wi amwebedhe Yehova. Wila ejo ewodheye dhanfuneya dhilobo dhina ottiya kobirivi. Kengesa 2 Mapadduwo 34:9-11, mugamala mutanaalele nivuzo ntti:

• Ana Izrayel akamihedha dhavi osasanyiwa wa mparha?

Wi ononelemo mukalelo onfwara Anamoona a Yehova dhotagiha dha mBibiliani, karumiha VIDIYU. Mugamala mutanaalele mavuzo aba.

VIDIYU: Okoddeliha Mburho Wehu Wawebedhamo (3:31)

• Ekaleleni yaderetu ottiya Nyumba ya Omwene yokoddelene vina pama?

• Onawodhe okamihedha dhavi?

5. Enowodheya abali okosa venjene mmulogoni

Bibilia onowakokomeza alobwana a’Kristu ovilibihedha okamihedha mulogo. Wi wone yotagiha modha, karumiha VIDIYU. Mugamala mutanaalele nivuzo ntti.

VIDIYU: Abali—Kavilibihedheni Okosa Mabasa Apama (5:19)

• Mvidiyuni txini ekosile Pedro wi akamihedhe mulogo?

Bibilia onologa mweddelo onfwanyela okana abali wi alabe ninga adhari okamihedha vina anddimuwa a mmulogoni. Kengesa 1 Timóteo 3:1-13, mugamala mutanaalele mavuzo aba:

• Mikalelo gani dhinfwanyelela okana abali anfuna olaba ninga adhari okamihedha vina anddimuwa a mmulogoni?

• Anamudhi aye anfwanyela okana mweddelo gani?—Koona versu 4 na 11.

• Abali ena agavilibihedhaga okana mikalelo dhapama attu ena mmulogoni ampurelamo dhavi?

OGWADDELA

Yehova onovaha ttima dhilobo dhinkosihu wi nikamihedhe mulogo nilabihedhaga mudhidhi wehu, guru na dhilobo dhina iyo.

Kobuwela Dhisunziliwe

• Ninawodhe dhavi olabihedha mudhidhi na guru dhehu wi nikamihedhe mulogo?

• Ninalabihedhe dhavi dhokaana dhehu wi nikamihedhena mulogo?

• Weyo ogaziveliwe dhavi okamihedha mulogo?

TAMELÁ ONONELAMO DERETU

Koona sabwaya jani enkoddela Mulugu omukumbirha nekumi.

“O que é que a Bíblia diz sobre pagar o dízimo?” (Mutoma wa mu jw.org)

Bibilia onowatttomela abaliobatiziwa mabasa mena. Ki akala onfuna okosa murogora wobatiziwa txini enfwanyeliye okosa?

Kanonelamo Osogorhela wa Mmulogoni” (Mwangʼaneli, Feverero 2021

Kaaziwe Anamoona a Yehova ena alibile murima wi akose guru ya wattukulela abalawa manivuru.

Distribuindo Publicações Bíblicas no Congo (4:25)

Mottiyana na marelijiau mena, iyo ninkamihedha dhavi mabasa ehu.

“Como é que a obra das Testemunhas de Jeová é financiada?” (Mitoma dha mu jw.org)