3. Anamoona a Yehova antagiha dhavi okwela otonyihedhile Yezu?

Yezu wanakwela venjene anamafwara aye ofiyedha wawona ninga anamudhi aye. (Kengesa Marko 3:35.) Na mukalelo wakakene, Anamoona a Yehova bowiwanana ninga anamudhi, orugunuwa elabo yotene. Jijuwene enattukulela okuwelana abali vina arogora. (Filémoni 1, 2) Iyo vina ninofwara nlamulo ntti: ‘Mwakwele amudhenyu a mmulogoni,’ obe mwakwele abali na arogora otene. (1 Pedro 2:17) Ninotonyihedha okwela oku na mikalelo dhottiyana, makamaka abalihu agafunaga nikamihedho.

6. Nigabatiziwa ninokosa mpaddi wa nikuru na anamudhi a Yehova

Nigamala obatiziwa, pankosihu mpaddi wa anamudhi owiwanana orugunuwa elabo yotene. Kintanala elabo obe elemelelo yawo, notene ninrumeela dhilobo modhene vina niniwelela malamulo akakene a Mulugu. Kengesa Masalmo 25:14 na 1 Pedro 2:17, mugamala mutanaalele nivuzo ntti:

• Muttu agamala obatiziwa, omarho gani onkaniye na Yehova vina na abale animwebedha?

Nigakala vamodha na abalihu ninokala ninga Mwene David ologile: “Mone oziva onjavo anamudhi, anedda mumodhani!” (Masalmo 133:1) Mbwenye wiwanana oku kumpadduwa woka. Muttu-muttu onofwanyela okosa mpaddi waye.

1. Txini eli yotikiniha munlogoni na Yehova?

Weyo ogadhowa wona matugumano elabo yina, onele ozinddiyela wi masiki ohinonelagamo elogeloya onokala ninga oli vatakulu. Sabwaya jani? Sabwani ninimusunza Bibilia na manivuru akakene orugunuwa elabo yotene. Ninovilibihedha otonyihedhana okwela muttu na mukwaye. Kintanala mburo onkala iyo, notene ‘ninottittimiha nzina na Yehova wi nimwebedhe mowiwanana.’—Zakariya 3:9.

2. Txini enakose weyo wi okamihedhe wiwanana mmulogoni?

“Muziwe okwelana-wene na murima wotene.” (1 Pedro 1:22) Onawodhe dhavi okosa ejuwene? Kuwang’anetxe dhovonya dha attu ena, mbwenye mikalelo dhawa dhaderetu. Ottiya okala marho wa attu ana mikalelo dholigana na dhawo, katamela vina waziwa abali ena ottiyana. Enofuneya ovilibihedha wi nirabele nsakulano.—Kengesa 1 Pedro 2:17.a

3. Txini enakosiwe ogakana magudulano na mbali mwina?

Iyo nili attu owiwanana, mbwenye vina ohiligana. Masaka mena ninonyimulana. Nona, Bibilia ononaddela wi ‘Mulevelelagane dila dhotene dhinttegelana nyuwo,’ vina onologa: ‘Muttu-muttu amulevelele mukwaye n’ekalelo ewulevelelini Yehova.’ (Kengesa Kolosi 3:13.) Iyo ninomuttegela Yehova dila dhinji, masiki dhawene iyene ononilevelela. Nona, iyene onfuna wi nalevelele abalihu. Akala weyo ononelamo wi omunyimula muttu, katamela okosa murenddele.—Kengesa Mateu 5:23, 24.b

KASUNZAVI

4. Kapemberha nsakulano

Ninofuna wakwela abali otene. Mbwenye enodhaga okala yorutxa omukwela muttu ohinligana na iyo. Txini enanikamihedhe? Kengesa Merelo 10:34, 35, mugamala mutanaalele mavuzo aba:

• Yehova kahiyo Mulugu wansakulano enowodheya muttu-muttuvi omulabela. Ejo enapatte dhavi mubuwelo wawo mwaha wa abale ahinligana na weyo?

• Mweddelo gani wa nsakulano olitxi mmuruddani mwawo, onfunelani orabela?

Kengesa 2 Korinto 6:11-13, mugamala mutanaalele nivuzo ntti:

• Onawodhe dhavi wandana na abale ali ottiyana na weyo?

5. Kalevelela na murima wotene vina okose murenddele

Iyo txipo kaninwodha omulevelela Yehova mwa elobwene sabwani kaninkosela elobo yabure, mbwenye iyene ononilevelela. Kengesa Masalmo 86:5, mugamala mutanaalele mavuzo aba:

• Yehova onnilevelela dhavi?

• Onfwanyelelani omutamaalela Yehova sabwa ya onilevelela?

• Ninofuna wandana na abali otene a mmulogoni, mbwenye txini egadhile onitximiha?

Ninawodhe dhavi omutagiha Yehova vina okalavi owiwananeyana na abali vamodha na arogora? Kengesa Gano 19:11, mugamala mutanaalele nivuzo ntti:

• Muttu agawunyimula, txini enakosiwe wi ohigwadde mandano na iyene?

Masaka mena ninowanyimula akwehu. Ejo egapadduwa ninakose eni? Karumiha VIDIYU, mugamala mutanaalele nivuzo ntti.

VIDIYU: Olevelelana Enodhana Marurhiho (6:01)

• Mvidiyuni, txini ekosile murogora wi ahigwadde mandano?

6. Otamelege wona mikalelo dhaderetu dha abali

Nigakala attu ofiyedheyana na abali vina arogora, ninele waziwa pama vina ninele oziwa dhowobana dhawa. Ninawodhe dhavi wona mikalelo dhapama dha abali? Karumiha VIDIYU, mugamala mutanaalele nivuzo ntti.

VIDIYU: Wawone Abali na Monelo wa Pama! (5:10)

• Txini enokamihedhe wonaga dhipaddi dhapama dha abali?

Yehova onang’anetxa opama wa abali. Kengesa 2 Mapadduwo 16:9a, mugamala mutanaalele nivuzo ntti:

• Weyo oniwamo dhavi ogaziwa wi Yehova onang’anetxa mikalelo dhawo dhaderetu?

OGWADDELA

Enowodheya weyo okamihedha mulogo okala wowiwananeyene modhela okala muttu waderetu vina watonyihedhaga abali ena okwela.

Kobuwela Dhisunziliwe

• Onawodhe dhavi opemberha nsakulano?

• Onakose eni ogakana magudulano na mbali?

• Onfunelani ofwara yotagiha ya Yehova modhela walevelela attu ena?

TAMELÁ ONONELAMO DERETU

Musibo wa Yezu onele owodha onikamihedha ohattongaga attu ena.

Tire a Trave do Seu Olho (7:01)

Ninofwanyela okumbirha nlevelelo masiki nihikosile elobo yabure?

“Pedir desculpas:—um meio eficaz para fazer as pazes” (A Sentinela, 1 de Novembro de 2002)

Koona mukalelo osunzile attu waweddiha attu ena se nsakulano.

Não Julgue Pelas Aparências (5:06)

Onawodhe dhavi osasanyedha makani na mbali muhinagwadda murenddele wa mmulogoni.

“Resolva problemas com amor” (A Sentinela, Maio de 2016)